Fréttablaðið - 22.09.2022, Qupperneq 36

Will lærði íslensku og
lagði sérstaklega mikla
áherslu á að læra
framburð til þess að
vera með framburðinn
alveg á hreinu þegar
við erum að syngja
lögin.
Will Hunter, Hrafnhildur Inga
Guðjónsdóttir, Gísli Gunn-
arsson og Sigurboði Grétars-
son mynda heiðingjahljóm-
sveitina Vévaka sem gefur út
nýja breiðskífu, Fórnspeki, í
næsta mánuði og í kjölfarið
munu þau fylgja henni eftir
með tónleikum víða um lönd
á vegum fjölþjóðlega útgáfu-
fyrirtækisins Season of Mist.
toti@frettabladid.is
Bandaríkjamaðurinn Will Hunter
og Íslendingarnir Hrafnhildur Inga
Guðjónsdóttir, Gísli Gunnarsson og
Sigurboði Grétarsson mynda saman
heiðingjahljómsveitina Vévaka. Þau
sækja innblástur í og byggja tónlist
sína á heiðni og fornri náttúru-
dýrkun sem er meðal annars löguð
að samtímanum með nútímatækni
og tólum.
„Söguleg nákvæmni er ekki tak-
markið og við erum ekkert bundin
við þá hugmynd að hljóðfærin þurfi
að vera fornnorræn,“ segir Sigur-
boði. „Við erum ekki víkingar, seið-
menn eða prestar. Við erum iðkend-
urnir, venjulega fólkið sem
færir sínar fórnir.“
Will tekur undir þetta og
áréttar að þau séu í raun
að reyna að stíga aðeins
frá öllum þessum vík-
ingapælingum og í tón-
listinni leggi þau áherslu
á nýmóðins lög fyrir
nútímalega trú.
Alveg rammheiðinn
Tónlist Vévaka hefur
fengið merkimiðann
„neofolk“ sem einhvers
konar nútímaleg þjóð-
lagatónlist með forn-
norrænar rætur. Hljómsveitinni
hefur þannig verið lýst sem „Nor-
dic folk band“ en Sigurboði þrengir
hringinn frekar með því að tengja
þau við heiðinn sið norrænna
manna og norræna andatrú.
Og þú sjálfur. Hefur þú alltaf verið
á heiðnirófinu?
„Já, ég er alveg rammheiðinn.
Skítugur heiðingi, eins og þeir
segja,“ segir Sigurboði og hlær.
„Áherslan er þá á náttúrudýrkun
og við notum guðina til þess að
miðla henni frekar en að við séum
beinlínis að tilbiðja Þór uppi á
himninum. Hann táknar frekar
ákveðna orku í heiminum.“
Sigurboði segir ákveðna vakn-
ingu vera í gangi á heimsvísu í
þessum efnum og að heiðinn siður
sé að rjúfa þær neikvæðu tengingar
sem hann fékk eftir að rasistar og
nasistar slógu eign sinni á ýmsar
táknmyndir hans.
Lausn úr nasískum læðingi
„Áhuginn er bara að vakna um
allan heim, sérstaklega eftir því sem
meiri almennilegar upplýsingar eru
að koma fram um hvað heiðni er og
hvað heiðni er ekki.
Þannig að það er rosalega gott að
fólk er farið
að fatta að það er hægt
að koma sér inn í þetta án þess að
vera með einhvern rasisma eða
nasisma. Eins og þetta hefur verið
stimplað svo lengi,“ segir Sigurboði
og hlær. „Þannig að við erum svona
að endurheimta þetta og er að tak-
ast það mjög vel.“
Norrænn fílingur
Stemningin er því með Vévaka og
Sigurboði telur því ekki útilokað
að þau komi fram á réttum stað og
tíma. Season of Mist virðist einn-
ig lesa þannig í stöðuna og gerði
samning við Vévaka fyrr á þessu ári
og Íslandstenging útgáfufyrirtæk-
isins styrktist enn frekar, en það er
einnig með Sólstafi og svartmetal-
sveitirnar Auðn og Helfró á sínum
snærum.
„Season of Mist er mest með
metal og þungarokk en líka Heilung
sem er mjög fræg og ekki metal,“
segir Sigurboði um dansk/þýsku
neofolk-sveitina. „Þannig að það
er norrænn fílingur og við sendum
þeim bara demó og þau voru bara
yfir sig hrifin af þessu. Og líka því að
við erum svolítið að stíga frá þessu
víkingaþema.
Við erum bara venjulegt fólk í
nútíðinni að stunda okkar heiðni
og erum ekki víkingar. Það er búið
að vera svolítið mikið af þeim.“
Í upphafi voru Eddukvæði
Vévaki byrjaði sem sólóverkefni
söngvarans og hljóðfæraleikar-
ans Wills Hunter sem gaf fyrstu
plötuna, Eddu, út 2020 og eins og
nafnið bendir til lágu Eddukvæðin
til grundvallar tónlistinni.
Fórnspeki er önnur breiðskífa
Vévaka og kemur út hjá Season of
Mist 28. október. „Síðan verðum
við með útgáfutónleika á Húrra 13.
nóvember og svo verðum við bara
að túra hér og þar á næsta ári,“ segir
Sigurboði og bætir við að hljóm-
sveitin þurfi lítið að hafa áhyggjur
af slíku þar sem Season of Mist
muni sjá um að bóka þau á tónleika
og tónlistarhátíðir víða um heim á
næsta ári.
„Við Will erum búnir að þekkjast
í einhvern tíma og búnir að vera að
gera tónlist saman,“ segir Sigurboði,
sem var Will til halds og trausts
strax á Eddu. „Hann bjó þá í New
York og ég hjálpaði honum eitthvað
með þetta. Söng aðeins og spilaði
aðeins á trommur og eitthvað,“ segir
Sigurboði um fjarvinnusambandið
á netinu.
„Hann kemur síðan til Íslands og
ég hvet hann til þess að gera þetta
almennilega og við ákváðum bara
að keyra á þetta og gera þetta miklu
stærra og stefna á að spila úti í heimi
þannig að það er bara búið að vera á
áætlun hjá okkur núna undanfarið.“
Heiðingjasveimur
Sigurboði gekk í framhaldinu alfar-
ið til liðs við Vévaka og þegar Hrafn-
hildur Inga og Gísli bættust við var
bandið fullskipað, tónlistin flæddi
fram og áætlunin er heldur betur
að ganga eftir með aðkomu Season
of Mist.
„Will lærði íslensku og lagði sér-
staklega mikla áherslu á að læra
framburð til þess að vera með fram-
burðinn alveg á hreinu þegar við
erum að syngja lögin, en ég, Hrafn-
hildur og Will erum á sviðinu og
Gísli er í rauninni 50 prósent á móti
okkur þegar kemur að því að skapa
tónlistina.
Hann er neo-classical tónskáld
sem ég hafði unnið eitthvað með
fyrir löngu og spurði hann hvort
hann vildi vera með. Við sendum
honum eitthvert demó og hann
bara tók það og gerði sína töfra.
Þá varð þetta bara að einhverju.
Það er einhvern veginn fáránlegt
hvernig lögin hljóma allt öðruvísi
en demóin eftir að hann tók þau
sínum tökum. Þannig að hann er
rosalega stór partur af þessu en
hann er alveg svakalega feiminn
þannig að hann kaus að vera ekki
á sviði.“ n
Sigurboði,
Hrafnhildur,
Gísli og Will í
Véboða magna
upp tónlist sína
með bein-
tengingu við
náttúruna á
forsendum
hversdagslegra
heiðingja.
MYND/
SEASON OF MIST
Heiðni og náttúrudýrkun
er kjarninn í tónlist Vévaka
toti@frettabladid.is
Raftvíeykið í Ultraf lex, þær Katr-
ín Helga Andrésdóttir og Kari
Jahnsen, gefa í dag út lagið Melting
Away, sem er þeim svo hjartfólgið
að þær kalla það hvorki meira né
minna en sinn „magnum opus“.
Smáskífan er sú síðasta sem
Ultra f lex sendir frá sér áður en
önnur breiðskífa þeirra, Infinite
Wellness, kemur út þann 7. októ-
ber. „Þetta er okkar eigið uppá-
haldslag af þeim sem við höfum
samið,“ segir Katrín um lagið sem
var erfiðast að semja af þeim sem
mynda breiðskífuna saman.
Vinnutitill lagsins var Power
Ballad og þær reyndu öll trikkin í
bókinni til þess einmitt að semja
kraftballöðu og þar gætir áhrifa
ekki ómerkara spáfólks en Spice
Girls, Madonnu, Usher og Enrique
Iglesias.
„Það er samt ekki víst að þetta
verði uppáhaldslag áheyrenda
vegna þess að þetta er rólegra en
við erum vanar að vera með. Þetta
er ballaða en við erum venjulega
meira diskó og dans.“
Tónlistarmyndbandið við Melt-
ing Away kemur einnig út í dag og
þær stöllur skrúfuðu metnaðinn
einnig í botn við gerð þess. „Þetta
er metnaðarfyllsta myndbandið
okkar. Við erum venjulega svona í
heimagerðum myndböndum en
settum svolítinn pening í þetta og
fengum styrk til þess að gera það.
Ultraf lex hefur síðan f leiri
hnöppum að hneppa í dag, en
Melting Away þar sem tvíeykið
kemur í dag fer fram á Reeper-
bahn-tónlistar hátíðinni í Hamborg.
Breiðskífan er síðan rétt handan
við hornið. „Við erum ógeðslega
spenntar og vorum að fá vínilinn
í hús. Hann er rosa fallegur. Við
erum ekki að græða neitt á því að
gefa út á vínil og komum út á núlli
ef við erum heppnar en það er bara
svo gaman að hafa eitthvað áþreif-
anlegt,“ segir Katrín um borð í lest
á leið til Hamborgar. n
Ultraflex gefur út sitt eigið uppáhaldslag
Katrín Helga og
Kari í Ultraflex
bíða spenntar
eftir útgáfu
breiðskífunnar
í næsta mánuði
en senda í milli-
tíðinni frá sér
lagið Melting
Away sem er
þeirra magnum
opus.
MYND/AÐSEND
28 Lífið 22. september 2022 FIMMTUDAGURFRÉTTABLAÐIÐLÍFIÐ FRÉTTABLAÐIÐ 22. september 2022 FIMMTUDAGUR