Skessuhorn - 10.08.2022, Qupperneq 1

FRÉTTAVEITA VESTURLANDS – www.skessuhorn.is 31-32. tbl. 25. árg. 10. ágúst 2022 - kr. 950 í lausasölu
Ert þú í áskrift?

Sími 433 5500
www.skessuhorn.is
699 3444
molby@fastlind.is
Löggiltur fasteignasali
ÁRALÖNG ÞEKKING
OG REYNSLA AF
FASTEIGNAMARKAÐI
Á VESTURLANDI
BOGI MOLBY
Allir kaupendur og seljendur fá
Vildarkort Lindar
hjá fjölmörgum fyrirtækjum
sem veitir 30% afslátt
Hér hefur sniðglímu verið beitt og andstæðingurinn felldur. Fulltrúar Glímusambands Íslands sýndu glímutök og kynntu íþróttina á Hvanneyrarhátíð um liðna helgi.
Fleiri þjóðlegir dagskrárliðir voru í boði fyrir ríflega tvö þúsund gesti sem sóttu hátíðina. Sjá nánar bls. 18. Ljósm. gó.
Eldgos hófst á um 300 metra langri
sprungu í Meradölum á Reykjanes-
skaga laust eftir hádegi miðviku-
daginn 3. ágúst sl. Sprungan er
u.þ.b. einn kílómetra norðaustur af
megingígnum sem var virkur í gos-
inu 2021. Gosið hófst mun kröft-
ugar en gosið sem hófst í mars í
fyrra. Meðalhraunflæði fyrstu tím-
ana eftir að sprungan opnaðist var
32 rúmmetrar á sekúndu sem er um
4-5 sinnum meira en var í byrjun
gossins í fyrra. Strax daginn eftir, 4.
ágúst, hafði meðalrennsli hraunsins
dottið niður í 18 rúmmetra á sek-
úndu.
Vegna veðurs hefur verið lokað
að gosstöðvunum frá því á sunnu-
dagsmorgun, en hvasst hefur verið
á svæðinu, lélegt skyggni og mik-
il rigning. Staðan verður endur-
metin í dag og ákvörðun tekin, með
tilliti til veðurs, um hvort svæðið
verði opnað. Þrátt fyrir lokun hafa
hópar fólks farið inn á svæðið og
hafa björgunarsveitir þurft að leita
að fólki og koma því til bjargar. Á
meðan á lokuninni stendur hafa
verið framkvæmdir á svæðinu sem
er heldur stórgrýtt og erfitt yfir-
ferðar fyrir göngufólk. Verktakar
hafa unnið við að ýta til grjóti og
slétta göngustíga svo þeir verði
þægilegri yfirferðar fyrir almenning
en ekki síst fyrir björgunarsveitar-
fólk svo það eigi auðvelt með að
fara um svæðið.
Eldgosið trekkir að innlenda sem
erlenda ferðamenn en bókanir á
flugi til Íslands, bæði með flugfé-
laginu Icelandair og Play, tóku kipp
skömmu eftir að greint hafði verið
frá gosinu í fjölmiðlum. Þá hækk-
uðu sem dæmi hlutabréf í Icelandair
um 7% á einungis nokkrum klukku-
stundum eftir að gosið hófst. Þá má
ætla að Grindvíkingar séu í óða önn
að undirbúa sig fyrir mikinn ferða-
mannastraum næstu daga og vikur.
Gasmengun vegna brennisteins-
tvíoxíðs er viðvarandi við gosstöðv-
arnar og hefur suma daga náð langt
inn í land, en það er breytilegt eftir
veðri og landslagi hversu langt blá-
móðan nær. Hlutfall brennisteins-
tvíoxíðs í andrúmslofti á Vesturlandi
getur þannig hækkað og loftgæði
versnað vegna gossins. Á vefsíðu
Veðurstofunnar er gasdreifingarspá
þar sem hægt er að sjá hvernig gasið
dreifir sér á hverjum klukkutíma og
áhrifasvæði gass á næstu sex klukku-
tímum og á næstu 24 tímum.
gbþ
Eldgos hófst á
Reykjanesi fyrir viku
Þannig leit gosið út að kvöldi fyrsta dags þess.
Ljósm. Þórarinn Jónsson; Thor Photography.
Þinn árangur
Arion