Fréttablaðið - 19.11.2022, Qupperneq 11

Landsnet | Gylfaflöt 9 | 112 Reykjavík | Sími 563 9300 | landsnet@landsnet.is | www.landsnet.is
Opnir fundir fyrir
landeigendur og aðra hagaðila 22. nóvember
Hótel
Laugarbakka,
Miðfirði
20:00–21:30
23. nóvember
Félagsheimilinu
Blönduósi
16:30–18:00
Holtavörðuheiðarlína 3
Línulegt samtal
Landsnet hefur hafið undirbúning að mati á umhverfisáhrifum
Holtavörðuheiðarlínu 3 milli Holtavörðuheiðar og Blöndu.
Lagning línunnar er mikilvægur hlekkur í nýrri kynslóð
byggðalína.

Meginmarkmiðið er að auka aendingaröryggi og
aendingargetu á landinu og tryggja að flutningskerfið
standi ekki í vegi fyrir atvinnuuppbyggingu og eðlilegri
þróun byggða á landinu.
Með samráði og samtali við landeigendur og hagaðila,
rannsóknum og greiningum verður farið í gegnum mat
á umhverfisáhrifum til að fá betri mynd af verkefninu,
möguleikunum og hvernig línuleiðum verður háttað.
Anna Sigga, Elín Sigríður, Erla, Magni, Steinunn og Sverrir
bjóða ykkur hjartanlega velkomin á opna fundi um
Holtavörðuheiðarlínu 3.
kristinnpall@frettabladid.is
HM Í KATAR Ekkert fyrirtæki hefur
óskað eftir því að hætta við auglýs-
ingar á RÚV á meðan Heimsmeist-
arakeppnin í knattspyrnu fer fram.
Þetta staðfestir Einar Logi Vignisson,
framkvæmdastjóri söludeildar aug-
lýsinga hjá Ríkisútvarpinu.
Bjórframleiðandinn BrewDog
kynnti nýlega auglýsingaherferð
gegn HM í Katar og íþróttavöru-
framleiðandinn Hummel gaf út að
hönnun dönsku landsliðstreyjunnar
væri látlaus til að mótmæla meðferð
verkamanna í Katar.
„Það hefur ekkert fyrirtæki, svo ég
viti til, dregið auglýsinguna til baka
eða hætt við að auglýsa þótt það sé
auðvitað með þennan viðburð eins
og aðra að það eru ekki allir sem
auglýsa í honum,“ segir Einar Logi. n
Enginn hætt við
auglýsingu á HM
HM í Katar hefst á morgun.
bth@frettabladid.is
EFNAHAGSMÁL Már Wolfgang Mixa
hagfræðingur segir engar augljósar
skýringar á því að gengi íslensku
krónunnar hefur fallið hratt upp á
síðkastið. Staða krónunnar gagn-
vart evru er 9 prósentum veikari
en í júní. Eru íslenskir ferðalangar á
erlendri grundu meðal þeirra sem
hafa fundið fyrir breytingunni, þar
sem ferð getur kostað 10 prósentum
meira en fyrir skemmstu.
Már nefnir sem hugsanlegar
skýringar á veikingu krónunnar að
vangaveltur séu um að lífeyrissjóðir
séu að færa fjármagn meira í erlendar
fjárfestingar.
Önnur skýring sé að ansi margir
Íslendingar hafi farið til útlanda upp
á síðkastið og verið á faraldsfæti.
Gengi gjaldmiðla sé eins og gengi
hlutabréfa hvað það varði að það
byggist að stóru leyti á væntingum
ekki síður en stöðunni hverju sinni.
„Það er erfitt að átta sig á hve mikil
ítök Seðlabankinn hefur í veikingu
eða styrkingu,“ segir Már. Gengis-
fallið er ekkert til að hafa áhyggjur af
að sögn Más. Augljóslega aukist þó
verðbólguvæntingar, en ekkert í far-
vatninu gefi til kynna að viðvarandi
veikingaskriða sé í aðsigi. „Sjávarút-
vegurinn og allar útflutningsgreinar
njóta þessa ástands,“ segir Már.
„Það má kannski rifja upp að þegar
krónan var sem sterkust, 2017–2018,
kvörtuðu aðilar sem byggðu rekstur
sinn að miklu leyti á útf lutningi
undan ástandinu. Það er kannski
eftir meiru að slægjast að gjaldmiðill
sé stöðugur fremur en ofursterkur.“ n
Erfitt að skýra gengishrun krónunnar
Sjávarútvegurinn og
allar útflutningsgreinar
njóta þessa ástands.
Már Mixa,
hagfræðingur
thorgrimur@frettabladid.is
BÓLIVÍA Allsherjarverkfall og götu-
mótmæli standa nú yfir í Santa Cruz
í Bólivíu vegna seinkunar ríkis-
stjórnarinnar á útgáfu nýs mann-
tals. Manntalið mun ráða úrslitum
við næstu kjördæmaskiptingu í land-
inu og gert er ráð fyrir því að íbúum í
Santa Cruz muni fjölga verulega.
Þar sem sitjandi stjórn Sósíal-
istahreyfingarinnar nýtur minni
stuðnings í Santa Cruz en víða ann-
ars staðar óttast mótmælendur að
stjórnin sé viljandi að seinka útgáfu
manntalsins til þess að koma í veg
fyrir að umdæminu verði úthlutað
fleiri þingmönnum. n
Verkfall í Bólivíu
Í Santa Cruz. FRÉTTABLAÐIÐ/EPA
gar@frettabladid.is
FÓLK „Hún þurfti að taka tvær lestir
hingað því hún lenti í sprengjuárás.
Hún ætlaði ekki að láta neitt stoppa
sig,“ segir Þráinn Árni Baldvinsson,
gítarleikari Skálmaldar, sem fyrir
tónleika í Kraká í Póllandi í gær-
kvöldi hitti aðdáanda sem kominn
var frá Úkraínu.
„Hún vildi bara knús og spjall. Ég
sagði henni ég gæti ekkert sagt sem
gerði neitt betra.“ n
Kom frá Úkraínu
til að sjá Skálmöld
Anna og Skálmaldarmenn.
LAUGARDAGUR 19. nóvember 2022 Fréttir 11FRÉTTABLAÐIÐ