Heilbrigðisskýrslur - 07.12.1982, Blaðsíða 11

1.0 INNGANGUR
Öldrunarþjónustunefnd hefur sett sér það meginverkefni að kanna
notkun, eftirspurn og þörf á heilbrigðisþjónustu fyrir aldraða.
Nefndin gerir sér hins vegar ljóst að málefni aldraðra verða
hvorki slitin úr samhengi við aðra þætti þjóðlífsins né aðra
þá þjónustu sem öldruðum er veitt í dag. Öll umræða um heil-
brigðisþjónustu við aldraða verður þess vegna að taka mið af
ýmsum þáttum félagslegrar þjónustu og þeim félagslegu breyting-
um sem átt hafa sér stað hér á landi á undanförnum áratugum.
Færa má gild rök fyrir því sjónarmiði að með því að taka fyrst
fyrir heilbrigðisþjónustu við aldraða sé nefndin í raun og
veru að byrja á öfugum enda. Eðlilegra væri að athuga fyrst
hvernig húsnæði og félagslegt umhverfi stuðli best að því að
aldraðir geti búið sem lengst á eigin heimilum og tekið virkan
þátt í daglegu lífi. Er þá gengið út frá þeirri forsendu að
vistun á stofnun sé lokaúrræði sem ekki beri að grípa til nema
tryggt sé að vandi einstaklingsins verði ekki leystur með öðru
móti. En hið alvarlega ástand í hjúkrunarmálum aldraðra krefst
á hinn bóginn þess að aflað sé nú þegar upplýsinga um þörf aldr-
aðra fyrir hjúkrunarrými. Þetta er bæði nauðsynlegt til þess
að meta að hve miklu leyti þær stofnanir sem þegar eru í bygg-
ingu koma til með að mæta þessari þörf og til þess að hafa ein-
hverja hugmynd um hverra úrbóta sé þörf á næstu árum.
í þeirri áfangaskýrslu sem hér birtist er einkum gerð grein
fyrir eftirfarandi atriðum:
1. Einstökum þáttum heilbrigðis- og félagslegrar þjónustu og
þá sérstaklega þeim er varða heilbrigðisþjónustu við aldraða.
2. Faglegu mati á þörf aldraðra fyrir hjúkrunarrými í Reykjavík.
Með öldruðum er £ þessari skýrslu átt við einstaklinga sem eru
orðnir 70 ára og eldri. Ræðst þessi afmörkun fyrst og fremst
af því að stærstur hluti þeirra sem þurfa á sérstakri aðstoð að
halda er í þessum aldurshóp. Faglegt mat er byggt á úrskurði
sérhæfðs starísliðs annars vegar og ríkjandi viðmiðunum um tilhögun
þjónustu hins vegar.
9