Heilbrigðisskýrslur - 07.12.1982, Blaðsíða 24
3.2 Langlegusjúklingar á almennum sjúkradeildum og geðdeildum
í frarahaldi af sjúklingatalinu í Reykjavík var gerð sérstök
könnun á öldruðum sjúklingum, sem töldust vera langlegu- eða
hjúkrunarsjúklingar, en lágu á almennum sjúkradeildum og geð-
deildum. Hér var um að ræða 114 sjúklinga 70 ára og eldri
sem ekki höfðu verið útskrifaðir vegna félagslegra aðstæðna
eða skorts á hjúkrunar- og dvalarheimilisrými. Könnunin var
framkvæmd af lækni og félagsráðgjafa öldrunarlækningadeildar
Landspítalans 9. -14. apríl 1981.
Könnunin var tvíþætt. Annars vegar var aflað upplýsinga um
heilsufar sjúklinga og metið af lækni hvar þeir ættu með réttu
að vistast innan skipulegrar sjúkrahúsþjónustu. Hins vegar
voru athugaðar félagslegar aðstæður sjúklinga og metið af
félagsráðgjafa hvaða tegund öldrunarþjónustu hentaði hverjum
og einum best.
í töflum 6 til 9 eru birtar helstu niðurstöður þessarar rann-
sóknar. í töflu 6 er yfirlit um aldursskiptingu sjúklinga
eftir stofnunum. Tafla 7 sýnir mat félagsráðgjafa á þjónustu-
þörf þessara 114 langlegusjúklinga. Þar kemur fram að hann
álítur að hægt sé að leysa vanda 22 sjúklinga með því að veita
þeim viðeigandi heimaþjónustu, 8 hafi þörf fyrir verndaða íbúð,
4 geti vistast á almennri deild dvalarheimilis og 23 á sjúkra-
deild dvalarheimilis, en 57 verði að vistast á sjúkrahúsi.
Hinir síðasttöldu eru sjúklingar sem þarfnast stöðugrar umönn-
unar. 1 töflu 8 kemur fram mat læknis á því hvar sjúklingarnir
ættu með réttu að vistast innan skipulegrar sjúkrahúsþjónustu
við aldraða. Er þar gengið út frá ýmsum tegundum sérhæfðrar
þjónustu sem ennþá er ekki nema að litlu leyti til staðar hér
á landi. í töflu 9 er síðan birtur samanburður á mati félags-
ráðgjafa og læknis á því hvaða form öldrunarþjónustu henti
best hverjum og einum í þessum 114 manna hóp. Samkvæmt mati
læknis þörfnuðust 103 sjúklingar vistar á sjúkrahúsi eða hjúkr-
unarstofnun. Félagsráðgjafi áleit hins vegar að aðeins væri
þörf á að vista 80 sjúklinga á slíkum stofnunum, svo sem fram
kemur hér að ofan.En með hliðsjón af ríkjandi aðstæðum telur
öldrunarþjónustunefnd rétt að gera ráð fyrir að vista beri alla
þessa sjúklinga á hjúkrunarstofnunum,sbr. töflu 13.
22