Heilbrigðisskýrslur - 07.12.1982, Blaðsíða 35

hjúkrunarvist að halda. Þar til viðbótar vistuðust 86 hjúkrun-
arsjúklingar í sama aldurshóp, en með lögheimili utan Reykja-
víkur, á sjúkrastofnunum í Reykjavík og loks voru Reykvíkingar
og utanbæjarmenn yngri en 70 ára alls 82. 1 fyrrnefnda hópnum
71 einstaklingur og í þeim síðarnefnda 11. Samtals var því
talin þörf fyrir 780 hjúkrunarrými í Reykjavík á árinu 1981.
Þörf fyrir hjúkrunarrými í Reykjavík hefur verið áætluð með
hliðsjón af þörfinni á árinu 1981 fram til ársins 1990. í
töflu 15 kemur fram að þörf er talin á 908 hjúkrunarrýmum á
árinu 1985 og 1001 rými árið 1990. Eins og fram er komið skorti
á árinu 1981 a.m.k. 155 hjúkrunarrými til þess að fullnægja
þeirri þjónustuþörf sem framangreindar kannanir hafa sýnt fram
á að var fyrir hendi. Sé jafnframt gert ráð fyrir að langlegu-
sjúklingar á almennum sjúkradeildum og geðdeildum eigi allir
að vistast á öldrunarlækningadeildum, hjúkrunardeildum eða
hjúkrunarheimilum þá skorti hins vegar allt að 282 hjúkrunarrými
í Reykjavík.
Tafla 15 Áætluð þörf fyrir hjúkrunarrými í Reykjavík
fram til 1990
1981 1985 1990
Hjúkrunarrýmisþörf 780 908 1001
A. Fyrir Reykvíkinga 70 i ára og eldri
70 - 74 ára 73 79 82
75 - 79 - 125 136 148
80- 84 - 148 160 175
85 ára og eldri 266 338 381
B. Fyrir utanbæjarmenn 70 ára
og eldri 86 100 110
C. Fyrir fólk yngra en 70 ára 82 95 105
Skýringar: 1. Varðandi áætlaðan fjölda í hverjum aldurshóp
sjá töflu 1.
2. Hlutfall utanbæjarmanna og fólks yngra en 70 ára
er miðað við eins og það var árið 1981.
33