Heilbrigðisskýrslur - 07.12.1982, Blaðsíða 41
Hvað varðar Reykjavík mun ekki aðeins efld heimaþjónusta geta
dregið úr eftirspurn eftir hjúkrunarrými, heldur mætti ætla
að með fyrirhugaðri fjölgun hjúkrunarrýma í nágrannasveitar-
félögunum og víða út um land muni draga úr ásókn utan-
bæjarmanna inn á stofnanir í Reykjavík. 1 Kópavogi verða til
dæmis tekin í notkun 38 hjúkrunarrými á þessu ári og á Hrafn-
istu í Hafnarfirði er í byggingu sjúkradeild með 79 rýmum.
Hins vegar er vitað að of margt vistfólk er í dag bæði á Grund
og Hrafnistu, a.m.k. miðað við þær kröfur sem nú eru almennt
gerðar til öldrunarþjónustu. Það er líka stefna þessara
stofnana að fækka sjúklingum og skapa þannig skilyrði
til þess að veita öldruðum þar betri þjónustu. Þetta ætti að
vera unnt ef í ljós kemur að efld heimaþjónusta og fjölgun
hjúkrunarstofnana utan Reykjavíkur dregur úr þörf fyrir hjúkrun-
arrými í Reykjavík.
óhjákvæmilegt er að vekja athygli á því að störf við hjúkrunar-
stofnanir eru bæði erfið og krefjandi.Ennfremur er það staðreynd að
þau eru ekki nægjanlega vel launuð og njóta ekki sömu virðingar og
störf við flestar aðrar sjúkrastofnanir. Víða erlendis
er reynsla af stórum hjúkrunarstofnunum afar slæm. Mannaskipti
eru mjög tíð og sjaldnast tekst þar að skapa umhverfi sem nauð-
synlegt er til þess að veita öldruðum árangursríka meðferð (7,8).
Bygging B-álmu Borgarspíatalans er þess vegna ef til vill ekki
sú allsherjarlausn á vistunarmálum aldraðra sem margir virðast
halda. Vel má vera að það komi sér betur fyrir aldraða lang-
legusjúklinga að vera dreifðir á almennum sjúkradeildum en að
þeim verði safnað saman á einn eða fáa staði.
Ef gengið er út frá því að almenn sjúkrahús á landsbyggðinni
taki í framtíðinni við hjúkrunarsjúklingum í sama mæli og þau
gera í dag, er, miðað við niðurstöður þessarar könnunar,ekki
jafn brýn þörf fyrir fjölgun hjúkrunarrýma utan höfuðborgar-
svæðisins og í Reykjavík. Samt er ljóst að þar verður að
koma til einhver fjölgun rýma á næstu árum. En £ þessari
áfangaskýrslu verður ekki fjallað frekar um öldrunarþjónustu
utan Reykjavíkur.
áhersla skal lögð á að þrátt fyrir að þjónustustaðlar og
almennar viðmiðanir hafi óneitanlega mikla þýðingu fyrir
39