Heilbrigðisskýrslur - 07.12.1982, Blaðsíða 19

2.2.2 Opnar stofnanir
Dagspítalar, dagvistanir og göngudeildir fyrir aldraða eru
meðal þeirra nýjunga sem komið hafa fram í öldrunarþjónustu
á síðustu árum. Hér á landi er þetta form öldrunarþjónustu
enn sem komið er ekki eins sérhæft og víðast hvar í nágranna-
löndum okkar. Þessari tegund þjónustu er einkum haldið uppi
af stofnunum eins og öldrunarlækningadeild Landspítalans,
Hrafnistu, Dalbrautarheimilinu og heilsugæslustöðvum víða um
land. Ennfremur sjá heimilislæknar ennþá að verulegum hluta
um þau verkefni sem ofangreindum stofnunum er ætlað að annast
í framtíðinni.
Dagspítalar eru oftast reknir sem hluti af öldrunarlækninga-
deild, en sums staðar eru þeir £ tengslum við sjukrahús eða
hjúkrunarheimili. Dagspítalar starfa þannig að oftast koma
sjúklingar 2-3 í viku og dveljast þar 6-7 klukkustundir í
senn. Meðferðartími er venjulega takmarkaður við 2-3 mánuði
en margir eru þó lengur í meðferð. Sjúklingurinn fær sérhæfða
læknis- og hjúkrunarþjónustu, snyrtingu, máltíðir og flutning
til og frá spítalanum. Meginhlutverk dagspítala er að endur-
hæfa sjúklinginn eftir veikindi og aðlaga hann á ný dvöl á
heimili sínu.
Göngudeild fyrir aldraða er ein hliðarstarfsemi öldrunarlækn-
ingadeildar. Þar fer fram, svo sem á öðrum göngudeildum sjúkra-
húsa, lækniseftirlit á t.d. 1-3 mánaða fresti eða oftar ef
með þarf. Á göngudeild fer ennfremur fram hluti af forrannsókn
á þeim sjúklingum er æskja innlagnar á deildina.
Þegar læknisfræðilegum markmiðum dagspítala hefur verið náð
og þörf er fyrir áframhaldandi dagvistun er viðkomandi einstakling-
um venjulega vísað til dagvistunarþjónustu, sem oftast er hluti
af félagslegri þjónustu hvers sveitarfélags. Ennfremur er al-
gengt að samhliða dagvistun sé veitt viss heilbrigðisþjónusta
og eftirlit með heilsufari. Slíkt fyrirkomulag er t.d. á Dal-
brautarheimilinu, þar sem nýlega hefur verið opnuð dagvistun
fyrir aldraða .
17