Heilbrigðisskýrslur - 07.12.1982, Blaðsíða 17

2.2 Skipulag heilbriggis- og félagslegrar
aðstoðar við aldraða (öldrunarþjónustu)
Öldrunarþjónusta er hluti af starfssviði heilbrigðis- og
félagslegrar þjónustu. Skipulagi hennar er hér skipt í
þrjá meginþætti:
1. Stofnanaþjónustu
2. Opnar stofnanir
3. Heimaþjónustu
Þjónusta svonefndra opinna stofnana er eins konar millistig
stofnanaþjónustu og heimaþjónustu.
2.2,1 Stofnanaþjónusta
Sú stofnanaþjónusta sem hér er talin til öldrunarþjónustu nær
yfir eftirtalin fimm þjónustuform:
1. Öldrunarlækningadeildir
2. Hjúkrunardeildir
3. Hjúkrunarheimili
4. Dvalarheimili aldraðra
5. Þjónustuíbúðir/verndaðar þjónustuíbúðir
Höfuðmarkmið öldrunarlækningadeilda er að stuðla að því að
aldraðir geti dvalið sem lengst á eigin heimilum og forða fólki
frá varanlegri stofnanavistun. Starfsemi slíkra deilda felst
þess vegna einkum í mati á heilsufarsástandi, meðferð og endur-
hæfingu aldraðra.
Hjúkrunardeildir og hjúkrunarheimili eru ætlaðar öldruðum ein-
staklingum sem eru of lasburða til þess að dveljast á dvalar-
heimilum eða í þjónustuíbúðum. Starfsemi þessara stofnana
miðast aðallega við aðhlynningu og hjúkrun aldraðra.
Dvalarheimili eru ætluð öldruðu fólki sem ekki er fært um að
annast eigið heimilishald án aðstoðar. Þar er öldruðum veitt
15