Heilbrigðisskýrslur - 04.12.1985, Blaðsíða 46

Aldur mæðra við barnsburð. (10,13)
Þaó er athyglisvert aó á sama tíma og meðalaldur kvenna sem fengið
hafa fóstureyðingu fer lækkandi hækkar meðalaldur mæðra við barns-
buró. Arið 1976 var meðalaldur mæðra 25,7 ár en 1981 er hann orðinn
26,3 ár. Þessi hækkun felur i sér breytingar sem orðið hafa á aldurs-
skiptingu mæðra en frá 1976 til 1981 fækkaði mæðrum undir 25 ára
aldri hlutfallslega úr 51% heildar i 46% en hlutur 25-39 ára mæðra
jókst úr 47% i 53%.
Aldursdreifing mæðra og kvenna sem fengu fóstureyðingu 1976-1981 er
i ýmsu mismunandi en hjá báðum hópunum urðu nokkrar breytingar á
tímabilinu þó sinu meiri hjá þeim siðarnefndu. Sem dæmi má nefna að
árið 1976 voru mæður 15% barna sem fæddust það ár, undir 20 ára
aldri, en 17% kvenna sem fengu fóstureyðingu. Arið 1981 hefur bilið
breikkað þannig að 13% mæðra eru yngri en tvitugar en 22% hinna
(sjá töflu 14 ). Um 62% mæóra árið 1981 eru á aldrinum milli tvitugs
og þrítugs samanborió við 46% hinna. Aðeins 2% mæðra árið 1976 voru
40 ára eða eldri á móti 14% kvenna sem fengu fóstureyðingu það ár.
Arið 1981 var hlutfall mæðra á þessum aldri komið niður i 1% og
kvenna sem fengu fóstureyðingu það ár i 5%.
Eins og fram hefur komið hefur tíðni fæðinga farið lækkandi, með
árunum eða úr 90,1 fæðingum á 1000 konur 15-49 ára timabilið 1971-
1975 i 79,5 árin 1976-1980. Þó tölur um fjölda fæðinga sveiflist
til milli ára, sýna meðaltöl þessara timabila að samdráttur hefur
orðið i öllum aldurshópum en mest hjá þeim yngstu þ.e. 15-19 ára.
44