Heilbrigðisskýrslur - 04.12.1985, Blaðsíða 79

5.6. Fóstureyðingar hjá unglingsstúlkum 1976-1981.
Samfara mikilli fjölgun fóstureyðinga hér á landi á undanförnum
árum hefur orðið nokkur breyting á aldursskiptingu þeirra kvenna
sem fengið hafa fóstureyðingu. Hafa fóstureyðingar færst frá þeim
eldri til hinna yngri. I ljósi þess og einnig vegna þeirrar athygli
sem fóstureyðingar meðal unglingsstúlkna fá jafnan í umfjöllun um
þetta efni verður hér gerð sérstök grein fyrir fóstureyðingum stúlkna
19 ára og yngri.
Fjöldi fóstureyóinga.
Árin 1976-1981 var framkvæmd samtals 651 fóstureyðing hjá stúlkum
undir 20 ára aldri en það samsvarar 22% allra fóstureyðinga umrætt
timabil. Til samanburðar má geta þess, .að 14% mæðra lifandi fæddra
barna sama tímabil, voru undir 20 ára aldri. A þessum árum hefur
þróunin verið sú aó hlutur unglingsstúlkna í fóstureyðingum hefur
smám saman aukist (úr 17% 1976 i 22% 1981) um leið og hlutur þeirra
i fæðingum hefur dregist saman (úr 15% 1976 i 13% 1981).
Arið 1976 fengu 64 stúlkur undir tvitugu fóstureyðingu en 1981
rúmlega helmingi fleiri eða 132. Flestar urðu fóstureyðingarnar
árið 1979 eða 148, en á árunum 1978-'79 gekk hér rauðhundafaraldur
sem ætla má að hafi átt hlut að tæplega 40 fóstureyðingum stúlkna
þessi tvö ár.
Sú aukning sem varð á fóstureyðingum hinna ungu kvenna kom nánast
öll i hlut 16-19 ára sbr. töflu þar sem sýndur er fjöldi fóstur-
eyðinga tvö og tvö ár i senn. Þar kemur og fram að aukningin varð
hvað mest i byrjun timabilsins þ.e. frá árunum 1976-'77 til rauð-
hundaáranna 1978-'79.
Arin 1980-'81 hefur fóstureyóingum fækkað hjá 17 ára og yngri en
fjölgað hjá 18-19 ára mióað við næstliðin tvö ár.
Ef litið er á timabilið 1976-1981 i heild vex fjöldi fóstureyðinga
með hækkandi aldursári stúlknanna. Sú yngsta sem fékk fóstureyðingu
var 13 ára og var um eina á ári að ræða i fjögur ár af sex. Tvær
til þrjár 14 ára fengu fóstureyðingu á ári hverju nema 1978 þá 7.
Hjá 15-19 ára stúlkum eru sveiflur milli ára algengari sbr. töflu
77