Fréttablaðið - 17.12.2022, Side 4

9 tonn
n Tölur vikunnar
7
pr
ós
en
t 1,84
milljarðar króna eru hækkanir
ökutækjatrygginga umfram verð-
lagshækkanir á fimm árum.
26
stiga frosti er spáð
á miðhálendinu
um helgina.
315
sinnum hafa
ráðherrar
ríkisstjórnar-
innar farið til
útlanda.
af íslenskum stofn-
vegum eru enn þá
malarvegir.
af hlýjum fatn-
aði voru send
til Úkraínu.
n Þrjú í fréttum
Hildur
Guðnadóttir
tónskáld
var tilnefnd til
Golden Globe-
verðlauna í
annað skiptið.
En hún vann
verðlaunin
árið 2020 fyrir tónlist kvik-
myndarinnar Joker, sem reyndist
undanfari að því að Hildur vann
Óskarsverðlaun. Hildur er til-
nefnd fyrir tónlistina í kvik-
myndinni Women Talking eftir
Söru Polley.
Bjarkey Olsen
Gunnarsdóttir
formaður
fjárlaganefndar
varð harðlega
gagnrýnd ásamt
öðrum í meiri-
hluta nefndar-
innar fyrir að
ætla að veita sjónvarpsstöðinni
N4 100 milljóna styrk eftir beiðni.
Kom í ljós að nefndarmaðurinn
Stefán Vagn Stefánsson er mágur
Maríu Bjarkar Ingvarsdóttur,
framkvæmdastjóra N4 sem sótti
um styrkinn.
Helgi
Vilhjálmsson
betur þekktur sem
Helgi í Góu
var sakaður af
Katrínu Lóu
Kristrúnardóttur
um kynferðis-
lega áreitni þegar
hún vann í sjoppu í eigu hans. Í
hlaðvarpsþætti Eddu Falak, Eigin
konur, sagði hún áreitnina hafa
staðið yfir í eitt og háflt ár eftir að
hann lánaði henni fyrir útborgun
í íbúð. Helgi gaf út yfirlýsingu og
baðst afsökunar. n
Formaður Öryrkjabanda-
lagsins segist fagna nýju
frumvarpi félags- og vinnu-
markaðsráðherra, sem sam-
þykkt var á Alþingi og tekur
á fjölgun NPA-samninga við
fatlað fólk með langvarandi
stuðningsþarfir. Þó megi gera
mun betur á mörgum stöðum
gagnvart fötluðu fólki.
erlamaria@frettabladid.is
FÉLAGSMÁL „Við erum rosalega
ánægð með að það hafi tekist að
setja meira fjármagn inn í NPA-
samninginn og framlengja bráða-
birgðaákvæðið þannig að sveitar-
félög hafi meiri tíma til þess að
geta uppfyllt þessa lögbundnu
þjónustu,“ segir Þuríður Harpa
Sigurðardóttir, formaður Öryrkja-
bandalagsins, um frumvarp Guð-
mundar Inga Guðbrandssonar,
félags- og vinnumarkaðsráðherra,
sem samþykkt var á Alþingi í gær.
Frumvarpið tekur á þjónustu við
fatlað fólk með langvarandi stuðn-
ingsþarfir. Á næsta ári er gert ráð
fyrir því að allt að fimmtíu manns
muni geta bæst í þann hóp sem
nýtir sér NPA-samning, notenda-
stýrða persónulega aðstoð fyrir
fatlað fólk sem þarf aðstoð í dag-
legu lífi.
„Við erum búin að vera að berjast
fyrir því að fá málaf lokki fatlaðs
fólks sinnt betur, en á þessu ári
átti að vera búið að uppfylla 172
samninga. Það eru 95 samningar
sem er búið að uppfylla nú þegar og
stefnt að því að uppfylla 50 samn-
inga til viðbótar á næsta ári. Það er
mikið gleðiefni því að þetta þýðir
að þeir einstaklingar sem fá þessa
þjónustu munu hafa aukin tækifæri
til að taka þátt í samfélaginu á allt
annan hátt en áður, á sínum eigin
forsendum,“ segir Þuríður Harpa.
Að sögn Þuríðar Hörpu er NPA
þjónustuform sem byggir á hug-
myndafræði um sjálfstætt líf fatl-
aðs fólks. Markmiðið sé að tryggja
mannréttindi þess á grundvelli
samnings Sameinuðu þjóðanna um
réttindi fatlaðs fólks, sem geri því
kleift að ráða hvar og með hverjum
það býr, stjórna hvernig aðstoð við
það er skipulögð, hvenær og hvar
hún fari fram og hver veiti hana.
„Þetta er sá mannréttinda-
samningur sem fatlað fólk lítur
til, þá njóti það ýmissa mannrétt-
inda sem það hefur ekki haft hér á
Íslandi áður. En það má gera mikið
betur á mörgum stöðum gagnvart
fötluðu fólki. Fólki er til dæmis
hrúgað inn á stofnanir og það er
verið að gera það enn í dag, undir
67 ára aldri, vegna þess að það eru
engin úrræði til staðar. En þetta
nýja frumvarp er vissulega skref í
rétta átt,“ segir Þuríður Harpa.
Þá haf i öðrum mikilvægum
áfanga verið náð í vikunni þegar
hækkun frítekjumarks örorku- og
endurhæf ingarlífeyrisþega var
samþykkt á Alþingi, en að sögn
Þuríðar Hörpu hefur frítekjumark-
ið á þennan hóp ekki verið hækkað
í lengri tíma.
„Við erum búin að benda á þetta
á hverju einasta ári í f jórtán ár
að það verði að hækka frítekju-
markið. Það er gríðarlegur munur
á 109 þúsund krónum í dag og að
vera með 200 þúsund króna frí-
tekjumark. Þannig að það er rosa-
lega gott að það náðist í gegn og við
hvetjum stjórnvöld áfram á sömu
braut,“ segir Þuríður Harpa. n
Fjölgun NPA-samninga fagnaðarefni
Þuríður Harpa segir gríðarlegan mun að fá 200 þúsund króna frítekjumark í stað 109 þúsunda. FRÉTTABLAÐIÐ/ERNIR
Þetta þýðir að þeir
einstaklingar sem fá
þessa þjónustu munu
hafa aukin tækifæri til
að taka þátt í samfélag-
inu á allt annan hátt en
áður, á sínum eigin
forsendum.
Þuríður Harpa Sigurðardóttir,
formaður Öryrkjabandalagsins
Atkvæðagreiðsla um sérkjarasamninga við Icelandair
Atkvæðagreiðsla um nýja sérkjarasamninga VR og Landssambands ísl. verzlunarmanna við
SA fyrir hönd Icelandair vegna félagsfólks hjá farþega- og hleðsluþjónustu og flugeldhúsi á
Keflavíkurflugvelli sem og hjá innanlandsflugi hefst kl. 9:00 mánudaginn 19. desember og
lýkur kl. 12:00 á hádegi miðvikudaginn 21. desember. Kosið er á skrifstofum félaganna.
Sjá nánari upplýsingar á vefsíðu VR, vr.is, og vefsíðu Landssambandsins á landssamband.is
4 Fréttir 17. desember 2022 LAUGARDAGURFRÉTTABLAÐIÐ