Fréttablaðið - 17.12.2022, Page 10

Við höfum ekki talið
fjölda tungumálanna
sem nemendurnir tala
sín á milli, en þjóð-
ernin eru alls fjörutíu
og tvö.
Laurie Anne Berg
Upplag ritsins var
60.500 eintök.
Á átta árum hefur
alþjóðlegum nem-
endum skólans fjölgað
úr 24 í rúmlega 130.
Fjöldi alþjóðlegra nemenda í
Landakotsskóla hefur fimm-
faldast á síðustu átta árum.
Að sögn skólastjóra hefur
aukningin verið talsverð
áskorun fyrir skólann, að
hluta til vegna plássleysis. Ný
álma hafi hins vegar verið
tekin í notkun í síðustu viku.
erlamaria@frettabladid.is
Menntun „Þegar alþjóðadeildin
var fyrst stofnuð við skólann árið
2015 voru 24 erlendir nemendur
skráðir hjá okkur. Undanfarin ár
hefur þeim fjölgað talsvert, en
núna erum við með rúmlega 130
nemendur í alþjóðadeildinni og
um 230 í íslensku deildinni,“ segir
Ingibjörg Jóhannsdóttir, skólastjóri
Landakots skóla.
Í síðustu viku var ný álma tekin
í notkun sem stækkar skólann um
fjórar skólastofur. Ingibjörg segir að
slíkt hafi verið löngu tímabært.
„Við erum búin að vera í vandræð-
um með pláss, þar sem við tókum
við nýjum nemendum núna í haust.
Þannig að við erum búin að vera að
leigja stofu út á Hallveigarstöðum.
Nýja álman er kærkomin viðbót,
en að því sögðu þyrftum við þó í
rauninni að fá aðeins meira pláss
þar sem allir bekkir, bæði í íslensku
deildinni og alþjóðadeildinni, eru
svo til fullir,“ segir Ingibjörg.
Að sögn Laurie Anne Berg,
deildar stjóra alþjóðadeildarinnar,
hefur alþjóðlegum nemendum
fjölgað jafnt og þétt undanfarin ár.
Þó hafi hlutfall barna frá Indlandi
hækkað mest allra þjóðerna.
„Við erum með rúmlega fimm-
tíu indverska nemendur, sem er
mikil breyting frá síðustu árum.
Við höfum ekki talið fjölda tungu-
málanna sem nemendurnir tala sín
á milli, en þjóðernin eru alls fjörutíu
og tvö,“ segir Laurie.
Alþjóðadeildin vinnur út frá
Cambridge-námskránni sem Laurie
segir að gefist mjög vel. Í skólanum
séu bæði íslenskumælandi sem og
enskumælandi kennarar, sem gefi
skólanum alþjóðlegan blæ.
„Kennslan við alþjóðadeildina fer
fram á ensku og það er skemmtilegt
að sjá hversu vel nemendunum er að
takast að aðlagast íslensku skóla-
samfélagi, sama frá hvaða landi þau
koma,“ segir Laurie.
„Krakkarnir tala oft um hversu
mikið þau elska að búa á Íslandi.
Hér sé svo mikið frelsi. Fyrir mörg
er það mikil nýbreytni að geta verið
úti án þess að það sé verið að hafa
eftirlit með þeim,“ bætir hún við.
Aðspurð segir Laurie ástæðurnar
að baki veru barnanna hér á landi af
ýmsum toga.
„Við erum til dæmis með nem-
endur sem eiga foreldra sem eru
erindrekar hér á landi. Þá eru sum
hingað komin vegna atvinnutæki-
færa foreldra og sum vegna stríðs-
ins í Úkraínu. Þannig að ástæðurnar
eru alls konar. En það er svo fallegt
að sjá bæði úkraínska og rússneska
nemendur saman í bekk, hlið við
hlið. Að sjá svona marga menning-
arheima koma saman og verða eitt
samfélag,“ segir Laurie. n
Fimmfalt fleiri alþjóðlegir nemendur
og ný álma risin við Landakotsskóla
Ingibjörg Jóhannsdóttir, skólastjóri Landakotsskóla, og Laurie Anne Berg, deildarstjóri alþjóðadeildar Landakotsskóla.
benediktboas@frettabladid.is 
StjórnSýSla Bæklingur um upp-
byggingu íbúða, sem sendur var á
öll heimili á höfuðborgarsvæðinu,
degi eftir að upplýst var um 15,3
milljarða rekstrarhalla borgarsjóðs
kostaði borgina tæpar 17 milljónir
með virðisaukaskatti. Þetta kemur
fram í svari skrifstofu borgarstjóra
og borgarritara, við fyrirspurn Sjálf-
stæðisflokksins um kostnaðinn við
bæklinginn.
Ritið var unnið af almanna-
tengslafyrirtækinu Athygli ehf. og
var ákvörðun um útgáfuna tekin á
skrifstofu borgarstjóra og borgar-
ritara. Ritform ehf. sá um hönnun
og umbrot.
Upplag ritsins var 60.500 eintök
en ekki var farið í útboðsferli fyrir
einstaka liði enda fóru þeir ekki
yfir viðmið um útboð og verðfyrir-
spurn, samkvæmt svarinu.
Sjálfstæðisf lokkurinn bókaði á
borgarráðsfundi að bæklingar af
þessu tagi séu augljóst tækifæri til
niðurskurðar sem meirihlutinn hafi
vannýtt. „Til samanburðar hefur
meirihlutinn ákveðið að skera niður
bókakaup til bókasafna grunn-
skólanna sem nemur 9 milljónum
árlega. Hefur niðurskurðartillagan
vakið mikla reiði meðal skólastjórn-
enda. Betur hefði farið á því að fjár-
festa í bókum fyrir grunnskólabörn
heldur en bæklingi með upplýs-
ingum sem vel mætti gera aðgengi-
legar á vef Reykjavíkurborgar,“ segir
í bókuninni.
Borgarráðsfulltrúi Sósíalista-
f lokksins benti á að ritið kostaði
meira en kostnaðurinn við að
halda félagsmiðstöðvum fyrir
unglinga opnum til klukkan 22.00
á ársgrundvelli. „Nær hefði verið
að skera niður við gerð þessa rits og
tryggja þess í stað að unglingar hafi
gott athvarf í formi félagsmiðstöðva,
en starfsfólk og þau sem koma að
starfi miðstöðvanna hafa gagnrýnt
þessar aðgerðir um að loka fyrr.“ n
Sautján milljóna króna bæklingur
Félagsmiðstöðvar lentu í niðurskurðarhníf borgarinnar en þó var nóg til til
að dreifa 60 þúsund eintökum um uppbyggingu húsnæðis. Fréttablaðið/Ernir
benediktboas@frettabladid.is
StjórnSýSla Ekki er pláss fyrir full-
trúa Grafarvogs í átta manna dóm-
nefnd vegna uppbyggingar Keldna
og Keldnaholts, sem er í Grafarvogi.
Meirihlutinn í borgarráði hafn-
aði tillögunni og bendir á í bókun
sinni um málið að dómnefndin hafi
þegar verið skipuð. Þar sitja fulltrúar
Reykjavíkurborgar, fulltrúar eigenda
landsins og erlendir sérfræðingar.
Þegar niðurstaða dómnefndarinn-
ar liggur fyrir fer hún í hefðbundið
umsagnarferli og samráð við íbúa í
Grafarvogi.
Borgarráðsfulltrúar Sjálfstæðis-
f lokksins bentu á að um væri að
ræða stærsta skipulagsmál í Grafar-
vogi í áratugi og miðað við stærðina
á dómnefndinni hefði verið auðvelt
að hleypa fulltrúa íbúaráðs og íbúa-
samtaka þar inn. „Borgarstjórnar-
meirihlutinn kýs að virða þær óskir
að vettugi. Sú afgreiðsla sýnir að
tylli dagaskvaldur fulltrúa meirihlut-
ans um aukið gagnsæi og samráð
við íbúa um mikilvægar ákvarðanir,
er innantómt og merkingarlaust,“
bendir flokkurinn á. n
Ekkert pláss fyrir
íbúa í átta manna
dómnefnd
Ekkert pláss er í dómnefnd vegna
þróunar Keldna og Keldnaholts fyrir
íbúa Grafarvogs. Fréttablaðið/Ernir
leiðrétting
Vegna rangra upplýsinga frá
dómsmálaráðuneytinu varðandi
fargjöld kom fram í gær að meðalferð
Jóns Gunnarssonar kostaði rúmar
444 þúsund krónur. Hið rétta er að
hún kostaði 294 þúsund.
10 Fréttir 17. desember 2022 LAUGARDAGURFréttablaðið