Fréttablaðið - 17.12.2022, Page 65

Verslun Levi’s á Hafnartorgi
er eins og flaggskip Levi’s í
London. Þar trónir afmælis-
barn næsta árs enn og aftur
á topplistanum: Levi’s 501.
„Það verður mikið um dýrðir hjá
Levi‘s á nýárinu því árið 2023 verða
Levi‘s 501 gallabuxurnar 150 ára.
Þá verða gefin út afmæliseintök
af þessum frægustu gallabuxum
heims, en um þessar mundir eru
501-gallabuxur einmitt það allra
vinsælasta hjá unga fólkinu. Þetta
frábæra gallabuxnasnið virðist
rjúka upp í vinsældum á tíu ára
fresti þegar nýjar kynslóðir ungl-
inga uppgötva 501 og vilja klæðast
þeim við öll tilefni.“
Þetta segir Lilja Bjarnadóttir,
eigandi Levi‘s á Íslandi. Hún er
stödd í nýjustu verslun Levi‘s á
Hafnartorgi í miðborg Reykjavík-
ur, en Levi‘s er líka með verslanir í
Kringlunni og Smáralind.
„Við opnuðum á Hafnartorgi
sumarið 2021 og var verslunin
ein af þeim fyrstu í Evrópu sem
var innréttuð samkvæmt nýjasta
standard í innréttingum frá Levi‘s,
svokölluðu Indigo Consept Store.
Hún lítur því út eins og flaggskip
Levi‘s í London,
og í millitíðinni
höfum við einn-
ig fært Levi‘s í
Kringlunni í sama
búning, stækkað
hana og fært um
set innanhúss,“
segir Lilja.
150 ára afmæli
Öldungurinn
Levi‘s 501 er enn,
150 árum eftir að
fyrstu gallabuxurn-
ar komu á markað í
Bandaríkjunum
árið 1873, vinsæl-
ustu gallabuxur
í veröldinni.
„Það sem er
einstakt við
501 gallabux-
urnar er hversu
klassískar þær
eru. Sniðið er beint og
maður getur verið jafn flottur í því
hvort sem maður velur að hafa þær
níðþröngar, hálflausar eða mjög
lausar þannig að þær hangi niður
rassinn, eins og sumir vilja hafa
það. 501 fylgir tískunni á hverjum
tíma og fást alltaf í þremur grunn-
litum, ljósbláu, dökkbláu og
svörtu, en dökkbláu buxurnar,
sem kallast „indigo denim“, verða
bara enn flottari með árunum því
efnið breytist, mýkist og aðlagast,“
segir Lilja um 501-gallabuxurnar
sem klæða öll kyn.
„Nú fæst líka sérstakt 501-snið
fyrir konur og er mjög vinsælt hjá
stelpunum en sumar vilja líka
hefðbundnar 501-buxur fyrir karla
því það er líka flott á stelpum.“
Trendin koma frá Levi’s í Evrópu
Verðlagning Levi‘s á Íslandi er
sambærileg við aðrar
Levi‘s-búðir í Norður-
Evrópu og í f lestum til-
vikum er verðið hér betra
en í Danmörku.
„Það er gaman að
segja frá því að eftir að
við komum með Levi‘s á
Hafnartorg koma enn fleiri
útlendingar að versla hjá
okkur og í vikunni fékk
ég yfirlit frá Tax Free
yfir hvaða þjóðir
versla mest við
okkur. Þar
eru Banda-
ríkjamenn í
fyrsta sæti,
svo Danir og
Norðmenn. Margir
segja ódýrast að versla Levi‘s í
Ameríku, sem er eflaust rétt ef
þú kaupir Levi‘s í Wallmart, en
stundum er sú framleiðsla úr
öðrum efnum en í Evrópu. Þess
vegna sækjast Bandaríkjamenn
eftir Levi‘s í Evrópu sem er miklu
smartari vara og úr flottari efnum,
sérstaklega 501 gallabuxurnar,“
upplýsir Lilja.
Hún segir fæsta átta sig á stærð
og umfangi Levi‘s í heiminum, en
fyrirtækið rekur þrjú fyrirtæki
á heimsvísu, í Bandaríkjunum,
Evrópu og Asíu.
„Þótt ákveðnar Levi‘s-vörur séu
svipaðar á milli fyrirtækjanna
aðlaga þau sig að sínum markaði.
Í dag skarar Levi‘s í Evrópu fram
úr í trendum og því að koma nýrri
tísku af stað og þess vegna sækjast
Bandaríkjamenn eftir því að koma
í verslun okkar á Hafnartorgi,“
segir Lilja.
Vistvæn framleiðsla Levi’s
Levi‘s hefur verið með verslun á
Íslandi síðan 1972, eða í hálfa öld.
„Levi‘s er frægasta gallabuxna-
merki í heimi og mikill braut-
ryðjandi í gallabuxnatískunni á
hverjum tíma,“ segir Lilja, en hún
og eiginmaður hennar, Hrafnkell
Reynisson, hafa verið með Levi‘s á
Íslandi í að verða tuttugu ár.
„Ég er alltaf mjög stolt af Levi‘s.
Þótt merkið sé risi á heimsmæli-
kvarða hefur það umhverfisvitund
í hávegum. Í dag er mikil umræða
um mikla vatnsnotkun sem fylgir
því að framleiða bómull og er
Levi‘s alltaf að leita leiða til að gera
framleiðslu sína vistvænni, nota
minna vatn og þeir endurnýta
plast í efnin sín. Það sem mér þykir
þó mest virðingarvert er að Levi‘s
heldur engu út af fyrir sig, heldur
deilir fyrirtækið öllu til iðnaðarins
í heild sinni því það vill stuðla
að því að iðnaðurinn verði vist-
vænni,“ segir Lilja.
Hún nefnir annað dæmi um
að Levi‘s sé langt á undan sinni
samtíð.
„Í kreppunni miklu 1929 var
mikið atvinnuleysi í Bandaríkj-
unum en á sama tíma sagði Levi‘s
engum upp heldur minnkaði
starfshlutfall hvers og eins svo
allir hefðu vinnu. Þeir hafa alltaf
verið framarlega í öllu vinnuum-
hverfi, hugsað vel um starfsfólk
sitt og umhverfið. Fólk gengur því
að því vísu að kaupa vistvænni
gallabuxur og versla við fyrirtæki
sem hefur mannúð í öndvegi hjá
Levi‘s.“
Allir fá buxur fyrir sinn stíl
Fyrir jólin eru Levi‘s-búðirnar
fullar af freistandi fatnaði og fylgi-
hlutum í jólapakkana.
„Starfsfólk Levi‘s er ungt og
metnaðargjarnt og leggur ofur-
áherslu á að leiðbeina og ráðleggja
viðskiptavinum um hvaða buxur
og flíkur henta hverjum best.
Markmið okkar er alltaf að veita
góða þjónustu og að allir fái buxur
og fatnað sem henta þeirra stíl og
óskum,“ segir Lilja.
Levi‘s er á Hafnartorgi, í Kringlunni
og Smáralind.
Frægustu gallabuxur í heimi orðnar 150 ára
Eva Margrét og Alicia Lind taka vel á móti viðskiptavinum á Hafnartorgi. fréttablaðið/ernir
Par í Levi’s 501 gallabuxum sem verða 150 ára á nýárinu.
Verslun Levi’s á Hafnartorgi er innréttuð eftir nýjasta útliti Levi’s í stílnum Indigo Consept Store.
Sokka-
gjafabox er
æðisleg jólagjöf;
fjögur flott Levi’s
sokkarpör á
aðeins 3.490
krónur.
Levi’s 501
fást í mörgum
litum. Hér má sjá
þær í ljósbláu og
dökkbláu. Verð
frá kr. 13.990.
Levi’s í Evrópu
skarar fram úr í
trendum og því að koma
nýrri tísku af stað. Þess
vegna sækjast erlendir
ferðamenn eftir því að
koma í verslun Levi’s á
Hafnartorgi.
kynningarblað 9LAUGARDAGUR 17. desember 2022 haFnartorg