Morgunblaðið - 03.11.2022, Blaðsíða 32

32 FRÉTTIR
Innlent
MORGUNBLAÐIÐ FIMMTUDAGUR 3. NÓVEMBER 2022
Inga Þóra Pálsdóttir
ingathora@mbl.is
Veitingaþjónustan Matsmiðjan til-
kynnti viðskiptavinum sínum sl.
föstudag að fyrirtækið væri farið í
gjaldþrot. Matsmiðjan sá meðal
annars um veitingasölu í Háskól-
anum á Akureyri og Verkmennta-
skólanum á Akureyri (VMA). Dæmi
eru um að nemendur hafi keypt
matarkort hjá fyrirtækinu og hafa
skólastjórnendur þurft að bregðast
fljótt við stöðunni.
„Þetta gerðist rétt fyrir helgi
þannig að við erum rétt að átta
okkur á umfanginu og hvernig við
bregðumst við. Akkúrat núna höf-
um við engar upplýsingar um
hversu mörg matarkort þetta eru,“
segir Eyjólfur Guðmundsson, rekt-
or Háskólans á Akureyri, í samtali
við mbl.is. „Þetta kom okkur jafn
mikið á óvart og öllum öðrum,“
bætir Eyjólfur við.
Nota matarkortin áfram
Sigríður Huld Jónsdóttir skóla-
meistari VMA tekur undir orð Eyj-
ólfs og segir lokunina hafa komið
skólanum á óvart.
VMA hefur þegar gert tímabund-
inn samning við nýjan veitingasala,
Ghost Kitchen, um að þjónusta
skólann og munu nemendur geta
notað matarkort sín hjá þeim. Sig-
ríður Huld segir mikilvægt að
tryggja að nemendur og starfs-
menn hafi aðgang að mötuneyti.
„Við þurfum fyrst og fremst að
hugsa um það að nemendur og
starfsmenn hafi aðgang að mat,“
segir Sigríður Huld í samtali við
mbl.is en stefnt er að því að fara
fljótlega í útboð á þjónustunni.
Óljóst er hvort nemendur Há-
skólans á Akureyri, sem höfðu
keypt matarkort, komi til með að
sitja uppi með tjónið. Eyjólfur seg-
ir háskólann nú leita leiða til að
geta boðið upp á einhverjar veit-
ingar.
„Við munum nota þessa viku til
að finna leiðir til að geta boðið upp
á einhverjar veitingar. Í framhald-
inu skoðum við hvað verður hægt
að gera.“
Spurður hvort möguleiki sé að
háskólinn reki sjálfur veitingasölu
segir Eyjólfur:
„Ég get ekki tjáð mig um það
núna hverjir möguleikarnir eru en
það eru fleiri en einn möguleiki í
boði.“
Morgunblaðið/Sigurður Bogi
Akureyri Eftir að veitingafyrirtæki fór í gjaldþrot eru Háskólinn á Akur-
eyri og VMA í vanda með matsölu til nemenda og starfsfólks.
Veitingasali í þrot
sem þjónustaði
skólana með mat
- Lokun Matsmiðjunnar kom HA og
VMA á óvart - Leyst tímabundið
Morgunblaðið/Sigurður Bogi
Eyjólfur
Guðmundsson
Sigríður Huld
Jónsdóttir
VMA Nýr veitingasali var ráðinn.
Margrét Þóra Þórsdóttir
Akureyri
„Þetta er gott elliheimili,“ segir
Kristinn G. Jóhannsson listmálari
sem hefur hreiðrað um sig í vinnu-
stofu við Aðalstræti, á gömlu Akur-
eyri eins og hann kallar það. „Hér er
góður andi og gott að vera.“
Kristinn lætur ekki deigan síga,
fæddur 1936, orðinn 86 ára og
kveðst hafa ágætis úthald fyrir fjög-
urra tíma vinnudag. Er á vinnustof-
unni frá því snemma morguns fram
að hádegi.
„Morgnarnir eru gjöfulastir, mér
verður mest úr verki á þeim tíma
dags. Að sitja við og mála getur eins
og önnur vinna verið þreytandi. Þeg-
ar ég fer að finna fyrir þreytunni er
kominn tími til að halda heim og
snúa sér að öðru,“ segir hann.
Verk eftir Kristin eru nú til sýnis í
Listasafninu á Akureyri og stendur
sýningin fram í miðjan janúar á
næsta ári. Kristinn hefur verið
býsna ötull undanfarnar vikur,
hvorki fleiri né færri en fjórar sýn-
ingar voru um tíma í gangi samtímis
í heimabæ hans. Í Mjólkurbúðinni
sem er í Gilinu var sýning með yfir-
skriftinni Kalvíðir og vakti athygli.
„Ég hef alltaf gengið mikið og finnst
einstaklega gott að ganga í Kjarna-
skógi. Einhverju sinni eftir snjó-
þungan vetur tók ég eftir hversu illa
sum tré voru leikin eftir harðan vet-
ur, meira og minna brotin. Þetta
kveikti eitthvað í mér og varð upp-
spretta að þessari myndröð,“ segir
hann.
Ágætis hrina
Þá sýndi Kristinn einnig nokkur
verk á vinnustofunni Rösk, sem fjór-
ar listakonur leigja saman í Gilinu,
„þær buðu mér veggi til að sýna
nokkur verk og ég þáði það“, segir
hann. Fjórða sýningin þar sem finna
mátti verk eftir Kristin var á Amts-
bókasafninu á Akureyri. Kristinn
hefur um árin myndskreytt eða gert
kápur á tæplega 50 bækur fyrir börn
og ungmenni og voru þær til sýnis á
safninu.
„Þetta var ágætis hrina,“ segir
hann og kveðst þegar vera farinn að
huga að einhverju nýju, „sem
ómögulegt er að segja fyrir um nú
hvað verður; bara eitthvað sem leit-
ar á hugann og verður kannski eitt-
hvað“.
Hartnær 70 ár eru frá því Krist-
inn sýndi verk sín fyrst. Það var á
Varðborg á Akureyri og hann ein-
ungs 17 ára gamall, í október árið
1954. Frá þeim tíma hefur hann efnt
til um 40 sýninga hér og hvar. „Ég
var heppinn á mínum yngri árum að
komast undir verndarvæng tveggja
öðlinga, Jónasar Jakobssonar mynd-
höggvara og Hauks Stefánssonar
listmálara. Þeir leiddu mig á þessa
braut sem verið hefur mér svo gjöful
um árin,“ segir Kristinn.
Meira tóm til að sinna listinni
Hann er lærður kennari og aðal-
starf hans í tæpa fjóra áratugi var
við kennslu og skólastjórn, m.a. við
Gagnfræðaskóla Ólafsfjarðar og
Bröttuhlíðarskóla á Akureyri.
„Ég hef lifað tvær ævir, annars
vegar sem listmálari og hins vegar
opinber starfsmaður. Það var nú
ekki alltaf árekstralaus sambúð,“
segir Kristinn. „En þegar opinber-
um störfum lauk gafst mér tóm til að
sinna listinni af meiri krafti en oft
áður. Það er alveg yndislegt að verja
öllum morgnum hér á vinnustofunni
við að skapa ný verk.“
Sýndi samtímis á fjórum
stöðum á Akureyri
- Kristinn G. Jóhannsson listmálari er eldsprækur, 86 ára
að aldri - Sýning í Listasafninu á Akureyri fram í janúar
Morgunblaðið/Margrét Þóra
Listmálari Morgnarnir eru gjöfulastir, segir Kristinn G. Jóhannsson sem
vinnur hér við listsköpun á vinnustofu sinni við Aðalstræti á Akureyri.
Sýning Kristinn á sýningunni í Mjólkurbúðinni, en hún bar yfirskriftina
Kalvíðir. Hugmynd sem fæddist er snjóþungur vetur lék Kjarnaskóg hart.
Óseyrarbraut 12, 220 Hafnarfirði | Klettagörðum 5, 104 Reykjavík | stolpigamar@stolpigamar.is
Gámaleiga
Er gámur lausnin fyrir þig?
Við getum líka geymt gáminn fyrir þig
568 0100
stolpigamar.is
HAFÐU
SAMBAND
Búslóðageymsla ❚ Árstíðabundinn lager ❚ Lager ❚ Sumar-/vetrarvörur
Frystigeymsla ❚ Kæligeymsla ❚ Leiga til skemmri eða lengri tíma