Morgunblaðið - 17.12.2022, Blaðsíða 44

MORGUNBLAÐIÐ LAUGARDAGUR 17. DESEMBER 2022
DÆGRADVÖL44
Til hamingju með daginn
Stjörnuspá
Guðrún Ásta Gísladóttir
40 ÁRA Guðrún Ásta er Selfyss-
ingur, fædd þar og uppalin. Hún
er hjúkrunarfræðingur og ljós-
móðir að mennt frá HÍ og starfar
sem ljósmóðir á Heilsugæslu
höfuðborgarsvæðisins. Áhuga-
málin eru handavinna, útivist,
hestamennska og ferðalög.
FJÖLSKYLDA Eiginmaður
Guðrúnar Ástu er Birkir Snær
Fannarsson, f. 1982, lögmaður hjá
Landgræðslunni. Börn þeirra eru
Freydís Erla, f. 2009, Telma Gerð-
ur, f. 2012, Kristján Ari, f. 2015,
og Vaka Björt, f. 2021. Foreldrar
Guðrúnar Ástu eru hjónin Erla
Þorsteinsdóttir, f. 1961, og Gísli
Ágústsson, f. 1960, smiður. Þau
eru búsett á Selfossi.
Nýr borgari
Reykjavík Alexander
Ían H. Johnsson
fæddist 30. apríl
2022 kl. 4.29. Hann
vó 3.440 g og var 51
cm langur. Foreldr-
ar hans eru John
Hibionada Limson
og Sara Bjarney
Ólafsdóttir.
21. mars - 19. apríl A
Hrútur Þú færð vindinn í fangið í nokkra
daga. Mundu að þú verður að leysa þín
mál sjálf/ur.
20. apríl - 20. maí B
Naut Það er hætt við að þú verðir eitthvað
niðurdregin/n og gagnrýnin/n á aðra í dag.
Einhver mun koma þér til hjálpar í dag.
21. maí - 20. júní C
Tvíburar Kappkostaðu að segja satt og
rétt frá. Framlag þitt til hópvinnu mun
vekja á þér athygli vegna hugmynda sem
þú færð.
21. júní - 22. júlí D
Krabbi Það er löngu tímabært að þú
horfist í augu við ótta þinn, ef þú gerir
það hverfur tilfinningin. Gerðu eitthvað
skemmtilegt í kvöld.
23. júlí - 22. ágúst E
Ljón Nú reynir á þolinmæði þína því
einhver kemur ekki heiðarlega fram.
Vertu tilbúin/n að aðstoða vin sem þarf á
stuðningi að halda.
23. ágúst - 22. september F
Meyja Eitthvað hefur legið þér þungt á
hjarta undanfarið og valdið þér vanlíðan.
Gleymdu ekki að öll búum við yfir óþrjót-
andi krafti ef lífið krefst þess.
23. september - 22. október G
Vog Vandamál sem hefur íþyngt þér um
skeið virðist allt í einu smávægilegt og
auðleyst. Stígðu út af þeirri braut sem þú
hefur verið á síðustu mánuði.
23. október - 21. nóvember H
Sporðdreki Þig langar að slaka á í dag,
lesa, fara á tónleika eða ræða við vini.
Láttu eftir þér að gera vel við þig. Loksins
eru fjármálin á réttri leið.
22. nóvember - 21. desember I
Bogmaður Þú munt fá frábærar fréttir af
ættingja í dag. Vandamál eru til þess að
leysa þau.
22. desember - 19. janúar J
Steingeit Ef þú vilt ekki staðna og sitja
eftir, verður þú að vera opin/n fyrir þeim
möguleikum sem bjóðast til endur-
menntunar. Láttu gott af þér leiða.
20. janúar - 18. febrúar K
Vatnsberi Einlægni er það sem þú þarft
að hafa í huga, þegar þú talar fyrir þeim
málefnum sem þú berð fyrir brjósti.
Ræddu drauma þína við makann. Börn
krefjast mikillar athygli í dag og það er
eins gott að vera í góðu andlegu jafnvægi
þegar kröfur þeirra dynja á þér.
19. febrúar - 20. mars L
Fiskar Vertu djarfari en þú hefur verið
fram að þessu, þú hefur engu að tapa.
Allt fer vel að lokum, það er skrifað í
stjörnurnar.
Aðalheiður Guðmundsdóttir húsmóðir – 100 ára
Stórt heimili og allir velkomnir
A
ðalheiður Guðmunds-
dóttir er fædd 18.
desember 1922 að
Ketilvöllum í Laugar-
dal, Árn. Hún verður
því 100 ára á morgun. Þegar Heiða,
eins og hún er ávallt kölluð, var
um fjögurra ára fluttist hún að
Böðmóðsstöðum í sömu sveit með
foreldrum og systkinum sínum.
Barnaskólaganga hennar var ekki
löng, 3-4 ár, en eins og tíðkaðist þá í
sveitum landsins fór kennsla fram á
heimilum. Kennari fór á milli bæja
þar sem börnum var safnað saman
frá nokkrum bæjum og kennt,
svokölluð farkennsla. Heiða lauk
fullnaðarprófi við góðan orðstír.
Árið 1942 giftist hún Jóni frá
Neðri-Dal í Biskupstungum. Hófu
þau búskap þar þá um vorið og tóku
við búinu af foreldrum Jóns. Fyrstu
árin bjuggu þau í gamla bænum en í
honum var eldað á hlóðum og voru
olíulampar til lýsingar. Árið 1946
var byggt nýtt hús.
Árið 1964 var íbúðarhúsið
stækkað og árið eftir var ráðist í
að leggja hitaveitu frá hvernum
Sísjóðanda sem er í suðvesturhluta
hverasvæðisins á Geysi. Jafnframt
var þá byggð lítil sundlaug við
bæinn. Önnur bylting í þægindum
var þegar rafmagnið kom árið 1967.
Þegar Heiða rifjaði þetta upp sagði
hún að mestu þægindin hefðu verið
að fá þvottavél til þess að þvo allan
fatnaðinn.
Heimilið var stórt og mannmargt
og var mikill gestagangur. Fyrir
utan venjuleg bústörf sá Jón um að
girða m.a. varnargirðingar vegna
sauðfjárveiki og enn fremur fyrir
ýmsa aðila víða um land. Heiða fór
gjarnan með í þessar ferðir og sá
um matseld fyrir girðingarfólkið,
sem voru synir þeirra hjóna og
fleiri. Vinsælustu og skemmtileg-
ustu girðingarferðirnar voru á
Hveravelli í lok júní ár hvert, en þá
var gert við girðingu er liggur milli
Langjökuls og Hofsjökuls. Þessar
ferðir voru alltaf mjög vinsælar og
komust færri með en vildu. Nutu
þau hjónin dvalarinnar þar vel og
kynntust fjölda fólks og voru bæði
rómuð fyrir gleði og gestrisni í
fjallaskúrnum. Muna margir eftir
Heiðu í rauða gallanum sínum,
fjalladrottningunni.
Grímur bróðursonur Jóns
segir: „Í sál okkar barnanna sem
fæddumst á fyrri hluta síðustu
aldar tókust á tveir heimar. Sveitin,
þaðan sem foreldrarnir komu og
mölin þar sem fólk reyndi að temja
sér lífshætti borgarbúans. Amma
dró ,,búðarsokkana” af blessuðu
barninu og færði í þæfða ullarsokka
um leið og komið var í sveitina.
Spurði svo með mæðusvip hvort ys-
inn og æðibunugangurinn í borginni
væri ekki yfirþyrmandi. Sveitin var
göfug en mölin svona og svona. En
að koma í Neðri-Dal var annars eðl-
is. Þar bjó Jón frændi, bróðir pabba
og hún Heiða hans með sína átta
stráka sem mynduðu fullkominn
tröppugang stilltu þeir sér upp til
myndatöku. Í tíðum pílagrímsferð-
um margra Reykjavíkurfjölskyldna
í Neðri-Dal, með sæg barna í eftir-
dragi, kom í ljós hver hafði töglin og
hagldirnar þar á bæ.
Í heimsókn til afmælisbarnsins á
hjúkrunarheimilið fyrir nokkrum
árum heyrði ég aftur þessa hljóm-
miklu rödd sem öllu stjórnaði: Nei
er hann litli Grímur ekki kominn!
Skilaboð Heiðu voru jafnan skýr og
einföld: Þarna leggið þið frá ykkur
fötin, þarna sofið þið, svona brjótið
þið saman teppi o.s.frv. Á töflu í
eldhúsinu var verkum skipt niður
á milli strákanna átta: Eldhús,
bakstur, fjósið, þvottar, saumaskap-
ur. Sem sé ekki bara strákastörf
heldur líka þau sem okkur á mölinni
fannst tilheyra kvenþjóðinni. Man
að þegar ég sá þá frægu kvikmynd
Mary Poppins, þar sem barnaskar-
anum var stjórnað eins og lítilli
herdeild, þá fannst mér ég hafa
verið þarna, já hjá henni Heiðu í
Neðri-Dal. Og allir töluðu um þetta,
enda óþekkt á þeirri tíð. Núna er
ljóst að Heiða og Jón voru langt á
undan sinni samtíð, ekki bara í upp-
eldismálum heldur mörgu öðru.
Það sem okkur borgarbörnun-
um fannst þó merkilegast var að
það var hægt að lifa án rafmagns,
með kolaeldavél og olíulömpum. Í
minningunni frá þessum tíma lifir
einhver hlýja og fjölskylduræktar-
semi, eitthvað sem hefur sannfært
mig um að við eigum að skrifa
orðið fjölskylda með bandstriki,
fjöl-skylda. Það nær betur stemmn-
ingunni í kringum hana Heiðu og
Jón í Neðri-Dal. Fyrir mörgum
árum fékk ég leyfi þeirra hjóna
til að ganga til rjúpna með félaga
mínum í Bjarnarfell á fögrum
vetrardegi. Heiða kvaddi okkur
með þessum orðum: Ég vona að þið
njótið útivistarinnar drengir og að
þið hittið enga rjúpu!“
Árið 1996 flutti Heiða í eigið
húsnæði á Selfossi. Hún dvelst nú
á Fossheimum, Heilbrigðisstofnun
Suðurlands. Hún mun njóta sam-
vista með sínu nánustu ættingjum á
afmælisdaginn.
Fjölskylda
Eiginmaður Heiðu var Jón Þ.
Einarsson, f. 18.1. 1916, d. 5.11. 1993,
bóndi. Foreldrar Jóns voru hjónin
Einar Grímsson, f. 19.8. 1887, d.
16.12. 1950, og Kristjana Kristjáns-
dóttir, f. 24.8. 1886, d. 22.5. 1963. Þau
voru bændur í Neðri–Dal.
Börn Heiðu og Jóns: 1) Birgir
Bjarndal, f. 14.5. 1943, maki: Elín
Sigurðardóttir, f. 27.2. 1941, d. 28.1.
2014, börn 2. Sambýliskona Birgis
er Ásta Bjarnadóttir, f. 1955; 2)
Guðmundur Laugdal, f. 7.5. 1944,
Neðri-Dalsbræður Frá vinstri: Björn, Þráinn, Heiðar, Einar, Kristján,
Grímur, Guðmundur og Birgir. Myndin er tekin árið 1957.
Hjónin í Neðri-Dal Heiða og Jón.
Í Neðri-Dal Heiða og hluti af barna-
og barnabarnabörnum árið 2010.
Fallegar vörur
fyrir heimilið
Sendum
um
land allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Calia Pier
Ítalskt, gegnlitað nautsleður
Stakir sófar:
3ja sæta sófi (226 cm) 339.000 kr.
2,5 sæta sófi (206 cm) 319.000 kr.
2ja sæta sófi (186 cm) 299.000 kr.
Tungusófi
með rafmagni í sæti
650.000 kr.