Morgunblaðið - Sunnudagur - 02.10.2022, Blaðsíða 4

FRÉTTIR VIKUNNAR
4 MORGUNBLAÐIÐ SUNNUDAGUR 2.10. 2022
Kaja organic, Kalmansvellir 3, kajaorganic.com, kajaorganic@gmail.com
Þ
jóðin hélt inn í liðna helgi með
hryðjuverk á heilanum, sleg-
in eftir að lögregla tilkynnti
að hún hefði afstýrt yfirvofandi
hryðjuverkaárás, sennilegast á Al-
þingi eða lögreglu. Einu gilti þótt
fullyrt væri að hætta væri liðin hjá,
óhugurinn ríkti áfram.
Nokkuð var rætt um ætlaðan hug-
myndafræðilegan bakgrunn hinna
grunuðu, þótt enginn virtist hafa
neitt fyrir sér um það, ekki heldur
lögreglan. Afbrotafræðingur minnti
á að öfgahópar hefðu átt erfiðar
uppdráttar hér en á Norðurlöndum,
en stjórnmálafræðingur að þetta
væri ráðgáta; þjóðernisöfgamenn
hefðu nær aldrei lögreglu í skot-
máli.
Íslenskur ríkisborgari hefur stefnt
ríkinu og krafist bóta vegna ólög-
mætrar frelsissviptingar með til-
vísan til sóttvarnarlaga. Stjórn-
valdsákvörðun Þórólfs Guðnasonar
sóttvarnalæknis virðist hins vegar
ekki legið fyrr fyrr en eftir á.
Um sama leyti var Þórólfur heiðr-
aður með málþingi, blómum og kos-
saflangsi af hálfu forsætisráðherra,
heilbrigðisráðherra, landlæknis og
jafnvel Kára sjálfs.
Maður tapaði 900.000 krónum við
kaup í hlutafjársjóði fyrir mistök, en
hann hafði einu núlli of mikið í
kaupfyrirmælum sínum. Lands-
banbankinn gerði viðskiptin í sam-
ræmi við það, þó ekki væri innstæða
fyrir þeim og veitti óumbeðið lán.
Norskir veiðimenn töpuðu milljón
þegar bílaleigubíll þeirra var næst-
um étinn af hestum.
Dómsmálaráðherra boðar breyt-
ingar á umferðalögum, þar sem
reglur um rafhlaupahjól verða hert-
ar til muna, að viðlögðum sektum og
refsivist. Þau skulu bönnuð innan 13
ára aldurs, þót varla sé síður ástæða
til þess að banna þau yfir þrítugum.
Varðskipið Freyja kom til landsins
öðru sinni, nýmáluð frá Noregi.
. . .
Aftakaveður gerði um helgina og
varð mikið tjón af þess völdum,
einkum fyrir austan. Gámar og laus-
ir munir fuku, sjór gekk á land og
hrófatildur hrundu. Tilkynnt tjón
nam tugum milljóna króna.
Lögmaður annars mannanna, sem
lögregla grunar um hryðjuverka-
undirbúning, segir hann hafna öll-
um ásökunum og hafa verið sam-
vinnufúsan við rannsókn málsins.
Málefni hælisleitenda eru komin í
öngstræti, þar sem bæði stefnuleysi
og húsnæðisleysi valda vanda. Inn-
viðir séu þandir til hins ýtrasta.
Haldið var Íslandsmeistaramót í
brauðtertugerð.
Þrjú gefa kost á sér til þess að
verða ritari Sjálfstæðisflokksins á
komandi landsfundi, þingmennirnir
Bryndís Haraldsdóttir og Vil-
hjálmur Árnason, og varaborgar-
fulltrúinn Helgi Áss Grétarsson.
Ný Brúarvirkjun í Biskupstungum
var tekin í gagnið.
Tónskáldið Herdís Stefánsdóttir
hefur verið fengin til þess að semja
tónlist við mynd bandaríska stór-
leikstjórans M. Night Shyamalan.
. . .
Kröfur stéttarfélaga í aðdraganda
kjarasamninga, eru óðum að skýr-
ast og þar hefur stytting vinnuviku
verið ofarlega á blaði. Vitað er að
erfitt mun reynast að semja um
launaliðinn en kostnaður af öðrum
kröfum felur í sér 50-100% hækkun.
Skólahald í Hagaskóla er enn í mol-
um vegna myglu, en skólahald í Ár-
múla hefur farið úrskeiðis, þar sem
húsnæðið reyndist þurfa að vera tví-
setið vegna slælegra brunavarna.
Nær 3.000 flóttamenn eru komnir
til landsins það sem af er ári, að
jafnaði um 100 í viku. Ekki hefur
reynst örðugt að finna fólki atvinnu,
en húsnæði er af skornum skammti.
Sveitarfélög telja sig þurfa meira fé
frá ríkinu vegna þessara mála.
Málum í héraðsdómi hefur fækkað
mikið síðustu ár, þar af um fjórðung
í fyrra frá fyrra ári. Óafgreiddum
málum í Landsrétti fjölgar.
. . .
Mikið var grátið á landsþingi Sam-
bands íslenskra sveitarfélaga á
Akureyri og mikill einhugur um að
það yrði almenningi mjög til heilla
að sveitarstjórnarmönnum yrði
fjölgað til muna og launakjör og
starfsaðstæður bætt til muna.
Fjölgun starfsmanna hins opinbera
að undanförnu er orðin ósjálfbær að
mati Samtaka iðnaðarins. Þar hefur
starfsmönnum fjölgað um 8.000 síð-
ustu þrjú ár, en starfsmönnum á al-
mennum vinnumarkaði fækkað.
Bandaríska leikkonan Jodie Foster
kom til vetrarsetu á Íslandi.
Um 29 milljarðar renna úr Jöfn-
unarsjóði sveitarfélaga á næsta ári.
Kennsla 8. og 9. bekkja Hagaskóla
hékk áfram í lausu lofti og athugað
hvort flutningur í Korpuskóla væri
lausn, en á milli skólanna er 15 km
leið og stutt síðan myglu varð þar
síðast vart. Enginn nær í borgar-
stjóra til að spyrja um það.
. . .
Hús verslunar og efnalaugarinnar
Vasks á Egilsstöðum brann til kaldra
kola.
Starfshópur um neyðarbirgðir segir
átak þurfa til þess að laga birgða-
stöðu þjóðarinnar ef slá skyldi í harð-
bakkann. Þar er horft til matvæla,
olíu, lyfja, hreinlætisvöru og viðhalds
mikilvægra innviða.
Málsmeðferð kynferðisafbrota hjá
lögreglu og ákæruvaldi hefur dregist
æ meir á liðnum árum og er mann-
eklu helst kennt um. Sum mál liggja
þar jafnvel óhreyfð í ár, þó bætt hafi
verið við mannafla.
Skúmastofninn varð illa út úr fugla-
flensunni og komust fáir ungar upp.
Tíu þingmenn í Allsherjar- og
menntamálanefnd og tveir starfs-
menn Alþingis fóru hins vegar í
heimsókn til Óslóar og Kaup-
mannahafnar til að kynna sér mál-
efni útlendinga og fjölmiðla. Af því
er ljóst að ástæðulaust er að hafa
minnstu áhyggjur af ríkisfjár-
málum.
Búið er að koma fyrir barnagámum
í Vogunum i Reykjavík eða „Ævin-
týraborgum“ eins og ævintýraborg-
arstjórinn kalla þá. Gámarnir líta út
alveg eins og gámar.
. . .
Lögregla boðaði aftur til blaða-
mannafundar vegna hryðjuverka-
rannsóknarinnar snemma í vikunni,
en hann var ekki haldinn fyrr en á
fimmtudag. Þar kom fátt nýtt fram
um málið annað en að hluti vopn-
anna, sem fannst, var sýndur.
Aðalefni fundarins var hins vegar
það, að embætti ríkislögreglustjóra
hefði sagt sig frá rannsókn málsins,
þar sem faðir Sigríðar Bjarkar Guð-
jónsdóttur ríkislögreglustjóra, Guð-
jón Valdimarsson, tengdist því á
einhvern óútskýrðan hátt. Hann er
einn mesti skotvopnasafnari lands-
ins og vopnasali að auki.
Ríkissjóður keypti Norðurhús
Landsbankans (sem einnig er í eigu
ríkissjóðs) við Austurbakka í Reykja-
vík á 6 milljarða króna, sem eru þá
einhverjar dýrustu skrifstofur í
Reykjavík. Í ljósi afkomu bankans að
öðru leyti væri ráð að hann sneri sér
alfarið að fasteignaverkefnum.
Um leið ákvað ríkið að ganga til
samninga við bankann um kaup þess
á gamla Landsbankahúsinu við Aust-
urstræti og annexíur þess. Af því
blasir við að allar áhyggjur af stöðu
ríkissjóðs hljóta að vera úr lausu lofti
gripnar, það er nóg til.
Árlegri herferð Bleiku slaufunnar,
átak Krabbameinsfélagsins gegn
krabbameinu hjá konum, var hleypt
af stokkunum í Háskólabíói.
Hljómsveitin Reykjavik Recording
Orchestra (RRO) lauk framleiðslu á
tónlist eftir Hans Zimmer fyrir nátt-
úruþáttaröðina Frozen Planet 2 á
vegum BBC.
Skjalasafn Walters Gerlachs sendi-
herra nazistastjórnar Þýskalands,
sem breska hernámsliðið gerði upp-
tæk 10. maí 1940, voru afhent þýska
þjóðskjalasafninu.
Umboðsmaður barna mótmælti
gjaldskrárhækkun Strætó í fyrra,
þar sem fargjöld ungmenna voru
hækkuð um 60%. Eftir 8 mánuði
hafa umboðsmanni engin svör borist
frá Degi B. Eggertssyni borgar-
stjóra, en Morgunblaðið fékk svör
þar sem Dagur hrósaði sigri yfir að
hafa fengið hvatningu um að halda
áfram á sömu braut.
Tónlistarmaðurinn Svavar Pétur
Eysteinsson, betur þekktur sem
Prins Póló, lést 45 ára gamall eftir
harða baráttu við krabbamein.
Römm
er sú taug
Hluti skotvopna, sem lögregla lagði hald á í húsleit við rannsókn svokallaðs hryðjuverkamáls. Þar gefur að líta eftirlík-
ingu af Kalashnikov AK-47, Ruger AR15/M16, þrívíddarprentaða byssuhluta, gnægð skotfæra og magasín ýmiss konar.
Morgunblaðið/Arnþór Birkisson
24.9.-30.9.
Andrés Magnússon
andres@mbl.is