Veiðimaðurinn - 01.09.1958, Blaðsíða 6

Veiðin í sumar.
BLAÐIÐ hefur fengið eftirfarandi
upplýsingar frá Veiðimálaskrifstofunni
um veiðina í sumar:
Veiði lax- og göngusilungs lauk þann
20. þessa mánaðar. Laxveiðin í sumar var
í góðu meðallagi og aðeins minni en í
fyrra. Laxinn var frekar vænn.
Laxveiði í net, í Borgarfirði var mun
lakari í ár en í fyrra, en þá var þar ágæt
veiði. Netaveiðin í Ölfusá var ágæt, en
aftur á móti veiddist lítið í Þjórsá. Stang-
arveiði var mest í ágúst, en venjulega
veiðist bezt í júlímánuði. Úrkomulítið
var í sumar og má rekja orsakir þess, hve
lítið veiddist í júlí, til vatnsþurrðar í án-
um.
Veiði í einstökum ám var misjöfn. Bezt
veiddist í Miðfjarðará, Laxá á Ásum og á
vatnakerfi Blöndu, en veiðin í þessum
ám var nær tvöfalt meiri en í meðalári.
Meðalveiði var í flestum ám. í Elliðaán-
um var veiðin nokkuð undir meðallagi.
Sjóbirtingsveiðin í Ölfusá og Hvítá og
í Rangánum hefur verið lítil í sumar, en
í Þjórsá hefur veiðst vel.
Vatnasilungsveiði lauk þann 27. sept-
ember, nema í Þingvallavatni, en þar
lauk henni 1. september. Silungsveiði
hefur verið ágæt í Þingvallavatni í sumar,
góð veiði var í Mývatni, en í Apavatni
hefur veiðst með minna móti.
Veiðibækur hafa ekki borizt frá öllum
ám ennþá, en í þeim, sem skrifstofunni er
þegar kunnugt um, var veiðin sem hér
segir:
4
Elliðaárnar .......... 950 laxar
Laxá í Kjós ............. 805 —
Bugða ................... 172 —
Meðalfellsvatn ............ 9 —
Laxá í Leirársveit .... 431 —
. .Norðurá ................ 786 —
Miðfjarðará ............ 1418 —
Laxá í Aðaldal ......... 1120 —
Sumar þessar tölur geta ef til vill
breytzt um örfáa fiska til eða frá. Eftir-
tektarvert er, hve vel hefur veiðst í Mið-
fjarðará. Þetta er langmesta veiði þar a.
m. k. um mjög langan tíma. Frá 11.—31.
ágúst, eða á þremur vikum, veiddust þar
900 laxar.
Talan úr Meðalfellsvatni er ekki prent-
villa. Sumir segja að vísu, að þar hafi
veiðst 10 laxar, en Veiðimálaskrifstofan
hefur ekki fregnir af nema 9. Eftir þeim
skýrslum, sem borizt hafa um silungsveið-
ina hefur hún ekki verið beysin heldur,
aðeins 204 fiskar. Hins vegar er kunnugt
að menn vanrækja mjög að fylla út veiði-
skýrslur við vatnið, og er það illa farið.
Sennilega er það eitthvað tíðarfarinu að
kenna, hve líti'ð hefur veiðst í vatninu að
þessu sinni, en ýmsir, sem þar eru kunn-
ugir, telja að silungurinn sé mjög að
ganga til þurrðar og fari smækkandi.
Fiski breytt í kerti.
í ALASKA kvað vera til fiskur, sem hægt er að
nota fyrir kerti, þegar hann hefur verið hertur.
Hann er reistur upp á endann, með hausinn upp,
og sxðan er kveikt á hausnum. Ekki fylgir sögunni,
hvemig þeir láta hann standa eða festa hann, svo
að hann velti ekki um. En sagan segir að þetta
„kerti" endist 1 tvo tíma.
Veibimaðurinn