Fréttablaðið - 09.03.2023, Qupperneq 2
Ég gagnrýni skort á
faglegu ferli í þessum
erfiðu aðstæðum.
Jódís Skúla-
dóttir, þingkona
Vinstri grænna
Kynnast íslensku gluggaveðri
Mikill kuldi hefur geisað um landið seinustu daga og eru þessir erlendu ferðamenn vonandi undirbúnir fyrir íslenskt veðurfar. FRÉTTABLAÐIÐ/ANTON BRINK
Ferðafélag Íslands | Mörkinni 6 | 108 Reykjavík | S. 568 2533 | www.fi.is
Aðalfundur
Ferðafélags Íslands
verður haldinn fimmtudaginn 16. mars kl. 20 í sal
FÍ Mörkinni 6.
Dagskrá fundarins er sem hér segir:
1. Skýrsla forseta um starfsemi félagsins á árinu sem leið.
2. Ársreikningur félagsins lagður fram með áritun endurskoðanda.
3. Lagabreytingar.
4. Kosin stjórn samkvæmt 5. grein félagslaganna.
5. Kosnir tveir skoðunarmenn og einn til vara.
6. Önnur mál.
Atkvæðisrétt og kjörgengi á aðalfundi hafa:
1. Skráðir félagsmenn sem greitt hafa félagsgjald fyrir 2022.
2. Gengið hafa í félagið fyrir næstu áramót á undan aðalfundi.
Stjórnin.
Drengur Jódísar, Sigbjörn Skógar, fæddist og dó 3. júní síðastliðinn. MyNd/AÐseNd
Þingkona missti barn í fyrra-
sumar. Hún segir mikilvægt að
landsmenn búi við jafnræði
þegar dauðinn knýr dyra.
bth@frettabladid.is
StjórnSýSla Jódís Skúladóttir,
þingkona Vinstri grænna, missti
dreng úr móðurkviði 3. júní síðast-
liðinn, Sigbjörn Skógar Jódísarson.
Jódís segist hafa fengið eins góða
þjónustu og hægt var að vænta í
kjölfarið en þar vó þungt að hún var
stödd í Reykjavík, lá á Kvennadeild
Landspítalans þegar missinn bar að.
„Ég bý á Egilsstöðum, en þegar
þetta gerðist var ég í bestu aðstæð-
um, á höfuðborgarsvæðinu,“ segir
Jódís. „Ég velti fyrir mér hvað hefði
orðið ef þetta hefði gerst fyrir aust-
an,“ bætir Jódís við.
Hún vísar til þess að víða á lands-
byggðinni sé aðgengi að fagþjónustu
í kjölfar dauðsfalls mjög ábótavant.
Nefna megi skort á útfararstofum,
líkbrennslu, ráðgjöf og fleira í þeim
efnum.
Jódís er f lutningsmaður tillögu
um að dómsmálaráðherra skipi
starfshóp um umönnun og geymslu
líka. Mikilvægt er að hennar sögn
að tekið verði saman hve mörgu sé
ábótavant úti á landi. Landsmenn
sitji ekki allir við sama borð þegar
dauðinn knýr dyra.
Fréttablaðið sagði frá því á dög-
unum að dæmi væru um að lík væru
f lutt með f lutningabíl innan um
vörur svo sem kartöflupoka. Blaðið
vitnaði í þingræðu Jódísar þar sem
þetta kom fram. Segist Jódís hafa
fengið mikil viðbrögð frá fólki en
þau hafi einkum snúist um þá mis-
munun sem íbúar búi við eftir land-
svæðum.
„Hér í Reykjavík höfum við líkhús
og líkbrennslu, við höfum alla útfar-
arþjónustu sem hægt er að veita,“
segir Jódís. „En ástandið er slæmt
víða á landsbyggðinni. Það er mjög
mikilvægt að aðgengi, umönnun
og geymslu líkanna sé almennilega
háttað, hvar sem fólk býr.“
Eitt dæmi er þegar kallað er eftir
krufningu þegar tildrög andláts eru
óljós. Krufningar fara allar fram í
Reykjavík og þarf að flytja lík fram
og til baka ef hinir látnu búa úti á
landi. Jódís segir að allur gangur sé
á flutningsmátanum. Þá geti mikill
kostnaður hlotist af f lutningi fyrir
aðstandendur. Ramma vanti utan
um aðstæðurnar.
„Ég held því ekki fram að þeir
sem flytji lík geri það ekki af fullri
virðingu,“ segir Jódís. „Ég gagnrýni
skort á faglegu ferli í þessum erfiðu
aðstæðum.“
Miklu fleiri líkhús þyrftu að vera
úti á landi að mati þingmannsins. Af
orðum hennar að dæma má álykta
að aðstæðum fólks úti á landi sé
engan veginn nægur gaumur gefinn.
„Ég hjó eftir því í fyrra að mann-
eskja í Reykjavík átti þess kost
að vera f lutt til Akureyrar og fá
læknisþjónustu þar. Þá fór af stað
umræða um hreppaf lutninga og
virtust margir mjög hneykslaðir.
Þetta stakk mig vegna þess að við á
landsbyggðinni höfum vanist svona
flutningum sem normi. Við þurfum
að sækja nánast alla þjónustu á einn
stað, oft þvert yfir landið. Það leiðir
oft af sér mikinn kostnað, að ekki sé
talað um amann.“ n
Missti son og vill jafnræðiAndstaða hefur aukist frá árinu 2021.
FRÉTTABLAÐIÐ/GeTTy
ser@frettabladid.is
fiSkElDi Yfir sextíu prósent lands-
manna eru andvíg laxeldi í opnum
sjókvíum, að því er fram kemur í
könnun Gallup sem gerð var seinni
hluta síðasta mánaðar.
Merkja má viðhorfsbreytingu
meðal landsmanna gagnvart þess-
ari eldisaðferð, en í sambærilegri
könnun frá haustinu 2021 voru mun
fleiri sáttir við sjókvíaeldi.
Nýja könnunin sýnir jafnframt
að ríf lega fimmtíu prósent sem
tóku afstöðu vilja leggja bann við
sjó kvía eldi á Íslandi. n
Meirihluti á móti
laxeldi í sjókvíum
gar@frettabladid.is
rEykjavík Hið heilsuspillandi efni
asbest hefur fundist í húsinu Höfða
við Borgartún.
„Við endurnýjun á eldhúsinu á
Höfða kom í ljós að asbestplötur
voru undir dúk og í veggjum. Unnið
er að því að fjarlægja það með
aðstoð sérfræðinga,“ segir Eva Berg-
þóra Guðbergsdóttir, samskipta-
stjóri á skrifstofu borgarstjóra.
„Asbest er ekki hættulegt nema
það sé hreyft við því þannig að
ekki er talin hætta á heilsutjóni,“
segir Eva. „Það er talið að þetta taki
nokkrar vikur.“
Vegna þessa fara engir viðburðir
nú fram í Höfða. Afhending Fjöru-
verðlaunanna sem jafnan fer fram
í húsinu var því flutt annað í gær. n
Asbest í Höfða
lovisa@frettabladid.is
fjÁrMÁl Rúmri viku eftir að opnað
var fyrir framtalsskil einstaklinga
hafa 29 prósent þeirra skilað því,
eða 95.700. Á sama tíma fyrir ári
höfðu 27 prósent skilað framtali.
Alls eiga 330 þúsund einstaklingar
að skila framtali fyrir 14. mars.
„Fyrir þorra fólks eru framtals-
skilin mjög einföld. Unnið hefur
verið að því svo árum skiptir að
auka áritun upplýsinga í framtöl
einstaklinga. Fyrir flest tekur fram-
talsgerðin því mjög stuttan tíma.
Gott er að fara yfir allar tölur þótt
fæstir þurfi að gera leiðréttingar á
þeim,“ segir Jónas Magnússon, rit-
stjóri stafrænna miðla.
Gera þarf grein fyrir ýmsum
eignabreytingum, svo sem bíla-
kaupum. „Almennt er fæst af þessu
flókið og alltaf hægt að hringja og
fá aðstoð ef í harðbakkann slær.“ n
Þrjátíu prósent
búin að skila
Jónas Magnús-
son, ritstjóri
stafrænna miðla
hjá Skattinum
2 fréttir FRÉTTABLAÐIÐ 9. mARs 2023
fiMMtUDAGUr