Fréttablaðið - 09.03.2023, Síða 14
„Ótrúlegt en satt, þá byrjaði þetta
allt í bílskúrnum árið 2011. Ég var
23 ára gömul og var að vinna sem
grafískur hönnuður en hafði líka
mikla reynslu af búðabransanum.
Ég var nýbúin að eiga stelpuna
mína, fann að líkaminn hafði
breyst töluvert og það var orðið
nánast ómögulegt fyrir mig að
finna föt sem pössuðu og mér
fannst flott,“ segir Fríða Guð-
mundsdóttir, eigandi Curvy.
Á þessum tíma hélt Fríða úti
tískubloggi á netinu. „Þannig fann
ég að það sem ég var að leita að var
vissulega til, en bara ekki á Íslandi.
Það voru kannski tvær eða þrjár
verslanir á Íslandi sem buðu upp á
fjölbreyttari stærðir og í mörgum
tilfellum fannst mér sniðin og
stíllinn á þeim klæðnaði ekki
henta mér. Mér fannst vanta meiri
fjölbreytni og þá snið sem gætu
líka hentað yngri konum.“
Draumurinn rætist
„Ég fann frá mörgum lesendum
mínum að þeir voru sammála
mér um að það vantaði meiri
fjölbreytni í „plus size“ tískuna
á Íslandi og fann að það vantaði
klárlega eitthvað á markaðinn á
Íslandi. Draumurinn var alltaf að
opna verslun og þarna sá ég tæki-
færi sem ég gat ekki hunsað. Ég bar
þessa hugmynd undir mömmu
sem fannst ég vera alveg galin, en
gat þó ekki annað en haft trú á
dóttur sinni sem var sannfærð um
að þetta ætti eftir að slá í gegn. Eftir
góðan tíma og mikla rannsóknar-
vinnu tók ég af skarið, hafði sam-
band við nokkur erlend merki sem
voru að fókusa á stærri stærðir og
eftir það byrjaði boltinn að rúlla.“
Árið 2011 fór curvy.is í loftið
sem netverslun. „Fyrst átti þetta
bara að vera netverslun en vatt svo
fljótt upp á sig. Við enduðum á að
innrétta bílskúr eins og litla búð og
tókum þar á móti viðskiptavinum
sem vildu fá að skoða vörurnar og
máta. Ég fékk mjög mikla hjálp frá
foreldrum mínum og má segja að
þetta hafi þróast strax í að verða
fjölskyldufyrirtæki,“ segir Fríða.
Breiður hópur viðskiptavina
Haustið 2012 var fyrsta fataverslun
Curvy opnuð í Nóatúninu. „Síðan
þá höfum við stækkað jafnt og
þétt og flutt búðina í tvígang. Í
dag er verslunin við Fellsmúla 26
og höfum við reglulega bætt við
okkur fleiri merkjum, vöruflokk-
um og erum hvergi nærri hættar.“
Fyrst byrjaði verslunin með fatnað
í stærðum 42–60 en smátt og smátt
bættust við sundföt, íþróttaföt og
breiðari skór. „Nú síðast bættust
við undirfötin en þau komu mikið
á óvart og hafa slegið þvílíkt í gegn
hjá okkur.
Það er ótrúlega gaman að sjá
hversu breiður aldurshópur kemur
til okkar en það er ekki óalgengt að
sjá mæðgur koma saman að versla.
Svo höfum við árlega boðið upp
á fermingarlínu sem hefur ávallt
verið vel tekið. Við reynum líka að
stilla verðinu í hóf en höfum því
miður barist við verðhækkanir hjá
birgjum eins og aðrar verslanir hér
á landi. Sem betur fer höfum við
náð að hagræða í rekstri til þess að
halda verðhækkunum í lágmarki,“
segir Fríða.
Tólf ár í tískunni
Curvy fagnar tólf ára afmæli í ár.
„Við hefjum afmælishelgina okkar
strax í dag, fimmtudag, og verðum
með léttar veitingar í búðinni. Þá
ætlum við að bjóða 20% afslátt af
öllum vörum út sunnudag. Fyrstu
þrjátíu viðskiptavinir sem versla
fyrir yfir 12 þúsund krónur fá
gjafapoka og tveir heppnir geta
unnið 20 þúsund króna gjafabréf.
Svo verður líka smá sprell inni á
samfélagsmiðlunum okkar í tilefni
afmælisins þar sem við birtum vís-
bendingar um fjölda afsláttarmiða
sem við felum um alla búð fyrir
heppna viðskiptavini að finna.“
Allir líkamar eru fallegir
Að sögn Fríðu hefur margt
skemmtilegt átt sér stað síðustu
tólf árin. „Við höfum verið
óhræddar við að prufa nýja hluti
til að vekja athygli á Curvy og
því sem við stöndum fyrir. Sem
dæmi tókum við þátt í verkefni
með Siggu Lund árið 2013. Þar hélt
ég fyrirlestur með fleiri góðum
konum á námskeiði þar sem
yfirskriftin var Líkamsvirðing –
sjálfsvirðing: Frá átökum og öfgum
yfir í vellíðan, virðingu og sátt. En
þetta viðfangsefni hefur verið mér
mikið hugleikið í mörg ár og mér
finnst rosalega mikilvægt að halda
umræðunni gangandi um jákvæða
líkamsmynd og að allir líkamar
séu fallegir. Við leggjum mikla
áherslu á samfélagsmiðlana okkar
og notum okkur sjálfar mjög mikið
þegar við sýnum fötin á Instagram.
Okkur finnst mikilvægt að hafa
fjölbreyttar týpur og líkama sem
sýna fötin.
Sem betur fer hefur úrvalið
orðið töluvert betra hér á Íslandi á
síðustu tólf árum. En það sem mér
finnst við hafa fram yfir margar
aðra verslanir er að starfsfólkið
sem vinnur hjá okkur hefur svo
mikla ástríðu og metnað til að
þjónusta og hjálpa. Við tengjum
algjörlega við þennan vanda að
finna á sig föt sem passa og manni
líður vel í. Viðskiptavinir okkar
eru mjög ánægðir með að hafa það
úrval og þann valkost sem Curvy
býður upp á,“ segir Fríða.
Fyrir dömur og bráðum herra
„Við erum ávallt með augun opin
fyrir nýjum merkjum og eru
dönsku merkin Kaffe Curve og
Zizzi vinsælustu merkin okkar.
Nýlega bættist við í hópinn Fransa
Plus. Þessi merki bjóða öll upp
á vandaðan fatnað í stærðum
42–60 og úrvalið er ótrúlega gott,“
segir Fríða. Að sögn Fríðu munu
spennandi hlutir gerast í haust. „Þá
eigum við von á herralínu, en við
munum auglýsa það betur síðar,“
segir hún.
„Tískan í dag hefur breyst svo
mikið og það eru engin boð og
bönn lengur. Þú mátt einfaldlega
klæðast því sem þú vilt og finna
þinn eigin stíl. Og eitt af því sem
okkur finnst skemmtilegast er
þegar við fáum fyrirspurnir eða
sérstakar óskir um ákveðna vöru.
Þá förum við af stað og höfum
samband við alla birgja til þess
að geta svo boðið upp á hana í
búðinni,“ segir Fríða.
Vor- og sumarvörurnar streyma
inn núna og er búðin einstaklega
björt og með glaðlegt yfirbragð.
„Dragtir í alls konar litum eru
mikið að koma inn núna. Bjartir
tónar eins og lavender, ljósappel-
sínugulur, grænn og ljósblár eru
mjög áberandi fyrir sumarið. Við
finnum líka að margir Íslendingar
eru á leið til útlanda í hitann og því
er mjög mikil sala í sundfötum og
léttari sumarklæðnaði.“
Sterk netverslun skipti máli
Að sögn kom það sér vel að vera
með sterka netverslun í faraldr-
inum. „Á þeim tíma fór mestöll
salan í gegnum curvy.is og það
bjargaði okkur algerlega á þessum
tíma að hafa lagt metnað í hana
á sínum tíma. Í dag er þó auð-
vitað mun meira líf í búðinni sem
okkur finnst að sjálfsögðu miklu
skemmtilegra.
Netverslunin stendur þó enn
sterk og þjónustar landsbyggðina
prýðilega. Ég held að í og eftir
Covid hafi Íslendingar svolítið
uppgötvað þessi þægindi sem
það er að panta á netinu og fá sent
heim. Við í Curvy bjóðum upp á
fría heimsendingu og fjórtán daga
skilafrest svo það er auðvelt að
panta og skila ef varan passar ekki.
Curvy-ævintýrið heldur áfram
og það er ótrúlega gaman að geta
fagnað tólf ára afmælinu í ár og líta
stolt til baka með það í huga að við
höfum brotið blað í sögu tísku-
verslunar á Íslandi þegar kemur að
fatnaði í fjölbreyttari stærðum og
jákvæðri líkamsmynd,“ segir Fríða
að lokum.
Curvy er staðsett að Fellsmúla
26 í Hreyfilshúsinu við Grensás-
veg. Netverslun: curvy.is. Sími:
581-1552.
Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Guðmundur
Hilmarsson, gummih@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is,
s. 550 5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf.
Ábyrgðarmaður:
Jón Þórisson
Sölumenn:
Arnar Magnússon, arnarm@frettabladid.is, s. 550 5652,
Jón Ívar Vilhelmsson, jonivar@frettabladid.is, s. 550 5654,
Ruth Bergsdóttir, ruth@frettabladid.is, s. 694 4103.
Curvy er með
frábært úrval
af fallegum
sundfatnaði og
undirfötum.
Sumarflíkurnar
eru komnar í
Curvy og segir
Fríða að dragtir
í alls konar
björtum og
fallegum litum
verði áberandi í
vor og sumar.
Fríða segir það gaman að sjá hversu breiður aldurshópur sæki verslunina
heim, en þar má finna fjölbreytt úrval af fallegum tískufatnaði.
Curvy býður í
tólf ára afmælis-
veislu sem
stendur yfir
frá deginum í
dag til sunnu-
dags. Afslættir,
gjafapokar og
vinningar.
Þetta viðfangsefni
hefur verið mér
mikið hugleikið í mörg
ár og mér finnst rosalega
mikilvægt að halda
umræðunni gangandi
um jákvæða líkams-
mynd og að allir líkamar
séu fallegir.
Fríða Guðmundsdóttir
Fríða Guðmundsdóttir stofnaði Curvy fyrir tólf árum þegar hún kom auga á að úrvalinu af tískufatnaði í fjölbreyttari
stærðum var afar ábótavant á Íslandi. FRéttABLAðið/Anton BRink
2 kynningarblað A L LT 9. mars 2023 FIMMTUDAGUR