Fréttablaðið - 11.03.2023, Blaðsíða 42

Þetta var
upphafið
að sam-
starfi
okkar Elvis
og ástæðan
fyrir því að
ég byrjaði
að syngja.
Elín
Albertsdóttir
elin
@frettabladid.is
Bjarni Arason kynntist Elvis
Presley-lögum þegar hann
var aðeins 14 ára og varð
strax hugfanginn af kóngin-
um sem hefur fylgt honum
síðan. Bjarni segist ekki geta
gert upp á milli laganna en
alltaf sé gaman að syngja It’s
Now or Never.
Bjarni hefur verið að syngja Elvis-
lög á Hótel Grímsborgum undan-
farnar helgar við frábærar undir-
tektir jafnt Íslendinga sem erlendra
ferðamanna. Allir þekkja lögin og
gestir taka gjarnan undir, tryllast
á fætur og bregða á dans, eins og
hann orðar það. „Enda kynda lögin
gjarnan undir lönguninni til að
hreyfa sig,“ segir hann og bætir við:
„Einhverra hluta vegna hefur Elvis
fylgt mér allt frá upphafi ferilsins.“
Bjarni hefur starfað hjá Íslands-
hótelum frá árinu 2013 og sem
hótelstjóri á Fosshótel Lind og
Fosshótel Rauðará frá árinu 2016.
„Þetta er sérlega skemmtilegt og
lifandi starf ásamt því að vera
alveg einstaklega fjölbreytt, hef
aldrei áður unnið svona fjölbreyti-
legt starf og hef þó víða komið
við. Upp koma alls konar mál sem
gaman er að leysa. Maður lærir
eitthvað nýtt á hverjum degi í
annasömu starfi.“
Látúnsbarki Íslands
Þrátt fyrir að Bjarni hafi nóg að
gera gefur hann sér tíma til að
syngja enda hefur tónlistin átt hug
hans og hjarta frá barnsaldri. Þar
utan er hann með tónlistarþætti á
útvarpsstöðinni Retró. Það muna
það kannski ekki allir að Bjarni
var kosinn Látúnsbarki Íslands í
Látúnsbarkakeppni Stuðmanna
aðeins 15 ára en hátíðin var haldin
í gamla Tívolíinu í Hveragerði.
Bjarni söng hið þekkta lag Slá í
gegn. Með sigrinum varð Bjarni
strax landsfrægur og vann hug
þjóðarinnar á svipstundu, ekki síst
þar sem hann gat sungið Elvis-lög
eins og engill. „Þetta var árið 1987
og mér finnst svo ótrúlega stutt
síðan. Þannig líður tíminn,“ segir
hann. „Það er mikil blessun að fá
að starfa við það sem mér finnst
skemmtilegast í allan þennan
tíma, að syngja fyrir fólk. Það eru
forréttindi,“ segir Bjarni sem hefur
tekið þátt í óteljandi viðburðum
bæði hér á landi og erlendis.
Margir muna eflaust eftir því þegar
hann söng lagið Karen í Söngva-
keppni sjónvarpsins 1992. Lagið
lifir góðu lífi enn í dag þótt ekki
hafi það náð að vinna keppnina.
Fundu gamla Elvis-bók
Bjarni hóf nám í tónlistarskóla
þegar hann var níu ára. Lærði á
trompet og var í lúðrasveit. „Sem
unglingar stofnuðum við nokkrir
félagarnir í lúðrasveitinni gítar-
hljómsveit en túbuleikarinn vildi
endilega hafa hana þannig þótt
við værum ekki að leika á gítar. Ég
kunni ekkert á gítar og spurði hvað
ég ætti að gera í bandinu. Svarið
var að senda mig í Tónkvísl, kaupa
rafmagnsgítar og læra á hann
sjálfur. Ég fór rakleitt í það verkefni
og hóf sjálfsmenntun,“ útskýrir
Bjarni en á æfingasvæði lúðra-
sveitarinnar var geymsla þar sem
æfingar fóru fram.
Bjarni segir frá því að þeir félag-
arnir hafi fundið stóra og mikla
bók um Elvis-lög þegar þeir voru
að gramsa í gömlu dóti í geymsl-
unni. Í þessari bók voru öll helstu
lög Elvis með myndum af gítar-
gripum. „Þetta var upphafið að
samstarfi okkar Elvis og ástæðan
fyrir því að ég byrjaði að syngja.
Þetta voru einhvers konar örlög,“
segir hann.
Bjarni og félagar byrjuðu að æfa
lögin eftir bókinni og eitthvað
spurðist það út því stuttu síðar var
þeim boðið í unglingaþátt í sjón-
varpinu sem nefndist Unglingarnir
í frumskóginum. „Það er til upp-
taka frá þessu augnabliki frá árinu
1986. Ég söng tvö Presley-lög í
þættinum. Röddin datt bara óvænt
inn eins og kveikt væri á takka,“
segir hann brosandi og neitar því
að þeir Elvis séu eitthvað skyldir.
„Við erum báðir baritónar,“ segir
hann en enginn vafi er á líkindum
þeirra raddlega.
Stórmerkileg saga
Bjarni hefur að sjálfsögðu séð bíó-
myndina um Elvis en aðalleikari
hennar, Austin Butler, er til-
nefndur til Óskarsverðlauna sem
verða afhent á sunnudaginn. „Ég
var reyndar sendur af RÚV til að
fjalla um myndina. Þetta er stór-
kostlegt listaverk og stórmerkileg
saga af litlum strák frá Tupelo
í Mississippi sem varð nánast
heimsfrægur á einni nóttu. Fyrsta
lagið sem hann gaf út átti að vera
afmælisgjöf til móður hans en þá
var hann uppgötvaður. Elvis þótti
hafa rödd eins og þekktust var á
meðal svartra. Austin Butler var
frábær Elvis og ekki síður Tom
Hanks sem aðstoðarmaður hans,“
segir okkar eini sanni íslenski
Elvis.
Óvænt örlög leiddu Bjarna og Elvis saman
Bjarni Arason á langan tónlistarferil að baki og er hvergi nærri hættur. Hann hefur verið að semja lög í frístundum, syngur Elvis-lög um helgar og starfar sem hótelstjóri yfir tveimur hótelum.
FRÉTTABLAÐIÐ/ERNIR
Bjarni söng Elvis-lög öll laugar-
dagskvöld í febrúar og verður út
mars í Grímsborgum. „Dagskráin
er á annan tíma og ég lagði mikla
vinnu í að útfæra hana sem allra
best. Það er ekki auðvelt að velja á
milli Elvis-laga en maður reynir að
blanda saman rólegum ballöðum
í bland við þau fjörugustu, vin-
sælustu og önnur minna þekkt.
Margir gestir í Grímsborgum eru
Elvis-aðdáendur sem þekkja öll
þessi lög. Eftir því sem tempóið
eykst með kvöldinu endar það
í brjáluðu stuði. Sumir standast
ekki mátið, standa upp og dilla sér.
Þetta eru lög sem vekja kroppinn
til hreyfingar. Síðan á fólk góðar
minningar með mörgum þessara
laga. Elvis er engum líkur.“
Semur lög í frístundum
Bjarni er þó ekki einungis í Elvis-
lögum. Hann gaf út eigið jólalag
í desember, Allt er gott um jólin,
sem var mikið spilað. Þá samdi
hann einnig lag sem kom út síðasta
sumar. „Ég hef verið að gera þó
nokkuð í því að semja lög að
undanförnu. Mér hefur fundist
virkilega skemmtilegt að dunda
við þetta og sum lögin verða nán-
ast til af sjálfu sér. Kannski bara
undir stýri en þá gríp ég símann
og tek sjálfan mig upp að raula svo
laglínan gleymist ekki,“ segir hann.
„Jú, jú, það eru fleiri lög á leiðinni,“
upplýsir Bjarni þegar hann er
spurður um frekari útgáfu. „Maður
situr aldrei auðum höndum.“
Bjarni er mikið beðinn um að
syngja við útfarir, afmæli og brúð-
kaup eða önnur tilefni. „Það eru
margvísleg verkefni sem koma á
borð söngvarans.“ n
8 kynningarblað A L LT 11. mars 2023 LAUGARDAGUR