Gerðir kirkjuþings - 2021, Page 17

17
Kirkjuráð hefur undirbúið kirkjuþing í samráði við forseta þingsins og forsætisnefnd.
Þá hefur ráðið undirbúið þingmál sín og veitt kirkjuþingsfulltrúum, sem þess óska,
aðstoð við framsetningu þingmála. Kirkjuráð hefur annast framkvæmd ákvarðana
þingsins ef annað hefur ekki verið ákveðið af kirkjuþingi. Kirkjuráð hefur undirbúið
drög að fjárhagsáætlun í samráði við forseta kirkjuþings og formann fjárhagsnefndar og
áritar ársreikninga og leggur þá fram á kirkjuþingi. Að auki hefur kirkjuráð farið með
fasteignamál þjóðkirkjunnar.
Kirkjuráð hefur úthlutað styrkjum sem áður heyrðu undir Kirkjumálasjóð og Kristnisjóð
og staðfestir úthlutanir Úthlutunarnefndar af þeim fjármunum sem áður heyrðu undir
Jöfnunarsjóð sókna, sbr. starfsreglur um fjármál Þjóðkirkjunnar – Biskupsstofu, nr.
931/2020.
Kirkjuráð hefur haft forræði og forsjá um Skálholtsstað og hefur einnig afskipti af
málefnum Skálholtsskóla. Kirkjuráð hefur einnig skipað skólaráð Skálholtsskóla.
Kirkjuráðsfundir.
Kirkjuráð hefur haldið fund að jafnaði einu sinni í mánuði á biskupsstofu og á þessu
starfsári hefur ráðið haldið 11 reglulega fundi auk fjögurra aukafunda. Í kjölfar Covid-19
faraldursins hafa kirkjuráðsfulltrúar í auknum mæli stuðst við fjarfundabúnað.
Á kirkjuráðsfundum sitja auk kirkjuráðsmanna og framkvæmdastjóra, skrifstofustjóri
biskupsstofu og fjármálastjóri biskupsstofu, þegar umræða um fjármál eru sérstaklega á
dagskrá og biskupsritari sem ritar fundargerðir.
Með tilkomu viðaukasamnings milli íslenska ríkisins og þjóðkirkjunnar, frá 6. sept-
em ber 2019 og breytinga á starfsreglum í kjölfar hans, hefur hlutverk kirkjuráðs breyst
þar sem kirkjuþing fer nú með fjárstjórnarvald þjóðkirkjunnar. Frá fyrsta kirkjuráðsfundi
ársins 2021, sem var 7.-8. janúar, hafa forseti kirkjuþings og formaður fjárhagsnefndar
setið fundi kirkjuráðs þegar fjallað er um fjármál. Forseti kirkjuþings situr auk þess fundi
kirkjuráðs þegar málefni kirkjuþings eru til umfjöllunar. Vígslubiskupar sitja fundi ráðsins
þegar málefni biskupsstólanna eru til umfjöllunar eða þegar forseti kirkjuráðs felur
vígslubiskupi að stjórna fundi.
Starfsfólk kirkjuráðs.
Starfsfólk kirkjuráðs eru Brynja Dögg Guðmundsdóttir Briem, framkvæmdastjóri
kirkjuráðs, Guðrún Finnbjarnardóttir, fulltrúi, Arnór Skúlason, arkitekt, verkefnastjóri
viðhaldsmála á fasteignasviði og Ásta Guðrún Beck, lögfræðingur. Gunnar Óskarsson,
ráðsmaður í Skálholti, hefur einnig talist til starfsmanna kirkjuráðs en kirkjuráð samþykkti
á 326. fundi, þann 3. júní sl., að aðilaskipti yrðu á ráðningarsamningi hans og starfar hann
nú eingöngu fyrir Skálholtsstað.
Starfshópar kirkjuráðs.
Samkvæmt reglum um stjórnsýslu og starfshætti kirkjuráðs hafa þrír starfshópar
kirkjuráðs verið starfandi, lagahópur, fjármálahópur og kirkjustarfshópur. Einn til tveir
kirkjuráðsmenn starfa í hverjum hópi, ásamt starfsmanni frá biskupsstofu og formanni