Gerðir kirkjuþings - 2021, Side 37

37
Kirkjuþing afgreiddi skýrslu kirkjuráðs með eftirfarandi
þingsályktun:
Kirkjuþing þakkar öllu þjóðkirkjufólki fyrir langlundargeð, hugmyndauðgi, æðruleysi
og samstöðu á tímum heimsfaraldurs. Á þessum tímum hefur kirkjan, eins og oft áður, sýnt
að hún er samfélag fólks sem hefur styrk til þess að takast saman á við erfiðar aðstæður.
Kirkjuþing þakkar þeim fjölmörgu einstaklingum sem komu að stefnumótun
þjóðkirkjunnar sem fór fram á vormánuðum 2021. Kirkjuþing ályktar að þau sem fari með
fjárvald þjóðkirkjunnar forgangsraði í samræmi við niðurstöður stefnumótunarinnar.
Kirkjuþing þakkar þeim sem vinna að málefnum innflytjenda og flóttafólks og ályktar
að þjóðkirkjan styðji áfram við og efli hið góða starf sem unnið er á þeim vettvangi.
Kirkjuþing fagnar aðgerðum Þjóðkirkjunnar í umhverfismálum á árinu. Kirkjuþing
ályktar að kirkjan stígi það skref í orkuskiptum í samgöngum sem samþykkt var að
fara í á kirkjuþingi 2019 og komi upp rafmagnstenglum eða hleðslustöðvum við
fasteignir kirkjunnar til að hlaða bíla gegn gjaldi. Framkvæmd þessari var frestað vegna
heimsfaraldursins.
Kirkjuþing unga fólksins er ein af grunnstoðum kirkjunnar og mikilvægt er að efla
þátttöku og áhrif ungs fólks í kirkjunni. Kirkjuþing hvetur kirkjuþing unga fólksins til þess
að koma málum sínum áfram til þingsins.
Kirkjuþing ályktar að yfirstandandi aðhaldsaðgerðir komi ekki niður á grunnþjónustu
kirkjunnar.
Nefndarálit allsherjarnefndar um skýrslu kirkjuráðs.
Allsherjarnefnd hefur fjallað um skýrslu kirkjuráðs og fylgigögn ásamt ávörpum við
upphaf kirkjuþings.
Nefndin þakkar biskupi Íslands og forseta kirkjuþings fyrir ávörp þeirra við þingsetningu
í Bústaðakirkju.
Drífa Hjartardóttir, forseti kirkjuþings, hóf ræðu sína á því að minnast Miðgarðskirkju
í Grímsey sem brann í september síðastliðnum. Minnti hún á samtakamátt sóknarbarna
og mikilvægi styrktarsjóða Þjóðkirkjunnar á svona stundum en eyjarmenn hyggjast
endurbyggja kirkju sína.
Drífa minnti á þær skipulagsbreytingar sem hafa átt sér stað í umhverfi Þjóðkirkjunnar
undanfarið og verða til umfjöllunar á þessu þingi. Þjóðkirkjan er að fóta sig í nýju umhverfi.
Hún ræddi einnig mikilvægi stefnumótunarvinnunnar sem fram fór á árinu og birtist í
nokkrum málum á þessu þingi.
Einnig minnti hún á öll yrðum við að halda áfram baráttunni fyrir sóknargjöldunum
sem af hálfu ríkisins hefur ekki verið skilað til fulls.
Agnes M. Sigurðardóttir, biskup Íslands minnti kirkjuþing á það í hvers umboði það
starfar og ítrekaði það að kirkjan væri ekkert án fólksins í söfnuðum landsins. Frú Agnes
vitnaði í myndlíkingar Páls postula í Efesusbréfinu þar sem hann líkir kirkjunni við líkama
þar sem allir hafa mikilvægu hlutverki að gegna.
Hún minnti á að kirkjan væri í miðju breytingarferli þar sem hún fetaði sig áfram til