Gerðir kirkjuþings - 2021, Síða 137

137
a. Grunur um áfengis- eða vímuefnamisnotkun.
Vakni grunur um að starfsmaður sé undir áhrifum áfengis/og eða vímuefna í vinnu,
eða neyti slíkra efna í því magni að það komi marktækt niður á mætingu og/eða
vinnuframlagi skal eftirfarandi úrræðum beitt:
i. Kallað er á starfsmann í viðtal þar sem staða starfsmanns er rædd.
ii. Vísa starfsmanni frá vinnu ef talið er að hann sé undir áhrifum áfengis og/ eða
vímuefna í vinnu.
iii. Benda starfsmanni á meðferðarúrræði og jafnframt að skrá atferli hans og
veita munnlegt tiltal. Slíkt tiltal verði skráð og undirritað af báðum aðilum. Ef
ofangreint atriði endurtekur sig skal starfsmanni veitt skrifleg áminning. Ef
starfsmaður bætir enn ekki ráð sitt (3. brot) má gera ráð fyrir að honum verði
sagt upp störfum.
iv. Óskað eftir að starfsmaður fari í áfengis/vímuefnapróf hjá viðurkenndri stofnun
eða fagmanni á vegum þjóðkirkjunnar sem getur framkvæmt slíka skimun með
spurningum. Starfsmanni er heimilt að hafna prófi en það gæti leitt til uppsagnar.
b. Stuðningur vegna áfengis- eða vímuefnavanda.
Starfsmaður getur leitað eftir stuðningi hjá biskupi eða fulltrúa hans sem bendir
starfsmanni á meðferðarúrræði og sendir beiðni til mannauðs-stjóra. Mannauðsstjóri
í samráði við ráðgefandi aðila og starfsmann kemur málinu í farveg. Starfsmaður
leitar sjálfur eftir því hvaða meðferðarstofnun hann kýs að nota, ávallt skal gerð
krafa um að starfsmaður fari í fulla meðferð á viðurkenndri meðferðarstofnun og
nýti sér þá eftirfylgd sem í boði er.
Áfengis- og vímuefnameðferð.
a. Starfsmaður fer í matsviðtal þar sem ákvörðun er tekin um meðferð.
b. Í framhaldi af matsviðtali er gerður meðferðarsamningur milli starfsmanns
og þjóðkirkjunnar. Samningurinn inniheldur áætlun um afeitrun, meðferð og
eftirfylgd. Eftirfylgd getur verið á formi meðferðarsamtala, mætingar í stuðnings-
hópa og áfengis/vímuefnaprófs sé þess óskað.
c. Þegar starfsmaður kemur aftur til vinnu eftir afeitrun og meðferð mætir hann í
eftirfylgd skv. meðferðasamningi sínum.
d. Starfsmaður ber allan kostnað af meðferð.
c. Réttindi og launagreiðslur, réttindi og skyldur starfsmanns.
Meginreglan er sú að starfsmenn eiga ekki rétt á launum meðan á áfengis- og vímu-
efnameðferð stendur. Áfengis- og vímuefnasýki fellur ekki undir sjúkdóms hugtakið
í vinnurétti. Því eiga ákvæði kjarasamninga sem kveða á um réttindi vegna veikinda
ekki við um fjarvistir af völdum áfengis- og vímuefnameðferðar.
Starfsmenn sem hafa þurft á áfengis- eða vímuefnameðferð að halda, hafa ýmist fengið
launað/launalaust leyfi eða notað orlof sitt til meðferðar. Veiti stjórnandi/ handhafi
ráðningavalds starfsmanni launað leyfi vegna áfengis- eða vímuefnameðferðar þá er
það umfram samningsskyldu (1).