Fréttablaðið - 18.03.2023, Blaðsíða 8

Fólk dregur saman
seglin, nær að selja
fyrir sæmilegt verð og
kaupir ódýrara úti á
landi.
Sigrún Hulda
Jónsdóttir,
leikskólastjóri á
Urðarhvoli
Húsnæðiskrísan keyrir fólks-
flutninga áfram. Eftir áratuga
flótta frá landsbyggðinni
suður snýst dæmið nú við.
Dæmi eru um 22-faldan mun
á verði íbúðarhúsnæðis eftir
svæðum.
bth@frettabladid.is
HÚSNÆÐISMÁL Leikskólastjóri í
Kópavogi segist þekkja þrjú dæmi
um að barnafjölskyldur standi í
þeim sporum að þurfa að flytja út
á land til að búa í ódýrara húsnæði.
Afborganir af húsnæðislánum sligi
foreldra.
Sigrún Hulda Jónsdóttir, leik-
skólastjóri á leikskólanum Urðar-
hvoli, segist ekki þekkja dæmi
um að barnafjölskyldur hafi f lúið
Reykjavík gagngert vegna skorts á
leikskólaplássum líkt og ung reyk-
vísk móðir í Vesturbænum sagði
vera staðreynd í Fréttablaðinu í gær.
„Hins vegar kannast ég við að fólk
er í óvenjulegum mæli að flytja út á
land eftir að hafa tekið íbúðalán
sem reynast mjög óhagstæð,“ segir
Sigrún Hulda.
Sigrún þekkir að minnsta kosti
þrjú dæmi um flutning foreldra sem
hafi átt börn á Urðarhvoli.
„Þetta eru ungar fjölskyldur sem
hafa tekið lán fyrir sínu húsnæði og
eru með há lán. Þegar verðbólgan
tikkar inn og vextirnir fara upp er
erfiðara að borga af húsnæðinu og
þá dregur fólk saman seglin, nær að
selja fyrir sæmilegt verð og kaupir
ódýrara úti á landi.“
Áfangastaðir barnafólks sem
f lytur brott eru misjafnir. Sigrún
Hulda nefnir Akranes, Akureyri og
Stokkseyri sem segla fyrir barnafólk
sem áður bjó í Kópavogi.
Í mörg ár hefur þekkst að fólk sem
fæðist úti á landi flytji á höfuðborg-
arsvæðið. Viðsnúningurinn er nýr af
nálinni, að sögn leikskólastjórans.
„Þetta er mjög óvenjulegt ástand.“
Á fasteignavef Fréttablaðsins
sést að fermetraverð er oft margfalt
hærra á höfuðborgarsvæðinu en úti
á landi þótt munurinn hafi dregist
saman á sumum svæðum.
Landsbyggðin orðin fyrirheitna landið
Sú breyting hefur orðið vegna húsnæðisvandans að fólk flytur nú að sunnan og norður. FRÉTTABLAÐIÐ/AUÐUNN
Aðalfundur VR
VR | Kringlunni 7 | 103 Reykjavík | Sími 510 1700 | vr@vr.is | vr.is
Aðalfundur VR verður haldinn miðvikudaginn
29. mars 2023 kl. 19:30 á Grand hótel Reykjavík.
Fundurinn verður bæði stað- og
fjarfundur. VR félagar verða að skrá
sig fyrirfram fyrir kl. 12:00 á hádegi
á fundardegi.
Túlkun á ensku verður einungis í
boði í fjarfundi.
Allar kosningar á fundinum verða
rafrænar og fundargögn sömuleiðis.
Mikilvægt er að öll sem mæta á
fundinn hafi meðferðis viðeigandi
búnað (tölvu eða snjalltæki) til þess
að geta tekið þátt í kosningum.
Á dagskrá eru hefðbundin aðal-
fundar störf, lagabreytingar, reglu-
gerðarbreytingar og ákvörðun um
innborgun í VR varasjóð.
Skráning og upplýsingar
er að finna á vr.is/adalfundur
173 fermetra einbýlishús við
Ásgötu á Raufarhöfn kostar nú 14
milljónir króna. Fermetraverðið er
81.000 krónur.
Við Kirkjuveg í Ólafsfirði er fer-
metrinn einnig mjög ódýr á lands-
vísu eða 220.000 krónur miðað við
ásett verð á 76,8 fermetra einbýlis-
húsi sem auglýst er til sölu á innan
við 17 milljónir króna.
Á Sauðárkróki er 50 fermetra
blokkaríbúð til sölu á 18 milljónir
króna. Fermetraverðið er 367.000
krónur.
Á Dalvík er hægt að kaupa 77 fer-
metra íbúð í fjölbýlishúsi á tæpar 24
milljónir, fermetraverð er 310.000
krónur.
Verðmunur hefur minnkað milli
höfuðborgarsvæðisins, Suðurnesja,
Selfoss, Akraness og Akureyrar.
Víða er þó enn hægt að gera góð
kaup á þessum stöðum. Á Akureyri
virðist ódýrasta fermetraverðið um
424.000 krónur miðað við fasteigna-
auglýsingu á eign við Þórunnar-
stræti sem selst á 22 milljónir.
Mörg dæmi eru um að fermetrinn
kosti 500.000–600.000 krónur í þétt-
býli nálægt höfuðborgarsvæðinu.
Í Reykjavík hafa verið seldar eign-
ir síðustu misseri þar sem verð hvers
fermetra er 1,8 milljónir króna. Það
er 22-falt hærra fermetraverð en í
dæminu að ofan frá Raufarhöfn. n
n Sauðárkrókur 18.000.000 krónur.
n Raufarhöfn 23.900.000 krónur. n Akureyri 21.900.000 krónur.
n Raufarhöfn 14 .000.000 krónur.
olafur@frettabladid.is
DÓMSMÁL Héraðsdómur Reykja-
víkur sýknaði í gær ríkið og Lindar-
hvol af kröfum Frigusar II um bætur
vegna sölu Lindarhvols á Klakka ehf.
Sigurður Valtýsson, forsvarsmaður
Frigusar II, segir dóminn vera mikil
vonbrigði. „Þau gögn og vitnisburðir
sem komu fram við aðalmeðferð
málsins sýndu alvarlegar brotalamir
í tengslum við söluna á eignarhlut
ríkisins hjá Lindarhvoli. Jafnræði
var ekkert, gagnsæið hverfandi og
leyndarhyggja ríkjandi, þvert á lög
og siðareglur félagsins.
Það eru mikil vonbrigði að dóm-
arar málsins litu fram hjá þessum
stóru ágöllum. Við munum fara yfir
dóminn og taka ákvörðun í fram-
haldinu um áfrýjun til Landsréttar.“
Birgir Ármannsson, forseti Alþing-
is, situr enn á greinargerð Sigurðar
Þórðarsonar, fyrrverandi setts ríkis-
endurskoðanda um málefni Lindar-
hvols, og kom hún því ekki til skoð-
unar fyrir dómi. Sigurður Valtýsson
segir það óþolandi og ólíðandi að
gögn sem eigi að vera opinber skuli
vera falin í þessu dómsmáli, ríkinu
til hagsbóta.
Athygli vekur að fjölskipaður
dómurinn vísar til ósamþykktrar
skýrslu Ríkisendurskoðunar frá 2020
um að ekkert hafi verið út á starf-
semi Lindarhvols að setja, en stjórn-
skipunar- og eftirlitsnefnd Alþingis
hefur ekki séð sér fært að afgreiða
skýrsluna án þess að fá greinargerð
Sigurðar Þórðarsonar til hliðsjónar.
Þrátt fyrir að dómurinn hafni
dómskröfum stefnenda var máls-
kostnaður milli aðila felldur niður,
sem þykir gefa til kynna að dómnum
þyki stefnendur hafa haft eitthvað til
síns máls. n
Vísað í ósamþykkta skýrslu í dómi
Arnar Þór Stefánsson, lögmaður Frigusar II, fer yfir dóminn með Sigurði Val-
týssyni, forsvarsmanni félagsins, í Héraðsdómi Reykjavíkur í gær.
FRÉTTABLAÐIÐ/ANTON BRINK
8 FRÉTTIR FRÉTTABLAÐIÐ 18. MARS 2023
LAUGARDAGUR