Landsfundur Sjálfstæðisflokksins - 01.12.1945, Blaðsíða 18

Höfðu þá árangurslaust fram farið langar og ítar-
legar tilraunir til myndunar þingræðisstjórnar, en þó
eigi svo, að öllum þætti fullreynt. Sjálfstæðisflokkur-
inn var því andvígur skipun utanþingsstjórnarinnar
og gerði sér frá öndverðu engar vonir um, að slík
stjórn, er hvorki hafði, né gat, tryggt sér meiri hluta
þingfylgi, myndi reynast megnug að ráða við nokk-
urn vanda annan en þann, sem engu máli skipti.
Ýmsir fögnuðu þó komu þessarar stjórnar og
væntu þess, að henni myndi lánast að bera góð mál
fram til sigurs.
Upphaf utanþingsstjórnarinnar:
Stjórnin hóf nú göngu sína með flutningi nokkurra
frumvarpa, er að sönnu eigi voru mikilvæg, né held-
ur fyllilega reist á rökréttri hugsun, en þó svo, að
við mátti hlýta. Tók Alþingi vel á þeim málum
og sýndi þannig vilja til samstarfs. Þó var eigi langt
liðið áður tæki að brydda á ágreiningi. Og er síðasti
landsfundur Sjálfstæðisflokksins var háður í júní
1943 ,var svo komið, að uppvíst var orðið, að þegar
í stað er stefna ríkisstjórnarinnar í því eina máli, er
hún var mynduð um og tók að sér að leysa, mætti
andblæstri á Alþingi, lét stjórnin undan síga. Lykt-
aði þeirri viðureign þings og stjórnar svo sem kunn-
ugt er þannig, að eigi stóð steinn yfir steini í stjórnar-
byggingunni. Urðu þar undir rústunum vonir flestra
þeirra, er í öndverðu héldu að slík stjórn mætti til
velfarnaðar verða. Bjuggust þá flestir við því, að
stjórnin myndi segja af sér, en svo varð ekki. Hún
sat allt til 21. október s. 1.
Sem vænta má er löggjöfin á þessum árum lítt
16