Landsfundur Sjálfstæðisflokksins - 01.12.1945, Blaðsíða 49

I
forystu Tímans, sem spáði verðfalli og boðaði hrun.
Nei, einnig kaupandi afurða okkar, brezka stjómin,
fór fram á stórfelldar verðlækkanir, og hélt fram til
hins síðasta fast á sínu máli. Nam sú verðlækkun sem
kunnugt er, að því er hraðfrysta fiskinn einan
áhrærði, nokkuð á annan milljóna tug. Dettur engum
í hug að ámæla Bretum fyrir að freista þess að kaupa
þarfir sínar sem ódýrast, svo margar og stórar fórn-
ir sem þeir hafa þurft að færa, og ekki síst þegar
þær raddir kváðu stöðugt við úr herbúðum núver-
andi stjórnarandstæðinga, að helzt var á að skilja,
að íslendingum væri því betur borgið, sem verðfallið
riði fyrr yfir.
Sem kunnugt er, lyktaði þessum samningum far-
sællega fyrir íslendinga. Þykist ég engar fullyrðing-
ar þurfa í frammi að hafa um það, hvort stjórnar-
samvinnan hafi nokkru um það ráðið. En til leiðbein-
ingar er, að hver og einn setji sig í spor kaupandans
og spyrji síðan, hvort nokkru máli skipti, hvort held-
ur fer með umboð íslendinga stjórn, sem telur bezt
fara á, að verðfall komi sem fyrst, eða aftur á móti
stjórn, sem sett hefir efst á skjöld sinn að halda uppi
afkomuskilyrðum almennings í landinu, og átti því,
eins og þá stóðu sakir, líf sitt undir að verjast verð-
fallinu.
Að öðru leyti skal ég ekki f jölyrða um þessi mál.
Má það vera öllum, sem ekki eru fólsku blindaðir,
mikið gleðiefni, að þegar er búið að selja nær allar
framleiðsluvörur sjávarútvegsins á þessu ári við hag-
kvæmu verði. Jafnframt hefir tekizt að tryggja
fyrirheit um nauðsynjar landsmanna og skipakost til
flutninga til landsins og frá því.
47