Landsfundur Sjálfstæðisflokksins - 01.12.1945, Blaðsíða 40

skattalög. Ekki hafa þó rök verið færð að öðrum
réttmætari skattstofnum. Og víst er a. m. k. um það,
að fyrir stjórnarsamstarfið var þó komizt hjá þeim
ófarnaði, að leggja á ríkissjóðinn nýjan 20—30
milljóna kr. skuldabagga, og hefði það eitt ein-
hverntíma þótt ærið hlutverk sérhverri ríkisstjórn.
Fyrirheit var gefið um setningu almennra trygg-
ingalöggjafar. Er unnið kappsamlega að málinu.
Samið var um að íslendingar gerðust aðili í I. L. O.
Því hefir þegar verið hrundið í framkvæmd.
Unnið er að endurskoðun stjórnarskrárinnar, og
hefir þegar verið skipuð 12 manna ráðgjafarnefnd,
skv. ákvörðun stjórnarsamninganna. Þá hefir og ver-
ið ráðinn í þjónustu nefndarinnar sérfræðingur, er
kappsamlega hefir unnið að málinu.
Loks var því heitið, að gera það sem auðið yrði
til þess að hindra það, að tekjur hlutasjómanna yrðu
rýrðar, heldur yrði þess freistað, að bæta lífskjör
þeirra.
Stjórnarliðum var að sönnu ljóst, þegar þetta fyr-
irheit var gefið, að vel mætti svo fara, að efndirnar
yrðu miklum örðugleikum bundnar, eins og þá horfði
um fisksöluna. Hinsvegar töldu allir þeir, er að sam-
starfinu stóðu, að ef miðað er við tekjur annarra
stétta þjóðfélagsins, mætti með engu móti rýra af-
rakstur hlutasjómannanna, ekki sízt þegar litið er á
mikilvægi starfsins og erfiði þess. Þótti því rétt-
mætt að keppa að þessu, hverra ráða svo sem til
þyrfti að taka.
En, eins og ég sagði, var aðkoman heldur óbjörgu-
leg í þessum efnum, þegar stjórnin tók við.
Sem kunnugt er, runnu fiskkaupasamningarnir við
38