AVS. Arkitektúr verktækni skipulag - 01.12.1993, Blaðsíða 38

Auk þess sem rakið hefur verið er næsta víst að sá
útbreiddi misskilningur, að vönduð byggingarlist þurfi
alltaf að vera dýr, á mikinn þátt í því hvemig íslensk
húsagerð hefur „þróast“. Það er vissulega rétt að íburður er
dýr, eins og felst í orðinu (að bera mikið í eitthvað), en
hann er ekki endilega alltaf smekklegur né nægir hann til
að skapa vandaðan arkitektúr!
Auk þess er „dýrt“ afstætt hugtak og það sem kostarmikið
í upphafi getur verið ódýrasta lausnin til lengri tíma litið.
Þess vegna getur vandað efnisval reynst það ódýrasta. En
til að skilja betur hvað við er átt er ekki úr vegi að grípa
niður í grein nóbelsskáldsins okkar í bókinni Húsakostur
og híbýlaprýði frá 1939: „Fagurskyggni á í híbýlaháttum
sem öðru hvorki skylt við auð né örbirgð. Það er eins
algengt að sjá auðugt fólk búa ósmekklega og að sjá fátækt
fólk búa smekklega; menning og auður fara ekki alltaf
saman, menning og fátækt geta fylgst að.“
Við Islendingar högum okkur oft eins og Nýríki Nonni og
setjum samasemmerki milli íbúðar og smekkvísi. Ef til
vill erueinhverteikn á lofti að menn séu loks að fara að átta
sig á því eftir hálfa öld, að auðug menning tjáir sig líka í
fögrum byggingum og umhverfi, en ekki eingöngu í vel
varðveittum handritum. ■
r
n
L
STAFAPARKET
OG MOSAIKPARKEt
| Sérhœfð verslun með gegnheilt
parket.
| Sérhcefðir smiðir í skrautiögnum og
myndlögnum.
Suðurlandsbraut 4a, Reykjavík. Sími 91-68-57-58
Skrautlögn á gegnheilu parketi
36