Skessuhorn - 02.11.2022, Blaðsíða 2
MIÐVIKUDAGUR 2. NÓVEMBER 20222
Harður árekstur
í Skollagili
BORGARFJ: Laust eftir
klukkan 18 síðastliðinn
fimmtudagskvöld var tilkynnt
um harðan árekstur tveggja
bíla í Skollagili í Hálsasveit, á
þjóðveginum ofan við Hraun-
fossa. Mikill viðbúnaður var
vegna slyssins og m.a. kallað til
slökkvilið þar sem beita þurfti
klippum á bíl. Fólksbíll hafði
lent á horni aftanívagns vöru-
bíls þegar bílarnir mættust.
Þyrlu Landhelgisgæslunnar
var flogið í Húsafell og flutti
slasaðan einstakling úr fólks-
bílnum á Landspítalann. Mikil
hálka var á staðnum en veg-
urinn liggur um þröngt dal-
verpi þar sem sólar nýtur ekki
á þessum árstíma. Loka þurfti
veginum í nokkra klukkutíma
meðan aðgerðir viðbragðs-
aðila stóðu yfir. -mm
Neyðarkallasalan
að hefjast
LANDIÐ: Sala á Neyðar-
kalli björgunarsveitanna
mun standa yfir dagana 3.–6.
nóvem ber um land allt. Salan
er ein af megin fjáröflunar-
leiðum björgunarsveitanna til
að standa straum af starfi sínu.
-mm
Íslandsbanki
með hagstæð
asta tilboðið
AKRANES: Tilboð Arion-
banka, Landsbankans og
Íslandsbanka um langtímafjár-
mögnun Akraneskaupstaðar
var lögð fram á fundi bæjar-
ráðs 20. október síðastliðinn
og bæjarstjóra falið að vinna
málið áfram. Á fundi bæjar-
ráðs 27. október samþykkti
bæjarráð svo að taka tilboði
Íslandsbanka sem var með
hagstæðasta tilboðið. Bæjar-
stjóra var falin úrvinnsla máls-
ins, að ganga frá samkomu-
lagi við Íslandsbanka um fjár-
mögnunina og að tilkynna
öðrum bjóðendum um niður-
stöðu. -vaks
Kallar eftir upp
lýsingum um
búfjáreftirlit
LANDIÐ: Svandís Svavars-
dóttir matvælaráðherra hefur
kallað eftir upplýsingum frá
Matvælastofnun um fram-
kvæmd eftirlits og verkferla
vegna velferðar dýra þegar
grunur leikur á að umráða-
menn séu ekki að uppfylla
ákvæði laga, hvort sem um er
að ræða almennt eftirlit eða
samkvæmt ábendingum sem
berast stofnuninni. Í erindi
sínu til Matvælastofnunar
óskar ráðherra einnig eftir
upplýsingum um hvort stofn-
unin telji skort á heimildum
í lögum til að tryggja velferð
dýra og grípa til viðeigandi
ráðstafana þegar aðstæður
krefjast. Jafnframt er farið
fram á að stofnunin upplýsi
matvælaráðherra um stefnu
sína hvað varðar upplýsinga-
miðlun til almennings meðan
þær aðgerðir sem snúa að vel-
ferð dýra standa yfir og eftir
að þeim lýkur. -mm
Til minnis
Það er alltaf gaman að skella sér
í sund, taka kannski góðan sund-
sprett og ylja sér í heita pottinum
á eftir eða taka á stóra sínum og
stinga sér ofan í kalda karið. Svo
hittir maður alltaf einhvern sem
gaman er að spjalla við og ekki
skemmir fyrir hvað manni líður
vel eftir sundferðina.
Veðurhorfur
Á fimmtudag er útlit fyrir norðan
og norðaustan 8-15 m/s og rign-
ingu eða slyddu með köflum
en þurrt um landið sunnan-
vert. Hiti 2 til 8 stig. Á föstudag
verður norðaustlæg eða breyti-
leg átt 5-13 m/sek og stöku
skúrir en þurrt vestanlands. Vax-
andi austan átt á sunnan- og
vestanverðu landinu síðdegis.
Hiti 0 til 7 stig, mildast sunnan
til. Á laugardag má gera ráð
fyrir hvassri austanátt og rign-
ingu eða slyddu með köflum, en
úrkomumeira suðaustanlands.
Yfirleitt hægari vindur um landið
norðaustan vert. Hiti breytist
lítið. Á sunnudag og mánudag
eru líkur á austlægri átt og mildu
veðri. Rigning suðaustan- og
austanlands en dálítil væta öðru
hverju á Norður- og Vesturlandi.
Spurning
vikunnar
Í síðustu viku var spurt á vef
Skessuhorns: „Hvað finnst þér
skemmtilegasta borðspilið?“
Eitthvað voru lesendur ósáttir við
úrvalið sem var í boði því meira
en þriðjungur svaraði „Annað“.
Skemmtilegasta borðspilið var
valið Scrabble en um fimmt-
ungur atkvæða féll því í skaut.
Spilin Monopoly, Kviss, Fimb-
ulfamb, Partners, Ticket to Ride
og Sequence voru í miðjumoði
með svipaðan fjölda atkvæða en
lestina ráku spilin Alias og Hint.
Í næstu viku er spurt:
Hvaða dýr værir þú til í að vera
í einn dag?
Vestlendingur
vikunnar
Tónlistarkonan Soffía Björg
Óðinsdóttir frá Einarsnesi í
Borgar firði byrjaði að syngja um
tvítugt en hefur nú skapað sér
nafn í tónlistarheiminum. Soffía
Björg er í viðtali í blaðinu í dag
og er Vestlendingur vikunnar að
þessu sinni.
Á fundi í umhverfis- og
landbúnaðar nefnd Borgarbyggðar
20. október síðastliðinn var áfram
fjallað um dýravelferðarmál og
framvindu þeirra mála í sveitarfé-
laginu sem fjallað hefur verið um í
fjölmiðlum frá því í sumar. Í bókun
nefndarinnar frá því í ágúst kom
fram að nefndin telur ferlið eins
og það er hjá Matvælastofnun í dag
vera of þungt í vöfum og telur mik-
ilvægt að verkferlar verði skoðaðir.
Á fundi umhverfis- og landbún-
aðarnefndar 20. okbtóber segir að
liðnar séu sex vikur frá því nefndin
fjallaði síðast um málið og á þeim
tíma hafa reglulega birst í fjöl-
miðlum fréttir af umræddu máli og
jafnvel myndir af hrossum sem eru
illa haldin og talið tvísýnt um að lifi
af veturinn. Fram hefur komið að
málið sé í ferli hjá MAST sem m.a.
gerði kröfu um að hrossunum yrði
hleypt út og að þau yrðu fóðruð
með heyi samhliða. Þá segir í bókun
nefndarinnar að samkvæmt fréttum
19. október sl. hafi 13 hross verið
felld vegna óviðunandi holdastigs
þeirra. Öðrum hrossum hafi verið
skilað til umráðamanns en vís-
bendingar eru um að enn sé nokkur
fjöldi hrossa í viðkvæmu ástandi og
skulu njóta sérstakrar umhirðu sbr.
tilkynningu á vef Matvælastofnunar
dags. 19. október 2022.
„Nefndin ítrekar að ferlar
sem MAST vinnur eftir, virðast
gefa mikið svigrúm fyrir búfjár-
eigendur, og telur nefndin að ekki
sé gengið nægjanlega hart fram
í að framfylgja þeim fyrirmælum
sem búfjáreigendum eru gefin í
málum sem þessum. Það er augljóst
að umfjöllun um slæma meðferð á
skepnum er til þess fallin að varpa
neikvæðu ljósi á íslenskan land-
búnað og sveitarfélagið Borgar-
byggð. Þá getur umfjöllun sem
þessi valdið talsverðum fjárhags-
legum skaða og skaðað ímynd lands
og þjóðar. Almenningur hefur veru-
legar áhyggjur af afdrifum þeirra
dýra sem búa við slíkar aðstæður,
auk þess sem verulegrar reiði gætir
í garð þeirrar eftirlitsstofnunar sem
sinnir þessum málum.“
Loks segir í bókun umhverfis-
og landbúnaðarnefndar Borgar-
byggðar: „Nefndin skorar á Mat-
vælaráðuneytið, Bændasamtök
Íslands og Landssamband hesta-
mannafélaga að beita sér í þessu
máli og öðrum málum er varða
dýravelferð. Nefnin felur deildar-
stjóra umhverfis- og framkvæmda-
mála að senda bókun nefndarinnar
á eftirfarandi aðila: Matvælaráðu-
neytið, Matvælastofnun, Bænda-
samtök Íslands, Landssamband
hestamannafélaga og til þingmanna
NV-kjördæmis.“
mm
Úrskurðarnefnd umhverfis- og
auðlindamála felldi á föstudaginn
úr gildi byggingarleyfi fyrir vænt-
anlega þangskurðarverksmðju
Asco Harvester við Nesveg 22a í
Stykkis hólmi, en leyfið var veitt 14.
október síðastliðinn. Fjórir aðilar
höfðu kært útgáfu byggingar-
leyfisins til úrskurðarnefndar-
innar. Nefndin telur að umrædd
bygging sé ekki í samræmi við gild-
andi aðalskipulag og að deiliskipu-
leggja hefði þurft svæðið áður
en byggingarleyfið var gefið út.
Byggir niðurstaða nefndarinnar á
því að í aðalskipulaginu sé gert ráð
fyrir deiliskipulagningu núverandi
hafnar- og athafnasvæða og á því
að á engan hátt sé fjallað um hinu
umdeildu byggingaráform í aðal-
skipulaginu.
Í frétt á heimasíðu Stykkishólms
og Helgafellssveitar um úrskurðinn
segir að lóðin við Nesveg 22a hafi
verið stofnuð árið 1979 og hafi þar
staðið steypustöð sem rifin var árið
2014. Hafi sveitarfélagið gengið út
frá því sem vísu að þinglýstur lóðar-
leigusamningur og lóðarblað, sem
unnið var fyrir gerð aðalskipulags-
ins, væri rétthærra en skipulagsskil-
málar í aðalskipulaginu enda hafi
steypustöðin verið í fullri starfsemi
þegar aðalskipulagið tók gildi. Enn-
fremur taldi sveitarfélagið að þar
sem um hafnsækna starfsemi væri
að ræða samræmdist það skilmálum
aðalskipulagsins fyrir hafnarsvæði
jafnvel þó lóðin falli að hluta til á
svæði sem skilgreint er sem opið
svæði í aðalskipulaginu. „Niður-
staða úrskurðarnefndarinnar kom
því sveitarfélaginu á óvart þar sem
þarna hafi verið atvinnulóð frá
1979,“ segir í frétt á heimasíðu
Stykkishólms og Helgafellssveitar.
Óvissa um aðrar lóðir
„Sveitarfélagið mun bregðast við
þessum úrskurði með viðeigandi
hætti. Sé enn fyrir hendi vilji og
áhugi til uppbyggingar á svæð-
inu af hálfu lóðarhafa, Asco Har-
vester ehf., í samræmi við kynnt
áform, mun það samkvæmt þessu
byggja á skilmálum sem settir verða
fram í deiliskipulagi fyrir svæðið.
Felur niðurstaða úrskurðarnefndar
jafnframt í sér ákveðna óvissu
með fyrirhugaða uppbyggingu á
nýúthlutuðum atvinnulóðum á
Hamraendum þar sem orðalag
aðalskipulagsins á jafnframt við um
það svæði og málsmeðferð sveitar-
félagsins vegna þeirra áforma
byggði einnig á 1. mgr. 44. gr.
skipulagslaga líkt og gert var í máli
Asco Harvester ehf. Deiliskipulag
á Hamraendasvæði er hins vegar í
vinnslu og skipulagslýsing verður
auglýst á næstu dögum. Sveitarfé-
lagið mun funda með lóðarhöfum
á Hamraendum á næstu dögum
vegna málsins.“
Endurskoðun
aðalskipulags
Loks segir í frétt sveitarfélags-
ins um úrskurðinn að í ljósi sam-
einingar Stykkishólmsbæjar og
Helgafellssveitar og gildissviðs
aðalskipulagsáætlana (2002-2022
í Stykkishólmsbæ og 2012-2024 í
Helgafellssveit) muni innan tíðar
hefjast vinna við endurskoðun aðal-
skipulags hins sameinaða sveitarfé-
lags þar sem settir verða nánari skil-
málar um framtíðarsvæði iðnaðar-,
hafnar- og athafnarsvæða.
mm
Úrskurðarnefnd ógilti
byggingarleyfi fyrir Nesveg 22a
Svipmynd frá Stykkishólmi frá því í haust. Ljósm. gj.
Fyrirhuguð Þörungavinnsla Asco Harvester við Nesveg. Grafík/Stykkishólmsbær
Skora á til þess bærar stofnanir að
beita sér harðar í dýravelferðarmálum
Hross. Myndin tengist umræddu máli ekki. Ljósm. FT.