Skessuhorn - 02.11.2022, Blaðsíða 18

MIÐVIKUDAGUR 2. NÓVEMBER 202218
Á föstudaginn hófst leikskólastarf í
nýja leikskólanum við Asparskóga
á Akranesi þegar elstu börnin voru
flutt í hluta nýbyggingarinnar en
lokið var við að ganga frá tveimur
deildum leikskólans og stórum hluta
leikskólalóðarinnar í síðustu viku.
Núverandi Garðasel er þriggja
deilda skóli en gert er ráð fyrir að
þegar flutt verði í nýja skólann, lík-
lega um og eftir áramótin, verði
hann sex deilda. Hluti skólans átti
að vera tilbúinn í haust en það gekk
ekki eftir. Búið var að innrita fleiri
börn en rými var fyrir í Garðaseli
og fékk leikskólinn að nýta húsnæði
skóladagvistar Brekkubæjarskóla á
Þekjunni á meðan beðið var eftir
að lokið yrði við hluta húsnæðisins.
Vel hefur tekist til með hönnun,
húsnæðið bjart og fallegt og er á
tveimur hæðum.
vaks
Hæstiréttur Íslands kvað í síðustu
viku upp dóm í máli sem Ingibjörg
Pálsdóttir í Fossatúni í Borgarfirði
áfrýjaði til réttarins frá Landsrétti,
en hún taldi að Veiðifélagi Grímsár
og Tunguár, sem hún á skyldu-
aðild að sem veiðiréttareigandi
við Grímsá, væri óheimilt að leigja
út veiðihús félagsins utan hefð-
bundins laxveiðitíma. Ingibjörg
er eigandi jarðarinnar Fossatúns í
Borgar byggð og jafnframt eigandi
hins áfrýjandans, Fossatúns ehf.
sem rekur ferðaþjónustu á jörðinni.
Jörðinni Fossatúni fylgir jafnframt
veiðiréttur í Grímsá. Taldi Ingi-
björg útleigu á húsinu ganga í ber-
högg við hennar eigin hagsmuni.
Hæstiréttur féllst í dómi sínum á
kröfu hennar og telur veiðifélaginu
óheimilt, „án samþykkis allra
félagsmanna sinna, að selja veiði-
húsið að Fossási í Borgarbyggð á
leigu til almenns gisti- og veitinga-
rekstrar utan skilgreinds veiði-
tímabils.“ Hæstiréttur snéri því
við dómum héraðsdóms og síðar
Landsréttar sem sýknað höfðu
veiðifélagið af kröfum Ingibjargar.
Varðandi áfrýjun Fossatúns ehf. á
dómi Landsréttar í sama máli segir
í dómi Hæstaréttar: „Hinn áfrýj-
aði dómur skal vera óraskaður um
sýknu stefnda af viðurkenningar-
kröfu áfrýjandans Fossatúns ehf.
Stefndi [veiðifélagið, innsk. blm.]
greiði áfrýjandanum Ingibjörgu
Pálsdóttur samtals 4.000.000 króna
í málskostnað á öllum dómstigum.
Áfrýjandinn Fossatún ehf. greiði
stefnda samtals 1.000.000 króna í
málskostnað á öllum dómstigum,“
segir í dómsorðum Hæstaréttar.
Þessa niðurstöðu fær dómurinn
fram þar sem lögaðilinn Fossatún
ehf. hefur ekki skylduaðild að veiði-
félaginu, heldur eigendur fyrirtæk-
isins. Benedikt Bogason hrl, einn
af fimm dómurum í réttinum, skil-
aði sératkvæði. Bendir hann meðal
annars á í áliti sínu að það sé hlut-
verk veiðifélags að nýta eignir þess
og ráðstafa þeim með sem arð-
bærustum hætti fyrir félagsmenn.
Alþingi snuprað
Þetta er í annað skipti sem
eigendur Fossatúns fara með mál
gegn veiðifélaginu fyrir öll dóm-
stig og þar á meðal Hæstarétt. Í
reifun réttarins nú segir m.a. að
ljóst er af athugasemdum með
frumvarpi því sem varð að lögum
nr. 50/2015 að dómur Hæstaréttar
í máli nr. 676/2013 var megin-
tilefni lagasetningarinnar. „Frum-
varpið var samið í atvinnuvega-
og nýsköpunarráðuneytinu í sam-
vinnu við Landssamband veiði-
félaga. Af athugasemdum með því
verður ráðið að fyrir frumvarps-
höfundum hafi vakað að tryggja að
veiðifélög gætu án samþykkis allra
félagsmanna nýtt eignir félags til
arðberandi starfsemi utan veiði-
tímabils en þó þannig að þær
væru nýttar til skyldrar starfsemi
eins og gerist á veiðitímabili.“ Þá
segir einnig í reifun dómsins: „Sé
löggjöf til þess fallin að takmarka
mannréttindi ber dómstólum að
meta hvort löggjafinn hafi gætt
sjónarmiða um meðalhóf, jafnræði
og skýrleika lagaheimilda. Jafn-
framt er það hlutverk dómstóla að
skýra löggjöf og beita henni í til-
teknu tilviki með þeim hætti sem
best samrýmist ákvæðum stjórnar-
skrár og eftir atvikum alþjóðlegum
skuldbindingum.“ Þannig má segja
að Hæstiréttur sé í dómi sínum
að snupra Alþingi fyrir lagasetn-
inguna frá árinu 2015 sem beinlínis
hafi verið samin í kjölfar fyrri dóms
þar sem eigendur Fossatúns unnu
málið gegn veiðifélaginu.
Nánar má lesa um dóminn á vef
Hæstaréttar, dómur nr. 20-2022.
mm
Elsta deildin flutt í nýja leikskólann við Asparskóga
Börnin virðast una sér vel á nýja staðnum.
Ingibjörg í Fossatúni vinnur mál gegn veiðifélagi sínu
Brátt verður allt tilbúið á skólalóðinni. Á efri hæðinni er verið að útbúa leiksvæði.
Börn á gamla Garðaseli komu í heimsókn á föstudaginn.Guðríður Sigurjónsdóttir deildarstjóri og Ingunn Sveinsdóttir leikskólastjóri.