Skessuhorn - 02.11.2022, Blaðsíða 23

MIÐVIKUDAGUR 2. NÓVEMBER 2022 23
Laugardaginn 5. nóvember verður
eitt fegursta verk tónbókmennt-
anna flutt í Hafbjargarhúsinu á
Breið á Akranesi. Það er verkið
Sálumessa (Requiem) eftir Gabriel
Fauré. „Alla kóra og alla kórstjóra
dreymir um að flytja þetta verk,“
segir Hilmar Örn Agnarsson org-
anisti og kórstjóri Akranes kirkju í
samtali við Skessuhorn. „Erlendis
er svo mikil hefð fyrir að nóvem-
ber sé mánuður dauðans, þegar
náttúran er deyjandi, laufin falla af
trjánum og myrkrið eykst. Þá spila
menn Sálumessu (Requiem) til að
komast í gegnum það tímabil og
allt í einu verður þá dauðinn eins
og vögguvísa, svo ljúfur,“ segir
Hilmar aðspurður um aðdraganda
þess að verkið er nú flutt á Akra-
nesi en Fauré samdi þetta verk fyrir
foreldra sína. Sjálfur sagði Fauré
sálumessu sína einkennast frá upp-
hafi til enda af trú á eilífa hvíld í
dauðanum, hann leit á dauðann
sem frelsun fremur en kvalarfulla
reynslu.
Hafbjargarhúsið er
miðalda dómkirka
Verkið verður flutt í Hafbjargar-
húsinu og segir Hilmar þann stað
ekki hafa orðið fyrir valinu að
ástæðulausu. „Þetta er svo hrátt
húsnæði, svona gömul fiskvinnsla
og með því að flytja verkið þar von-
umst við til að ná að tengja gamla
tímann, fiskinn á Akranesi og svona
hrátt umhverfi við svona fallega og
ljúfa stund. Hljómburðurinn í Haf-
bjargarhúsinu er líka alveg stór-
kostlegur, alveg eins og miðalda
dómkirkja og þess vegna erum við
þarna. Þetta er eina miðalda dóm-
kirkjan á Akranesi,“ segir Hilmar.
Elífðarglugginn
Verkið tekur um 45 mínútur í
flutningi og er undir stjórn Hilm-
ars, en hann var fyrr í haust ráð-
inn kórstjóri og organisti Akranes-
kirkju. „Ég ætla að koma með smá
reykelsi og sjá hvort að fiskifýlan
fari út úr húsinu,“ segir Hilmar
sposkur. „Við ætlum líka að kveikja
á mörgum kertum og reyna að fá
fólk til þess að upplifa flutning
verksins sem heilaga stund á svona
stað, í gamalli fiskvinnslu.“
Í Hafbjargarhúsinu er uppi
myndlistarsýning listakonunnar
Jaclyn Poucel og segir Hilmar lista-
verk hennar passa vel með flutn-
ingi Sálumessu. „Mér finnst mynd-
irnar hennar tala til eilífðarinnar
og svo er allt húsið hvítt þannig að
það er svolítið eins og við séum að
horfa inn í eilífðargluggann,“ segir
Hilmar og bætir við. „Nema fiski-
fýlan, hún heldur okkur á jörðinni,“
segir Hilmar og hlær.
Fólk mæti í góðri
yfirhöfn
Flytjendur verksins eru Kór Akra-
neskirkju ásamt einsöngvurunum
Jónu G. Kolbrúnardóttur sópran
og Hrólfi Sæmundssyni baritón
auk átta manna strengjasveitar.
Konsertmeistarinn Una Svein-
bjarnardóttir leikur á einleiksfiðlu,
Elísabet Waage leikur á hörpu og
Steingrímur Þórhallsson á orgel.
„Við tókum prufu í Hafbjargarhús-
inu um daginn og það kom mjög
vel út. Það var svo kalt að tónninn
var voða skýr og myndaði skemmti-
legt bergmál,“ segir Hilmar og
bætir við að reynt verði að kynda
húsið lítillega fyrir laugardaginn.
Þó vill hann hvetja fólk til að mæta
í góðri yfirhöfn.
Salurinn verður stólaður upp og
verða sæti fyrir 240 manns. Miða-
sala er við inngang og er aðgangs-
eyrir 3.500 krónur.
gbþ
„Þetta er verkið sem allir elska“
Rætt við Hilmar Örn organista og kórstjóra á Akranesi
ása

Einsöngvarar:
Jóna G. Kolbrúnardóttir sópran
og Hrólfur Sæmundsson bariton
Hljómsveit:
Einleiksfiðla og konsertmeistari: Una Sveinbjarnardóttir
Harpa: Elísabet Waage
Orgel: Steingrímur Þórhallsson
Stjórnandi: Hilmar Örn Agnarsson
Aðgangseyrir 3500 kr. Miðasala við innganginn
Samsett mynd af einsöngvurunum Jónu G. Kolbrúnardóttur sópran og Hrólfi
Sæmundssyni baritón.