AVS. Arkitektúr verktækni skipulag - 01.12.1998, Blaðsíða 57

Fil Ss«ff—• =£ 5?ssr' Mfe Landslogs- K=S". '
rAuU ÍS- SVlrn- tO arkitektar
Bæjargarður við Sigtún, deiliskipulagsuppdráttur.
opið rými í hjarta bæjarins. Því er reynt að nýta vel
þá kosti sem svæðið hefur upp á að bjóða og við
skipulag garðsins að halda opnum ýmsum
ófyrirséðum þróunarmöguleikum.
AÐKOMULEIÐIR
Lögð er áhersla á að tengja garðinn vel við um-
hverfi sitt með greiðum stígum og þá sérstaklega í
þeim tilgangi að gera garðinn að lifandi hluta af
miðbæ Selfoss. Lagt er til að opnuð verði göngu-
leið frá Tryggvatorgi inn í norðvesturhorn garðsins.
Milli Austurvegar 2 og 4 verður leið inn í norðaust-
urhorn garðsins. Jafnframt er gert ráð fyrir göngu-
leið frá Kirkjuvegi þvert yfir lóð Hafnar-Þríhyrnings
á milli íbúðarhússins Hafnartúns og athafna-
svæðis Hafnar-Þríhyrnings. Aðalaðkoma sunnan
frá er í suðausturhorni garðsins, norðan við gatna-
mót Sigtúns og Sunnuvegar, en jafnframt er opin
leið milli lóða nr. 5 og 9 við Sunnuveg.
Þessar aðalaðkomuleiðir leggja línur fyrir „beina-
grind“ garðsins.
SKIPULAGSTILLAGA
Lagt er til að í fyrstu verði lögð áhersla á gróður-
setningu trjá- og runnagróðurs á jöðrum svæðis-
ins, í þeim tilgangi að skapa rólega og hlýlega
umgjörð og jafnframt að minnka ónæði fyrir að-
liggjandi íbúðarbyggð. Jafnframt er mikilvægt að
hefja ræktun trjágróðurs í norðurhluta svæðisins til
skjólmyndunar. Þar með myndast umgjörð um
heppilega stórt opið rými sem nýst getur jafnt við
hátíðleg sem hversdagsleg tækifæri. Tekið er mið
af stefnu Ölfusárbrúar við formun garðsins og eru
þá hafðir í huga þeir möguleikar sem felast í teng-
ingu svæðisins við Tryggvatorg, þegar kemur að
enduruppbyggingu á Hafnar-lóðinni. Sú stefna
hentar jafnframt vel fyrir legu stígs úr norðvestur-
horni garðsins í suðausturhornið.
í norðurenda garðsins er komið inn í dvalar- og
leik- og skrúðgarð, þar sem áhersla er lögð á að
skapa skjólgóðan og notalegan dvalarstað, þar
sem njóta má gróðurs og dvelja við leik í skjóli frá
erli umferðargötunnar. Gert er ráð fyrir litlu þjónus-
tuhúsi í norðurhluta skrúðgarðsins. Aðalstígur
garðsins liggur á ská gegnum garðinn með stefnu
brúarinnar, milli aðkomutorgs í suðausturhorni og
lítils torgs þar sem helstu aðkomuleiðir mætast.
Austan við aðalstíginn er byggt upp hólalandslag
til aðskilnaðar frá íbúðargötunni Sigtúni. í hólana
innanverða eru mótaðir óhorfendastallar fyrir
minni háttar uppákomur og dvalarstaður með
hlöðnum grjótveggjum þar sunnan við.
15 bílastæðum er komið fyrir í suðausturhorni
garðsins og snúningshaus er komið í norðurenda
syðri hluta Sigtúns. Jafnframt er gert ráð fyrir að
gangstétt verði gerð á vesturkanti Sigtúns norðan
55