Harmonikublaðið - 15.09.2020, Page 20

ÞA GÖMLU GOÐU
\Krx?
Að þessu sinni gluggum við í 1. tölublað 3. árgangs af Harmonikunni.
Þar má lesa um afrek harmonikuliðsins í Þórshöfn í Færeyjum ásamt
ýmsu fleiru sem kemur þarna fram. Það liðu hins vegar 16 ár þangað
til Harmonikufélag Þórshafnar tók þátt í landsmótinu á Neskaupsstað.
Birt með góðfúslegu leyfi Hilmars og Þorsteins Rúnars.
Frá
Færeyjum
Harmonikuliðið frá Torshavn
hefur gert það gott í sumar. Þeir fóru
til Danmerkur og tóku þátt í stærsta
harmoníkumóti Dana sem var haldið
í Bindslev í Hirtshals dagana 29.-30.
og 31. júlí s.l. Frá Færeyjum fóru þeir
með m/s Winston Churchill og á leið-
inni út var efnt til einskonar hæfi-
leikakeppni meðal farþega og varð
Harmonikuliðið í fyrsta sæti. Það var
dálítill kvíði í mönnum því þetta var
fyrsta ferð þeirra til að taka þátt í har-
monikumóti og var því gott fyrir
sjálfstraustið að vinna keppnina um
borð í skipinu. Það var tekið vel á
móti þeim í Danmörku og eftir að þeir
höfðu leikið fyrsta lagið þá hvarf
þeim allur kvíði þvi þeim var þakkað
með dynjandi lófaklappi. Voru það
ekki síst færeysku lögin „Vágagellan"
og „Rasmus“ sem hlutu góðar við-
tökur.
Dagskráin var afar fjölbreytt og
skemmtileg sagði Kristin Gærdbo for-
maður Harmonikuliðsins. Við spiluð-
um á tónleikum á daginn og fyrir
dansi um kvöldið ásamt 700 öðrum
harmoníkuleikurum. Eins og venjan
er á svona mótum þá selja allir plötur
og snældur sem þeir hafa gefið út.
Færeyingarnir höfðu sig lítið í frammi
og var það ekki fyrr en síðasta daginn
að þeir tóku sig virkilega á og seldu
allar snældur sem þeir höfðu með-
ferðis á skömmum tíma. Dönsk blöð
og svæðisútvarpið gerðu mótinu góð
skil og var Harmonikuliðið á hverjum
degi í svæðisútvarpinu meðan á mót-
inu stóð.
En Harmonikuliðið fór víðar og
þegar færeyska ferjan Norröna fór
síðustu ferðina á þessu ári milli Fær-
eyja og íslands, þá voru þeir fengnir til
að spila fyrir dansi og skemmta far-
þegum á leiðinni. Vonandi eiga þeir
eftir að koma aftur til íslands svo að
íslenskir harmoníkuunnendur fái
tækifæri til að kynnast þeim.
Þ.Þ.
20