Þingtíðindi Alþýðusambands Íslands ... - 23.11.1952, Qupperneq 42

hverjum tíma við því verði, sem reiknað er með í
vísitölu framfærslukostnaðar.
4. Að lækkaðir verði til muna tollar á nauðsynjavör-
um og söluskatturinn afnuminn.
5. Að persónufrádráttur verði hækkaður til muna og
skattur af lágum tekjum lækkaður jafnframt því sem
komið væri á strangara eftirliti með skattframtöl-
um þeirra, er sjálfstæða atvinnu stunda.
FRÁ SJÁVARÚTVEGS- OG SJÓMANNA-
KJARANEFND.
Þingið lýsir ánægju sinni yfir stækkun landhelginnar
og telur að með henni hafi verið stórt spor stigið til efl-
ingar eins mesta hagsmunamáls íslenzks sjávarútvegs
og þjóðarheildarinnar, og að áfram beri að vinna að
því að höfuðtakmarkinu verði náð, þ. e. óskoraður
réttur Islendinga yfir öllu landgrunninu.
Jafnframt því að þingið lýsir ánægju sinni yfir
stækkun landhelginnar, átelur það, hversu landhelgis-
gæzlan virðist nú vera með öllu ófullnægjandi og
skorar á yfirstjórn landhelgisgæzlunnar að koma þess-
um málum í sem fullkomnast horf.
Þingið telur sjálfsagt:
Að haldið verði stöðugt áfram að endurnýja skipa-
stól landsins og þá sérstaklega með nýbyggingu skipa
innanlands. Til að gera það mögulegt verði sett lög um
að stofnlánadeild sjávarútvegsins haldi áfram að veita
lán með sömu lánskjörum og áður, til skipabygginga
og verði deildinni séð fyrir nægilegu fé til að fullnægja
þörfum landsmanna í þessu efni. Verði kappkostað að
byggja á fenginni reynslu síðustu ára, um stærð og
40