Þingtíðindi Alþýðusambands Íslands ... - 23.11.1952, Blaðsíða 53

ályktunartillögu Emils Jónssonar, sem nú liggur fyrir
þinginu um afnám tolla á hráefnum til iðnaðarins og
stighækkandi tolla á innfluttum iðnaðarvörum eftir því
sem þær eru meira unnar.
8. Um innflutning iðnaðarvara.
Þingið telur að hlúa beri að innlendum iðnaði og
veita honum allt það brautargengi sem unnt er. Það
átelur skefjalausan innflutning iðnaðarvara, sem full-
vinna má í landinu cg eru að gæðum og verði sambæri-
legar þeim iðnaðarvörum, er inn eru fluttar.
9. Um afnám söluskatts af iðnaðarvörum.
23. þing A. S. I. skorar á alþingi:
1. Að bannaður verði með öllu innflutningur á sams-
konar eða svipuðum iðnaðarvörum, sem íslenzkar
verksmiðjur eða vinnustofur geta framleitt handa
landsmönnum og svarað geta fullkomlega eftirspurn.
2. Innflutningur á hráefnum til iðnaðarframleiðslunnar
verði gefinn frjáls.
3. Söluskattur verði afnuminn.
10. Um framkvæmd iðnfræðslulaganna.
23. þing A. S. í. lýsir óánægju sinni á hinni slælegu
framkvæmd iðnfræðslulaganna og bendir í því sam-
bandi á, að enn hefur ekki verið komið á fullkominni
framkvæmd laganna um eftirlit með verklegu námi.
Enn hefur ekki heldur verið komið á leiðbeiningar-
starfi um stöðuval, né heldur hæfnisprófi, svo sem lögin
kveða á um. Fyrir því krefst þingið að iðnfræðsluráð
láti nú þegar lögin koma til framkvæmda.
51