Þingtíðindi Alþýðusambands Íslands ... - 23.11.1952, Blaðsíða 56

húsum, fiskimjöls- og síldarverksmiðjum, þó sé þess
gætt að þeir menn sem nú þegar eru í þessum störfum
missi ekki rétt sinn til vélgæzlustarfa.
e) 23. þing A. S. í. skorar á alþingi það, sem nú situr,
að samþykkja framkomið frumvarp til laga um mæðra-
laun.
f) Þingið lýsir yfir því, að það er andvígt breytingum
þeim, sem gerðar voru á tryggingarlöggjöfinni á sínum
tíma, um það að allar mæður skuli missa rétt til
greiðslu barnsmeðlaga 3 árum eftir að þær giftast aftur,
svo og um það að lækka rétt til fæðingarstyrks, eins
og þar var gert og skorar á alþingi að fella niður 7.
og 10. gr. laga nr. 51, 1951, sem eru um þetta efni.
Þingið lítur svo á, að óréttlátt sé, að hjón hafi hvort
fyrir sig lægri ellilífeyri en einstaklingar. Sérstaklega
telur fundurinn þetta óréttlátt, þegar annað eða bæði
hjónanna dvelja á sjúkrahúsi eða elliheimili.
í 23. gr. laga nr. 51, 1951 er svo ákveðið, að Trygg-
ingastofnun ríkisins geri fyrir lok ársins 1952 athugun
á vinnugetu öryrkja og tillögur um ráðstafanir til þess
að starfskraftar slíkra öryrkja geti komið þeim sjálfum
og þjóðfélaginu að sem mestum notum. Vekur þingið
athygli á þessu ákvæði og væntir þess, að árangur
þeirra athugana og tillagna, sem þar er gert ráð fyrir,
komi sem fyrst í ljós.
Þingið lítur svo á, að ranglátt sé, að giftar konur, sem
vinna á heimilum sínum, njóti ekki sama réttar til
sjúkrabóta og aðrir þjóðfélagsþegnar, sem vinnu stunda.
Þingið telur dánarbætur vegna dauðaslysa allt of
54