Þingtíðindi Alþýðusambands Íslands ... - 23.11.1952, Side 51

á fullum skilningi þess, að alþýða til sjávar og sveita
á fullkomna samstöðu en eru ekki tveir öndverðir
aðilar.
FRÁ IÐNAÐARMÁLANEFND.
1. Um að iðnaðarmálalöggjöfin sé haldin og að gleggri
verkaskiptingu verði komið á.
23. þing A. S. í. skorar á ríkisstjórn og forráðamenn
bæjar- og sveitafélaga að vinna að því í hvívetna og af
meiri röggsemi en verið hefur til þessa, að núgildandi
iðnaðarlöggjöf landsins sé framkvæmd í öllum greinum.
Ennfremur beinir þingið þeim eindregnum tilmælum
til væntanlegrar sambandsstjórnar, að vinna að því að
koma á sem gleggstri verkaskiptingu hinna ýmsu stéttar-
félaga alþýðusamtakanna, og forðast þar með hættu-
lega árekstra og afleiðingar þeirra.
2. Um auknar byggingaframkvæmdir.
Vegna hins geigvænlega atvinnuleysis í byggingar-
iðnaðinum og þess alvarlega ástands í húsnæðismálum
bæja og kauptúna landsins, skorar 23. þing A. S. I. á
alþingi það er nú situr að veita:
1. Aukið framlag til verkamannabústaða.
2. Hagkvæm lán til þeirra húsabygginga, sem þegar
hafa stöðvazt vegna lánsfjárskorts.
3. Fé til aukinna byggingarframkvæmda, sem að lok-
inni rannsókn teldust fyrst leysa húsnæðisvandræðin
t. d. fjölbýlisbyggingar. (Þ. e. 3—4 hæða hús með
30—40 íbúðum.)
49