Þingtíðindi Alþýðusambands Íslands ... - 13.11.2000, Síða 14

ar, til að ræða og afgreiða frumvarp að nýjum lögum fyrir heildarsamtök ís-
lensks launafólks sem eiga að verða eitt af helstu hreyfiöflum samfélagsins í
framtíðinni.
„NÝTT AFL - NÝIR TÍMAR“ vísar til þeirrar miklu gerjunar og endur-
nýjunar sem hefur verið að eiga sér stað innan verkalýðshreyfingarinnar á und-
anförnum árum og er raunar stöðugt í gangi. Þar má nefna öldu sameiningar
stéttarfélaga, stofnun nýrra landssambanda, sameiginlegar þjónustuskrifstofur
stéttarfélaga, hugsanlega aðild fleiri félaga að Alþýðusambandinu og svo
framvegis. Allt er þetta svar virkra félaga við nýjum kröfum félagsmanna.
„NÝTT AFL - NÝIR TÍMAR“ vísar til þeirra breytinga á öllu starfsum-
hverfi verkalýðshreyfingar sem verða stöðugt hraðari. Það er sama hvort litið
er til stöðunnar hér innanlands eða á alþjóðavettvangi. Atvinnulífið tekur sí-
felldum breytingum og nýjar starfs- og atvinnugreinar verða til á meðan aðrar
hverfa. Eignarhald atvinnutækja breytist og atvinnurekendur hafa þjappað sér
saman í ný heildarsamtök. Þörf fyrir menntun og sérhæfingu eykst. Félags-
menn stéttarfélaga gera auknar kröfur um faglegt starf og þjónustu. Þá ráðast
kjör og aðstæður í æ ríkara mæli af því sem gerist í hinu alþjóðlega efnahags-
og atvinnulífi. Virk þátttaka í alþjóðastarfi verður því stöðugt mikilvægari fyr-
ir verkalýðshreyfinguna.
„NÝTT AFL - NÝIR TÍMAR" vísar til þess að við viljum efla samstöðu
heildarsamtaka launafólks.
„NÝTT AFL - NÝIR TÍMAR" er jafnframt ákall til launafólks urn að taka
þátt í að móta þetta afl og hafa þannig áhrif á það hvernig framtíðin verður.
„NÝTT AFL - NÝIR TÍMAR“ vísar umfram allt til þess vilja og ásetnings
Alþýðusambands Islands að vera virkur þátttakandi í mótun samfélagsins,
bæði innanlands og á alþjóðavettvangi.
„NÝTT AFL - NÝIR TÍMAR“ lýsir framtíðarsýn 39. þings Alþýðusam-
bands Islands um öflug heildarsamtök alls launafólks á Islandi og styrka stöðu
hinnar alþjóðlegu verkalýðshreyfingar. Það er svo sameiginlegt verkefni okk-
ar allra að leita leiða til að láta þessa framtíðarsýn rætast. Skilaboðin frá þessu
þingi Alþýðusambandsins eiga að vera skilaboð um samstöðu og eindreginn
vilja til að byggja upp framtíðarsamfélag þar sem hagsmunir launafólks eru
hafðir að leiðarljósi.
Ég segi 39. þing Alþýðusambands íslands sett.
12