Þingtíðindi Alþýðusambands Íslands ... - 13.11.2000, Page 66

arfulltrúa en félagið ætti rétt á, þó aldrei færri en helmings þeirra. Atkvæða-
vægi allra fulltrúa hvers félags skyldi vera jafnt.
Astráður sagði að mörgum væri eftirsjá í þingum ASI og vildu einhvers
konar félagslegan vettvang í stað þeirra. Rætt hefði verið um málefnaþing
fjórða eða fimmta hvert ár. Slík þing yrðu haldin samkvæmt ákvörðun ársfund-
ar.
Hann benti á að yrði frumvarpið að lögum, yrði miðstjórn fámennari og
valdameiri, líkari framkvæmdastjórn (33. gr.). Helmingur miðstjórnar yrði
kjörinn til tveggja ára á ársfundi. Annað árið yrði kosinn forseti og sex fulltrú-
ar, hitt árið varaforseti og sjö fulltrúar. Það ætti að tryggja miðstjórn ótvírætt
umboð, færi gæfist til örari breytinga og endurnýjun umboðs.
Til fyllingar lögum væri gert ráð fyrir reglugerðum settum af ársfundi sem
ættu að tryggja festu og gegnsæi. Gert væri ráð fyrir sama en þó einfaldara
skattkerfi, afnámi sérreglna og einu grunngjaldi. Miðað væri við að skatttekj-
ur yrðu óbreyttar. Skattkerfið yrði í lögum sambandsins. Tvær andstæðar leið-
ir hefðu verið lagðar til: Annars vegar hreinn nefskattur og hins vegar hreinn
hlutfallsskattur. Frumvarpið gerði ráð fyrir að farið yrði bil beggja.
Frumvarpið gerði ráð fyrir að starfsemin hvíli á tveimur stoðum: Fyrsta
stoð væri lög ASI og reglugerðir. Önnur stoð væri samstarfssamningurinn
Astráður sagði að fjöldaaðild væri minni í nýjum atvinnugreinum og það
væri visst feigðarmerki, en nýtt skipulag gæti tekið á þessu. Hann vísaði í til-
lögu að samstarfssamningi sem dreift var meðal þingfulltrúa og benti á að text-
inn væri aðeins tillaga, niðurstaðan væri samningsatriði. Hann sagði að með
samstarfssamningsleiðinni væri verið að skapa nýjan samstarfsgrundvöll fyrir
aðildarfélögin. Ef frumvarpið yrði að lögum, yrði eitt meginverkefnið inn á við
að koma á samstarfssamningi og laða fram samningaviðræður. Efni bæklings-
ins væri því ekki til umræðu, aðeins hvort gera ætti samstarfssamning. Tækist
hins vegar ekki að koma á samstarfssamningi væri ljóst að fljótlega yrði að
taka upp í lög ASI ákvæði í stað þeirra sem ættu að vera í slíkum samningi.
Fram kom hjá Astráði að samstarfssamningur gerir ráð fyrir nýjum vinnu-
brögðum, hann fæli í sér skyldu til tvíhliða samninga ef fram kæmi skörun.
Markmiðið væri að stéttarfélögin ákvæðu skipulag sitt, ekki atvinnurekendur
og að meðferð ágreiningsmála færu að samstarfssamningi. Það væri fátt sem
takmarkaði það hvað hægt væri að vinna gegnum slíkan samning og lagði
hann áherslu á að samningurinn væri ferli frekar en niðurstaða - mikilvægur
möguleiki til að virkja samtakamátt sambandsins.
Ef frumvarpið yrði að lögum ætti að vera hægt að nota þau til að leysa úr
málum, heildstæð lög í innbyrðis samhengi og í takt við samstarfssamninginn.
Lögin og samstarfssamningurinn ættu að stuðla að því að meginmarkið ASI
64