Þingtíðindi Alþýðusambands Íslands ... - 13.11.2000, Síða 104

konar samningsmöguleikar fyrir evrópsk starfsgreinasamtök. Mörg aðildar-
samtaka ASI eiga aðild að Evrópusamtökum og því möguleika á aðild að slík-
um samningum.
Þrátt fyrir ágæti EES-samningsins er hann greinilega orðinn mun veikari
en áður var. Aherslur ESB hafa færst í aðrar áttir og þekking stjórnmála- og
embættismanna innan ESB á samningnum hefur minnkað mikið. Því er orðið
sífellt erfiðara fyrir EFTA-ríkin að ná fram þeim réttindum sem samningurinn
gefur. Það gildir einnig um vinnumarkaðinn. EES-samningurinn hefur skipt
miklu máli fyrir íslenskt atvinnulíf og miklu skiptir að veikari staða hans hafi
ekki neikvæð áhrif á atvinnulíf hér á landi, t.d. að fyrirtæki flytji héðan til þess
að komast betur inn á innri markaðinn. I þessu sambandi má ekki gleyma
áhrifum nýju evrópsku myntarinnar sem kann að valda því að fyrirtæki færi sig
inn á evrusvæðið.
I skýrslu utanríkisráðherra sem lögð var fram vorið 2000 er fjallað ítarlega
um stöðu EES-samningsins. Segja má að þar komi fram sambærilegar áhyggj-
ur um stöðu hans og verið hafa uppi innan ASI. Þátttaka Islands sem fullvalda
þjóðar í ákvarðanatöku á vettvangi EES hefur aldrei verið mikil vegna þess að
við höfum orðið að yfirtaka þá löggjöf sem ákveðin er af öðrum. Veikari EES-
samningur og þar með lakari kjör fyrir okkur hljóta að kalla á spumingar um
hvernig að haga eigi viðbrögðum.
Nokkur umræða hefur verið um möguleika á því að Island geri tvíhliða
samning við ESB í stað EES-samningsins. ASI leggst alfarið gegn slíkum hug-
myndum og telur þær óraunhæfar. Hugmyndir af þessu tagi byggjast á því að
Evrópusamstarfið snúist einungis um viðskipti. Að mati ASÍ snýst Evrópu-
samstarfið um nær allt okkar þjóðlíf. Þar má nefna málaflokka eins og félags-
og vinnumarkaðsmál, neytendamál, menntamál, rannsóknir og þróun auk um-
hverfismála sem yrðu útundan í tvíhliða viðskiptasamningi. Það er augljóst að
samtök eins og ASI hafa fengið betri sess en ella í Evrópusamstarfinu vegna
aðildar Islands að EES. Afturhvarf til tvíhliða samnings yrði stórt skref aftur á
bak í Evrópusamstarfinu hvað áhrif ASI varðar.
Menntamál
Mikilvægi þekkingar eykst stöðugt; fyrir einstaklinga - fyrirtæki og samfélag-
ið - þekkingarsamfélagið. Uppbygging þekkingar eykur hæfni einstaklinga á
vinnumarkaði og nýtist þannig þeim, atvinnulífinu og samfélaginu öllu.
Menntun í atvinnulífinu er því sameiginlegt hagsmunamál og viðfangsefni
samtaka launafólks og atvinnurekenda. Þar hafa stjómvöld einnig skyldum að
gegna.
Bætt menntun hefur að markmiði að veita einstaklingnum lífsfyllingu, efla
102