Framkvæmdafréttir Vegagerðarinnar - 10.03.2021, Blaðsíða 24

24 Framkvæmdafréttir nr. 710
2. tbl. 29. árg.
↑
Eins og margir starfsmenn
Vegagerðarinnar er Jóhann líka
í björgunarsveit. Hér er hann í
hálendisvaktinni.
Ekkert sem heitir hefð-
bundinn dagur á sumrin
Hvað hefur þú unnið lengi hjá Vegagerðinni? Ég
byrjaði hjá Vegagerðinni mánudaginn 1. apríl 2019.
Hvað gerðir þú áður en þú komst til Vega-
gerðarinnar? Ég var hjá Malbikun Akureyrar áður en
ég kom til Vegagerðarinnar. Mest af mínum ferli tengist
vegagerð á einn eða annan hátt og ekki síst malbikun.
Í hverju felst starfið þitt? Starfið er má segja
tvíþætt. Ég er í slitlagaskoðun sem fer mest fram á
sumrin og skráningu á ástandi slitlaga. Hins vegar er
ég í úrvinnslu gagna, skráningu og áætlanagerð.
Hvernig er hefðbundinn vinnudagur? Yfir
sumartímann er ekki hægt að tala um hefðbundinn
vinnudag þar sem allir dagar eru einhverstaðar úti á
landi. Veðrið á töluverðan þátt í hvað hægt er að skoða
og hvar. Yfir vetrartímann er það skrifborðið og tölvan.
Og núna í covid er pínu afstætt hvar skrifborð og tölva
eru staðsett.
Hvað er skemmtilegast? Hér er af mörgu að
taka enda frábær vinnustaður, verkefnin skemmtileg
svo við tölum nú ekki um vinnufélagana. Ekki má
gleyma því að á sumrin erum við að keyra um landið og
um leið og við skoðum slitlög skoðum við landið.
Hvað er mest krefjandi við vinnuna? Um leið og
verkefnin sem ég er með hætta að vera krefjandi þá
þarf ég að skoða málin. Ef ég ætti að taka eitthvað
út fyrir sviga þá kemur fljótt upp í hugann að þurfa
að vera á 15 til 20 km hraða á þjóðvegi 1 yfir mesta
ferðamannatímann. Þá er gott að vera með hugann við
vinnuna.
Hvað gerir þú fyrir utan vinnu? Vera úti að
hreyfa sig eitthvað, labba eða hjóla. Svo er ég í
björgunarsveit en þar er útivera er ríkur þáttur og þar
erum við með allskonar tól og tæki til að fara á fjöll og
hálendi jafnt sumar sem vetur. Svo sleppir maður ekki
góðu brasi ef það er í boði.
Vegagerðin í nærmynd
Yfir 300 manns starfa hjá Vegagerðinni og störfin eru bæði fjölmörg og fjölbreytt á láði, legi og í lofti.
Í þessum greinaflokki verður skyggnst inn í hin ólíku störf sem unnin eru hjá stofnuninni.
Jóhann Jóhannsson er eftirlitsmaður á
framkvæmdadeild Vegagerðarinnar á Akureyri.