Ský - 01.06.1997, Qupperneq 8

Liggur í loftinu
Mið-
nætur-
steik
Einar Ben er íslenskur staður
„Þetta er íslenskur staður sem er skemmtileg samsetning af bar og matsölu-
stað,“ segir Viktor Sveinsson, vert á veitingastaðnum Einari Ben sem opnaði á
dögunum við Ingólfstorg, aðspurður um hvað staðurinn hafi fram yfir aðra mat-
sölustaði í bænum. Viktor rökstyður þetta nánar. „íslenskur, segi ég, því að við
viljum leggja áherslu á að hér er byggt á íslenskum hefðum sem ekki er algengt á
veitingastöðum hérlendis, en þeir bjóða til dæmis margir hverjir upp á ítalska mat-
argerðarlist. En þetta er staður eins og ísland er í dag. Hér er enginn úldinn matur í
trogum.“
Viktor segist vilja kenna matseldina á Einari Ben við Hótel Búðir og Rúnar
Marvinsson. Áhersla sé lögð á holla og létta rétti þar sem alls kyns fiskur er í há-
vegum hafður.
„Annað sem við höfum umfram aðra staði er það að hér reiðum við fram mat
fram eftir nóttu. Þú getur til dæmis komið um miðnætti og pantað þér steik,“ segir
Viktor.
Einar Ben er opinn öll kvöld vikunnar nema mánudaga. Virka daga til klukkan eitt eftir miðnœtti,
um helgar til klukkan þrjú.
Hlaupið milli
Landmannalauga
og Þórsmerkur
Fjórar dagleiðir á einum degi
Þann 26. júlí gengst Reykjavíkur-
maraþon fyrir svokölluðu
ultramaraþoni á einni vinsælustu
gönguleið landsins „Laugaveginum", það
er að segja hinni 55 kílómetra löngu leið
milli Landmannalauga og Þórsmerkur.
Laugavegurinn hefur reyndar verið
hlaupinn af og til undanfarin ár í óopin-
berri keppni og á Sveinn Ernstsson,
bróðir hlaupadrottningarinnar Mörtu
Ernstsdóttur, besta tímann á vegalengd-
inni, 6,28 klukkustundir. Laugavegurinn
er yfirleitt genginn á þremur til fjórum
dögum þannig að auðvelt er að ímynda
sér hversu mikil mannraun þetta hlaup er.
Hlaupið verður frá Landmannalaugum
til Þórsmerkur. Stikaður stígur er alla
leiðina, yfir snjó og vatnsföll, upp og nið-
ur brattar skriður og um háhitasvæði.
Fyrsti hlutinn, frá Landmannalaugum í
Hrafntinnusker, er sá erfiðasti. Loftlína
þar á milli er 10 kílómetrar, lóðrétt hækk-
un um 500 metrar og fara þarf um hálfan
kílómetra á snjó og ís á þessum kafla.
Reykjavíkurmaraþon er með mikinn
viðbúnað vegna hlaupsins. Drykkjar-
stöðvar verða með um 10 kílómetra milli-
bili og sjúkravakt. Þeir hlauparar sem
koma að skála Ferðafélagsins í Emstrum
eftir átta klukkustunda hlaup eða meira
eru skyldugir til að hætta keppni og
verða keyrðir þaðan í Þórsmörk.
Frekari upplýsingar um hlaupið fást á skrifstofu
Reykjavíkurmaraþons í síma 588 3399.
Leikhús
Undanfarin sumur hafa söngleikir, eða sýn-
ingar þar sem tónlist hefur spilað stórt hlut-
verk, notið mikilla vinsælda. Segja má að
gríðarlega vinsæl uppsetning Flugfélagsins
Lofts á Hárinu 1994 hafi brotið ísinn fyrir
þessar sumarsýningar. í kjölfarið fylgdu
Jesús Kristur Súperstjarna og Rocky Horror
Show, sem voru meðal mest sóttu leiksýn-
inga ársins 1995, og í fyrra var leikritið Stone
Free eftir Jim Cartwright í uppfærslu ís-
lenska leikhússins vinsælasta sýning ársins.
( sumar verða svo tvö stykki sett á svið fyrir
þennan nýja sumarmarkað leikhúsanna.
Pé-leikhópurinn ríður á vaðið með uppsetn-
ingu á hinum góðkunna Andrew Loyd
Webber-söngleik, Evitu, í Óperunní. Þar
heldur Andrés Sigurvinsson um leikstjóra-
taumana, en meðal þátttakenda í sýning-
unni eru sjóaðir popparar eins og Andrea
Gylfadóttir, Egill Ólafsson og Björgvin Hall-
dórsson. Þetta á að vera nokkuð öruggt
kassastykki.
íslenska leikhúsið verður aftur á ferðinni í
sumar en með töluvert öðruvísi sýningu en
hina mannmörgu Stone Free sem gamlir
dægurlagaslagarar héldu fyrst og fremst
saman. Að þessu sinni eru leikararnir aðeins
fjórir og tónlistin er í aukahlutverki. Leikritið
heitir Veðmálið og fjallar um hin sígildu minni
ást, vináttu og afbrýði.
Höfundur þess er Mark Medoff sem er sjálf-
sagt best þekktur fyrir leikrit sín, Hvenær
kemur þú aftur, rauðhærði riddari? og Guð
gaf mér eyra (eftir því var gerð Óskarsverð-
launamyndin Children of a lesser God).
Það er ekki amalegur leikhópur sem kemur
fram í Veðmálinu, en það eru þau Baltasar
Kormákur, Margrét Vilhjálmsdóttir, Benedikt
Erlingsson og Kjartan Guðjónsson sem fara
með hlutverk vinanna sem leikritið snýst um.
Eins og í fyrri uppsetningu íslenska leikhúss-
ins, Stone Free, er það Magnús Geir Þórð-
arson sem leikstýrir. Veðmálið verður frum-
sýnt um miðjan júlí.
6