Ský - 01.06.1997, Blaðsíða 27

íS TF-AUK
Fokker 50 í litum Flugfélags íslands. Myndin er unnin í tölvu, en stefnt er að því að allar flugvélar félagsins verði komnar í rétta liti fyrir áramót.
verulega. Að sögn Páls eru þessar
breytingar fyrst og fremst ástæða þess
að flugfélögin ákváðu að sameinast.
„Þegar viðræður hófust við forráða-
menn Flugfélags Norðurlands kom í
ljós að þeir stóðu frammi fyrir erfiðri
ákvörðunartöku um það hvernig þeir
myndu snúa sér í þessu breytta um-
hverfi. Annars vegar var um að ræða
að taka þátt í samkeppninni, en það
hefði kallað á verulegar fjárfestingar í
stærri og dýrari vélum sem þeir álitu
ekki vænlegan kost, og hins vegar að
sameinast. Þegar menn settust niður og
skoðuðu sameiginlega hagsmuni í einu
félagi, það er aukna möguleika á
leiguflugi og tilkomu minni véla með
FLUGFÉLAG ÍSLANDS
Air Iceland
Fokkerunum, lá fyrir að slfkt félag yrði
sveigjanlegri eining en félögin hvort í
sínu lagi; eining sem gæti brugðist við
þeim breytingum sem eru að verða á
markaðinum."
Páll bendir á að slíkur sveigjanleiki
sé sérstaklega mikilvægur í væntan-
legri samkeppni í innanlandsflug-
rekstri sem sé mjög ólíkur millilanda-
flugi.
„Tilfærslur vegna veðurs eru mun
algengari í innanlandsfluginu, ferðir
falla niður heilu og hálfu dagana og þá
þarf að keyra allt af stað, redda hlutun-
um og koma áætlunum aftur í réttar
skorður.“
Blandaður flugfloti
Aætlunarflug innanlands hefur nán-
ast alla tíð verið ákaflega óarðbær at-
vinnurekstur, en Páll er bjartsýnn á
framtíðina.
25