Ský - 01.06.1997, Qupperneq 14

Ferðalög
X
Ferðalangur íslands
nr. 1 er án efa
Ómar Ragnarsson.
Ómar hefur verið
óþreytandi við að §
kynna sjónvarps- f
áhorfendum fallega |
og merkilega staði |
um allt land. Ekki er '3
ofsögum sagt að
hann hafi séð hvern
blett á landinu að
minnsta kosti tvisvar.
Sigurður Örn Ágústs-
son fékk Ómar
til þess að mæla með
einum stað í hverjum
fjórðungi sem
sérhver íslendingur
ætti að skoða.
Vestfirðir - Hornvík
„Hornvík er milli Hornbjargs og Hæla-
víkurbjargs. Þar er hægt að ganga upp á
tvö stærstu fuglabjörg í Evrópu sitt
hvorum megin. Hornvík er minn uppá-
haldsstaður fyrir vestan, fuglabjörgin
tvö og hrikaleg náttúrufegurðin. Ég er
um klukkustund að fljúga frá Reykjavík
til Hornvíkur og er þá kominn í annan
heim, burt frá öllu. Umvafinn náttúru-
fegurð og fuglamergð.“
Benda má á að í Gerplu Laxness þar
sem segir skemmtilega frá graðhvanna-
tínslu þeirra fóstbræðra Þorgeirs Há-
varssonar og Þormóðs Kolbrúnarskálds
er sögusviðið einmitt á þessum slóðum.
Suðurland - Jökulgil og Hrafntinnusker
„Á Suðurlandi eru Hrafntinnusker og Jökulgilið mínir uppáhaldsstað-
ir. í kringum Hrafntinnusker er virkt hverasvæði og litafegurð og fjöl-
breytileiki óviðjafnanleg. Útsýni af Hrafntinnuskeri er mikið og gott til
allra átta. íshellarnir þar eru líka stórfenglegir. Jökulgilið er svo heill
heimur út af fyrir sig. Það liggur upp undir Torfajökli og mikilfengleik
fjallanna sem umlykja gilið er varla hægt að lýsa með orðum. Þangað
er jafngaman að koma að vetri og sumri. Og þetta giljavölundarhús
er ævintýraheimur."
Jökulgil er líka gósenland fyrir jarðfræðiunnendur, því að þar er
að finna líparítfjöll, háhitasvæði, gróðurblettinn Hattver, stuðlaberg
og svona mætti lengi telja. Var það trú manna fyrr á öldum að á
þessu svæði þrifust útilegumenn. Sú trú dalaði eftir að menn fóru að
smala Gilið á haustin í jöfnu hlutfalli við betri heimtur af afréttinni.
Norðurland - Fjörðurnar og Flateyjardalur
Nei, þetta er ekki prentvilla, norðurhluti svæðisins milli Eyjafjarðar og Skjálfanda
nefnist Fjörðurnar og fólk fer í Fjörður að sögn Ómars.
„Fjörður eru eiginlega samheiti á Hvalvatnsfirði og Þorgeirsfirði sem eru nyrst á
skaganum milli Skjálfanda og Eyjafjarðar. Þar skammt frá er svo Flateyjardalur sem
einnig er geysifallegur. Það er jeppafært í Fjörðurnar og ég er á þeirri skoðun að það
svæði allt sé einna fallegast og athyglisverðast á Norðurlandi. Þetta er eyðibyggð, en
landslagið þarna á milli finnst mér sérstaklega fallegt. Svo er ekki langt til Náttfara-
víkur í suður, en þaðan er hægt að fara í skemmtilegar hvalaskoðunarferðir," segir
Ómar og bendir á að skammt frá Fjörðunum til vesturs og í suður séu svo Látrar og
Látraströnd.
Austurland - Kverkflöll
„Ferðalög eru alltaf háð veðri og færð,
en við bestu hugsanlegu skilyrði myndi
ég fyrst og fremst vilja fara upp á topp
Kverkfjalla. Kverkfjöll eru eini staðurinn
á landinu sem á sér hvergi hliðstæðu,
allir aðrir staðir eiga sér hliðstæðu,"
segir Ómar.
En hver er þá sérstaða Kverkfjalla?
„Þú segir Geysir og Kaninn segir Old
Faithful. Þú segir Jökulsárlón og Kan-
inn minnist á svipað lón í Denali-þjóð-
garðinum í Alaska. Þú segir Hekla og
Japanir segja að Fujiama sé miklu fal-
legra fjall. Svona gætum við haldið
áfram langalengi. En svo segir þú
Kverkfjöll og þá ertu búinn að máta
alla. Hvergi annars staðar í heiminum er
að finna á einum og sama blettinum
hájökul og hveradal með gjósandi hver-
um, jökullón með fljótandi ís og volga á
í helli þar sem hægt er að baða sig. Það
var Sigurður Þórarinsson sem sagði
mér á sínum tíma að þetta væri eini
staðurinn á landinu sem hefði þessa
sérstöðu. Kverkfjöll eru toppurinn."
12