Ský - 01.02.1998, Blaðsíða 62

AKUREYRI 1
■ FLUGFÉLAGSBÆRINN
Barir/Kaffihús/
Skemmtistaðir
Fyrst: Ekki verða undrandi þótt fremur rólegtsé á börum og kaffihúsum
bæjarins á virkum kvöldum. Heimamenn fara yfirleitt ekki út að skemmta sér
nema á föstudags- og laugardagskvöldum en taka þá líka vel á því.
Góði dátinn er beint fyrir ofan Sjallann. Þetta er íþróttabar í ætt við Glaum-
bar þar sem hægt er að horfa á beinar sjónvarpsútsendingar frá knattspyrnu-
leikjum þegar þær eru í boði. MTV tekur síðan við á skjám staðarins á öðrum
stundum. Dátamenn hafa verið að reyna að hressa upp á fimmtudagskvöld
með því að bjóða ýmis tilboð fyrir ölþyrsta og má reikna með að framhald
verði á því. Meginþorri viðskiptavina Dátans, eins og staðurinn er jafnan
nefndur, er fólk í kringum tvítugt, það er að segja nemendur í MA og VMA.
Oddvitinn er risastór dansstaður sem heldur uppi heiðri tónlistar í ætt við þá
sem Ingimar Eydal og félagar voru þekktir fyrir að flytja. Á Oddvitann fara
þeir sem vilja fá sér snúning og hafa til þess nóg pláss.
Kaffi Akureyri. Stórpoppararnir Grétar Örvarsson og
Sigríður Beinteinsdóttir eru í fararbroddi eigenda þessa
kaffihús sem stendur við Ráðhústorgið. Flug og munir
því tengdir setja svip sinn á innréttingarnar sem annars
eru í hefðbundnum kaffihúsastíl.
Við Pollinn átti góðu gengi að fagna frá opnun og
naut þar auðvitað almenningshylli eins af eigendunum,
handboltahetjunnar Alfreðs Gíslasonar. Nú er Alfreð farinn - í bili a.m.k. - en
Pollurinn á enn sína fastagesti. Kúnnahópurinn er almennt nokkuð blandað-
ur hvað aldur snertir. Rúnar Júlíusson og Tryggvi Hubner halda gjarnan uppi
stuðinu um helgar, en einnig er af og til lifandi tónlist á fimmtudögum.
Plánetan er nýr næturklúbbur sem stendur við göngugötuna. Höfðar
kannski aðallega til yngri kynslóðarinnar með danstónlist og blikkljósum.
Café Karolína er fyrst og fremst kaffihús, en þar er hægt að fá áfengar veig-
ar þegar kvölda tekur. Karolína nýtur nálægðarinnar við helstu sýningarsali
bæjarins og þar má oft sjá ýmsa listhneigða bæjarbúa og aðkomufólk. Þetta
er rólegur staður á tveimur hæðum þar sem „volume" takkinn á magnaran-
um fer aldrei yfir miðjuna. Kjörinn til þess að setjast niður og spjalla, lesa
blöðin eða spila á spil. Menntskælingar halda gjarnan til á efri hæðinni. Takið
eftir að á Karolínu er ekki bara hægt að fá snarl á borð
við salthnetur og nachos með veigunum heldur einnig
harðfisk með smjöri - sem er auðvitað til fyrirmyndar.
Sjallinn er heimavöllur Stebba Hilmars, Helga Björns
og annarra sveitaballa-hljómsveita-töffara. Þegar ein-
hver af stóru hljómsveitunum kemur til Akureyrar
spilar hún í Sjallanum og troðfyllir nánast alltaf stað-
inn.
Kaffi kverið er staðsett í bókaversluninni Bókvali. Þar
eru í boði léttar veitingar og bakkelsi sem hægt er að maula á meðan litið er
í tímarit og dagblöð. Svo er líka hægt að virða fyrir sér bæjarlífið því
göngugatan er beint fyrir utan gluggann. Kverið er opið á sama tíma og Bók-
val sem lokar klukkan 22.00.
Á seji á illjurðjj'i
Febrúar
• Listasafnið á Akureyri: Sýning á vatnslita-
myndum Ásgríms Sveinssonar.
• Bókasafn Háskólans á Akureyri: Sýning á
verkum Brian Pilkington.
• Leikfélag Akureyrar: Renniverkstæði. Á ferð
með frú Daisy. Leikendur: Sigurveig Jónsdóttir,
Þráinn Karlsson og Aðalsteinn Bergdal. Leikstjóri
Ásdís Skúladóttir.
18.02
• Almennur félagsfundur Gilfélags í Deiglu
kl. 20.00.
• Ljóðakvöld á Sigurhæðum kl. 20.40.
19. til 20.02.
• Ráðstefna á vegum Háskólans á Akureyri um
„Sagnahefð í nútímasamfélagi, hagnýtíng og þró-
un“.
20.02.
• Lifandi dagskrá um „Munnlega sagnahefð“ í
Deiglu kl. 20.00. Erindi halda Robin Gwyndaf frá
Wales, David Campell og Duncan Williamson frá
Skotlandi ásamt fleirum.
21.02.
• Þjóðleg skemmtun í Deiglu. Hagyrðingar láta
gamminn geysa. Fjórir fjörugir og tvær trylltar.
Stjórnandi Erlingur Sigurðarson.
21.02. til 01.03.
• Dekurdagar á Akureyri. Sérlega vel verður gert
við heimafólk og ferðamenn þessa viku. Ýmsar
uppákomur í bænum og á útivistarsvæðum hans
í næsta nágrenni.
25.02.
• Ljóðakvöld á Sigurhæðum kl. 20.40.
26.02.
• Heitur fimmtudagur. Djassklúbburinn. Djamm-
sessjón á norðlenska vísu ásamt Dixílandbandi
kl. 21.30 í Deiglu.
Mars
04.03.
• Ljóðakvöld á Sigurhæðum kl. 20.40.
06.03.
• Söngvaseiður. Leikfélag Akureyrar frumsýnir.
Aðalhlutverk: Þóra Einarsdóttir, Hinrik Ólafsson,
Jóna Fanney Svavarsdóttir og Hrönn Hafliðadótt-
ir. Leikstjóri Auður Bjarnadóttir.
07.03.
• Ketilhúsið. Fyrirlestur og módelsýning hjá
bandaríska listamanninum David Hebb.
01. til 08.03.
• Kirkjulistavika í Akureyrarkirkju,
athugið nánar auglýsta dagskrá.
11.03.
• Ljóðakvöld á Sigurhæðum kl. 20.40.
18.03.
• Ljóðakvöld á Sigurhæðum kl. 20.40.
25.03.
• Ljóðakvöld á Sigurhæðum. kl. 20.40.
25.03.
• Skíðamót íslands hefst í Hlíðarfjalli.
26.03.
• Heitur fimmtudagur. Djassklúbburinn. Söng-
kvennadjass og djasskvartett kl. 21.30 í Deiglu.
60