Ský - 01.02.2001, Blaðsíða 37

ilutiuiu

Þórsteinn Ágústsson
er félagi í hugleiösluhópi Sri Chinmoys. Hann rekur einnig heilsubúð viö Klapparstíg.
Hvaö starfarðu?
-Eg kenni hugleiðslu, einbeitingu og söng
sem miðar að þvi að nálgast Guð. Allir
hafa sál, sem er hluti af alheimssál, sem
er Guð.
Sri Chinmoy er ættaður frá Indlandi en býr
í New York. Hann hefur kennt eigin tegund
hugleiðslu um 36 ára skeið og hann er
boðberi friðar. Hann heldur hugleiðslufundi
vikulega í höfuðstöðvum Sameinuðu
Þjóðanna í New York. Sri Chinmoy er að
euki mikill hlaupagarpur.
Eg hitti Sri Chinmoy fyrst á hugleiðslufundi
hér á íslandi. Ég var að leita að aukinni
lífsfyllingu og í þessu fann ég eitthvað
alveg sérstakt... sem veitti mér hamingju.
Það eru um 30 manns með bein tengsl
við Sri Chinmoy hér á landi, þó að við
höfum fengið 3-4000 á hugleiðslufundi
á undanförnum árum.
Við höldum kvöldfundi í tónlistarskóla í
Breiðholti. Húsnæðið fáum við án endur-
gjalds og það er ókeypis inn á fundina
(þannig er það alls staðar þar sem Sri
Chinmoy kemur fram). Þó seljum við
stundum bækur á fundunum og öflum
smátekna á þann hátt.
Um 1000 lærisveinar Sri Chinmoys hittast
á fagnaði í New York tvisvar á ári, þar sem
er hugleitt, sungið og hlaupið.
Sri Chinmoy kom til Islands 30. október
síðastliðinn og troðfyllti stóra salinn í
Háskólabíó þegar hann kom fram. Ingibjörg
Sólrún Gísladóttir hélt honum svo móttöku
í Höfða og að auki hitti hann þá Steingrím
Hermannsson og Halldór Blöndal."
ENDURREISN HOLDS OG ANDA SKÝ 35