Úrval - 01.06.1944, Blaðsíða 132

TIL LESENDANNA.
K-n ETTA hefti lírvals hefir tafizt talsvert af ófyrirsjá-
"/ anlegum atvikum. Ætlazt var til að það kæmi út í
júní, enda er það maí—júní heftið, en í reyndinni hefir
það ekki getað komið út, fyrr en í miðjum júlí. Á þessu
biður Úrval afsökunar og verður að treysta þeirri velvild,
sem lesendur og vinir hafa jafnan sýnt. Verður nú þegar
tekið að undirbúa júlí—ágúst heftið og reynt eftir föng-
um að stilla svo til að það verði ekki á eftir áætlun.
Lesendur sýna enn Úrvali þá velvild að senda ýmsar
athugasemdir um efnisval og frágang, og er það ritinu
ómetanlegur styrkur. Flest þeirra bréfa, sem send hafa
verið, eru ætluð ritstjóranum til leiðbeiningar en ekki til
birtingar, og eru þau að sjálfsögðu eigi síður þegin en hin,
sem efnis og frágangs vegna eru hentug til birtingar.
Verður efni þeirra athugað og uppástungur og athuga-
semdir teknar til rækilegrar athugunar.
I flestum bréfanna er vikið nokkuð að stækkun Úrvals,
og eru allir bréfritarar henni fylgjandi, nema V. G., og
er bréf hans birt á 2. síðu. Gott er til þess að vita, að
lesendum líkar svo vel við Úrval, að þeir vilja hafa það
stærra og láta það koma oftar en hinsvegar verður að
taka í sama strenginn og V. G., að betra er að koma
sjaldan og vera til ánægju. Það vill svo til nú, að aldrei
hefir horft óbjörgulegar um stækkun ritsins, og valda því
annir þeirra, sem að ritinu starfa og þær óviðráðanlegu
ástæður, sem sérstaklega hafa tafið útkomu þessa heftis.
Spurningin um stækkun verður því að bíða betri tíma
í bili.
STEINDÓRSPRENT H.F.