Gátt - 2016, Blaðsíða 47

Aldrei of seint að byrja. Réttindi styrkja
Raunfærnimatið er alger snilld og það ættu
Námskeiðið var frábær upplifun og
Samtal við námsráðgjafa breytti
góð leið til að komast út og hitta fólk.
Kennsluaðferðirnar eru „alveg frábærar“ með að mæta fólki
þar sem það er statt og mæta þeim sem eru les-, eða talnablindir og eiga
Námskeiðið hefur styrkt mig persónulega í
vondar minningar úr skóla.
leik og starfi. Námskeiðið gjörbreytti mér og mínu lífi, það gaf mér mikið
sjálfsöryggi. Sjálfsstyrking og samskipti er stór þáttur í náminu og mjög
mikilvægur.
47
F R Æ Ð S L U M I Ð S T Ö Ð A T V I N N U L Í F S I N S
G Á T T – Á R S R I T – 2 0 1 6
F O R S A G A N
Fræðslusetrið Starfsmennt stýrði verkefni um raunfærnimat
fyrir tanntækna í samstarfi við fjölda aðila á árunum 2014
til 2016. Gekk verkefnið svo vel að sækja þurfti um aukafjár-
magn og stuðning frá Fræðslusjóði atvinnulífsins til að geta
klárað verkefnið.
Forsaga málsins er sú að haustið 2012 fékk Fræðslumið-
stöð atvinnulífsins (FA) styrk frá Evrópusambandinu (ESB)
í gegnum Instrument for Pre-Accession Assistance (IPA)
styrkjakerfið. Verkefni FA bar heitið Þróun raunfærnimats til
að efla starfshæfni fullorðinna með litla formlega menntun.
Þessi styrkur kom í kjölfarið á umsókn Íslands að ESB en þar
sem hætt var við aðildarumsókn 2013 dró ESB styrkinn til
baka á árinu 2014. Eitt af síðustu verkefnunum, sem fékk
IPA styrk, var raunfærnimat tanntækna. Bjóða átti aðstoðar-
fólki tannlækna, sem uppfylltu ákveðin skilyrði, raunfærni-
mat verklegra greina á móti námskrá tanntæknabrautar og
hvetja það til að ljúka námi í tanntækni.
FA leiddi saman Fjölbrautaskólann í Ármúla (FÁ) og
Fræðslusetrið Starfsmennt sem í samstarfi útbjuggu gátlista
fyrir verkefnið. Að lokinni grunnvinnu var kannað verð verk-
efnisins þar sem öllum símenntunarmiðstöðvum gafst tæki-
færi til að bjóða í framkvæmd þess. Starfsmennt var spennt
fyrir þessu verkefni og hafði áhuga á að afla sé meiri þekk-
ingar og reynslu af raunfærnimatsvinnu með stórri kvenna-
stétt. Starfsmennt starfar aðallega innan opinbera geirans en
hér rerum við á önnur mið sem reyndust ansi fengsæl og
stærri en við gerðum ráð fyrir.
Skemmst er frá því að segja að Starfsmennt fékk verk-
efnið og myndaður var stýrihópur sem samanstóð af fram-
kvæmdastjóra og verkefnastjóra Starfsmenntar, tveimur
aðilum frá Félagi tanntækna og
aðstoðarfólks tannlækna (FTAT) og
kennslustjóra tanntæknabrautar FÁ.
Samningur um verkefnið var
undirritaður 20. mars 2014 og mið-
aði við 15 þátttakendur +/− fjórir. Að
hámarki var reiknað með 19 þátt-
takendum. Gert var ráð fyrir að öflun þátttakenda yrði lokið í
september og þá gæti vinnan hafist við raunfærnimatsferlið
og því yrði lokið í júní 2015. Boðið var upp á raunfærnimat í
53 einingum eða 88 feiningum aðallega í verklegum greinum
tanntæknabrautar. Gert var ráð fyrir að hver þátttakandi tæki
að meðaltali 25 einingar eða um 42 feiningar.
Ö F L U N U M S Æ K J E N D A
Eins og fram kom fyrst í greininni voru inntökuskilyrðin
þau að miðað var við 25 ára aldur, fimm ára starfsreynslu
og umsækjandi þurfti að hafa tekið að minnsta kosti 24
SÓLBORG ALDA PÉTURSDÓTTIR
G Ó M A Ð U R É T T I N D I N – R A U N F Æ R N I M AT
TA N N TÆ K N A
„Viltu verða tanntæknir og fá starfsreynslu og fyrra nám metið til framhaldsskólaeininga?
Ertu 25 ára eða eldri? Hefurðu starfað í fimm ár eða lengur í faginu? Hefurðu lokið a.m.k. 24
klukkustundum í starfstengdu námi?
Ef þú svarar öllum þessum spurningum játandi er upplagt fyrir þig að skrá þig í raunfærni-
mat tanntækna hjá Fræðslusetrinu Starfsmennt.“
Svona hljómaði auglýsing sem birtist í blöðum, tímaritum og víðar á vordögum 2014.
Sólborg Alda Pétursdóttir
Sólborg Alda Pétursdóttir verkefnastjóri Starfsmenntar, Kristrún Sigurðardóttir kennslustjóri tann-
tæknabrautar og Ásthildur Dóra Kjartansdóttir kennari hressar og kátar í tilefni útskriftar og loka-
verkefnis.