Læknaneminn - 01.04.2004, Blaðsíða 60

SÉRNÁM í USA,
árin. Enskuprófið er frekar létt og þarfnast ekki undirbúnings.
Step 1 og step 2 renna út eftir 7 ár en enskuprófið rennur
út eftir 2 ár, þannig að ef lengri tími líður frá því að prófið er
tekið þar til farið er utan þarf að þreyta prófið á nýjan leik.
Clinical Skill Assessment prófið kemur til með að breytast
lítillega í júní 2004 og verður þá leyst af hólmi af prófi sem
kallast step 2 clinical skills (step 2 CS). Prófið samanstendur
af 10 stöðluðum sjúklingum (Standard patients; SP) sem eru
sérstaklega þjálfaðir til þessa verkefnis. Próftaki hefur 15
mínútur til þess að fá fram sögu og skoða sjúkling og síðan 7
mínútur til að gera stutta skýrslu um sögu, skoðun og helstu
niðurstöður. Til að geta tekið prófið þarf viðkomandi að hafa
náð step 1, step 2 og enskuprófinu. Prófið er hægt að taka
allt árið um kring og er einkunn gefin sem staðið/fallið. Hægt
verður að taka þetta próf í Atlanta, Chicago, Houston, Los
Angeles og Philadelphia. Pað kostar $1200 að taka step 2
CS.
Stöður í sérnámi í Bandaríkjunum hefjast venjulega
um mánaðarmótin júní/júlí, Til að geta sótt um stöðu er
nauðsynlegt að hafa náð step 1 og að vera búinn að taka
step 2 og enskuprófið. Síðasta tækifæri til að taka step 1 er
því í júní ári áður en haldið er í sérnám og step 2 er í síðasta
lagi hægt að taka í lok ágúst. Það er því nauðsynlegt að
hafa tímann fyrir sér. Gott er að skrifa til þeirra staða sem
áhugi er fyrir í júlí ári áður en áætlað er að halda utan og
biðja um upplýsingabækling og umsóknareyðublöð. Þessar
upplýsingar er í æ auknum mæli hægt að nálgast á netinu
og eru sum prógrömm hætt að gefa út bæklinga og benda
eingöngu á netið til upplýsingaöflunar. Listi yfir þau prógrömm
sem í boði eru á að vera til á Bókasafni Landspítalans
(Graduate Medical Education Directory) en einnig er hægt að
nálgast þessar upplýsingar á netinu (FREIDA-online, sjá aftar).
Einnig eru gefnir út ítarlegri listar innan hverrar sérgreinar
fyrir sig. Umsóknarfrestur rennur yfirleitt út í lok október en
það er þó misjafnt eftir sérgreinum. Með umsókninni þarf
að fylgja Curriculum Vitae, 3 meðmælabréf, Dean's letter
(undirritað af forseta læknadeildar) og personal statement.
Curriculum Vitae á að vera gagnorð lýsing á því helsta sem
umsækjandi hefur afrekað og er best að tína sem flest til
(ekki vera hógvær, jafnvel þó hógværð sé dyggð I). Þar koma
fram hlutir eins og prófgráður, einkunnir (ef góðar eru !),
rannsóknarvinna, greinaskrif, félagsstörf, starfsreynsla, áunnir
styrkir o.fl. í personal statement koma m.a. fram ástæður
fyrir vali á sérgrein, hvað umsækjandi hafi helst unnið sér til
ágætis, fjölskylduhagir, áhugamál og framtíðarplön. Góð regla
er að hafa personal statement ekki lengri en eina blaðsíðu.
Meðmælabréfin mega vel vera fleiri en þrjú en gott er að hafa
í huga að slæmt bréf segir prógramm-stjórum mun meira en
gott bréf. Það er því mikilvægt að velja vel þá sem skrifa
meðmælabréfin og helst spyrja þá fyrirfram hvort þeir geti
með góðri samvisku skrifað gott bréf. Dean’s letter biður
maður um á Skrifstofu Læknadeildar (s. 525-4881). Þar
koma fram upplýsingar um námsferil, einkunnir og stöðu í
bekk í samanburði við samstúdenta. Á læknanemaárunum
heyrði maður því stundum fleygt að einkunnir úr Háskóla
íslands og USMLE prófunum skiptu ekki máli þegar kæmi
að umsókn um sérnám. Það er reynsla undirritaðs að þetta
er alrangt. Sum prógrömm setja sínar eigin lágmarkskröfur
varðandi einkunn úr USMLE sem þeir telja viðunandi og ef
umsækjandi hefur staðið sig vel í námi hérlendis er tekið eftir
því (sérstaklega ef umsækjandi er meðal þeirra efstu í sínum
bekk). Það má þó segja að mikilvægasti þáttur umsóknarinnar
séu meðmælabréfin. Best er ef þau eru skrifuð af innfæddum
en næst best ef þau eru skrifuð af einhverjum sem innfæddir
þekkja. Ef læknanemar hafa mikinn áhuga á að fara til
Bandaríkjanna í sérnám er mjög sterkur leikur að reyna
að komast að í einn mánuð í s.k. “student elective" eða
“externship”. Þessum tíma er varið á klínískum deildum og ef
viðkomandi hefur staðið sig vel getur gott meðmælabréf frá
sérfræðingi við viðkomandi sjúkrahús skipt sköpum varðandi
möguleika á að komast inn í sérnám síðar, jafnvel þó að
tímanum hafi verið varið á annarri deild en ætlunin er að
sækja um seinna meir. Einnig er góð hugmynd að vinna 4.árs
verkefnið í Bandaríkjunum ef viðkomandi hefur mikinn áhuga
á að komast að þar í landi. Varðandi frekari upplýsingar um
þessi mál vill höfundur mæla með bókinni “First aid for the
Match" þar sem er að finna mjög greinargóðar og gagnlegar
upplýsingar.
Þegar kemur að því að sækja um stöður í Bandaríkjunum
er notast við kerfi sem heitir ERAS (Electronic Residency
Application Service). Byrjað var að nota kerfið 1995 fyrir
þá sem sóttust eftir að komast í sérnám í fæðinga- og
kvensjúkdómalækningum. Nú er svo komið að nánast öll
prógrömm nota kerfið, sem er unnið á tölvu og fara nánast öll
samskipti fram á netinu. Eftir að umsækjandi hefur ákveðið
hvar hann vill sækja um, merkir hann við þau prógrömm sem
áhugi er fyrir ásamt því að hlaða inn nauðsynlegum gögnum,
s.s. curriculum vitae, personal statement osfrv. Þessi gögn eru
síðan send til viðkomandi staða. Lesendum er bent á að fara
á heimasíðu ERAS þar sem eru nákvæmar lýsingar á kerfinu
(http://www.aamc.org/audienceeras.htm).
Tilgangur allrar þessarar fyrirhafnar sem áður er lýst er að
komast að í viðtal. Ef umsækjandi ætlar að eiga einhverja
von til þess að komast inn í prógramm verður hann að hafa
farið í viðtal á þeim stað. Ekki er öllum umsækjendum boðið
í viðtal. Það fer eftir styrk umsóknarinnar hvort umsækjandi
teljist líklegur til að standast þær kröfur sem gerðar eru til
hans. Viðtöl eru venjulega haldin á tímabilinu nóvember til
janúar ár hvert. Þeir sem sækja um stöður í prógrömmum
þar sem ríkir mikil samkeppni um stöður er ráðlegast að fara
í nánast öll þau viðtöl sem þeim er boðið í (ef þau eru þá
einhver I). Ef tiltölulega auðvelt er að komast í viðkomandi
sérgrein er sennilega nóg að fara í 3-5 viðtöl svo tryggt sé að
viðkomandi fái inngöngu. Viðtölin taka yfirleitt heilan dag og
samanstendur viðtalsdagur af kynnisferðum um spítalasvæðið,
spjalli við lækna í sérnámi og formlegu viðtali við sérfræðinga
prógrammsins. Þessi viðtalsdagur er ekki aðeins mikilvægur
til að kynna sjálfan sig heldur er hlutverk hans ekki síður að
60 -Læknaneminn 2004